1 мамыр. 1 мамыр Бірлік, Ынтыма кні!
 Скачать 26.68 Kb.
|
|
«1 мамыр - Бірлік, Ынтымақ күні!» атты 1 мамыр- Қазақстан халықтарының бірлігі күніне арналған тәрбие сағаты. Мақсаты: Халықтар арасындағы достықты нығайту, осы мақсатта оқушылардың достық қарым-қатынастарын қалыптастыруды жалғастыру, Қазақстанның өркендеуіне достық а рқылы өз үлестерін қосуға баулу. Көрнекілігі: 1. Ұлттар достығын бейнелейтін суреттер, Видео слайд Әнұран Жүргізуші: Бірінші мамыр! Достықтың ұлы мейрамы Тоғысар сенде жандардың ізгі ойлары Татулық пенен бірлікке ынтымақ, адамзат, Өзіңді сәнмен қошемет етіп тойлайды! (1 мамырға арналған видео-көрініс) Қайырлы күн қымбатты ұстаздар, оқушылар, бүгінгі шараға қатысушылар! 1 мамыр Қазақстан халықтарының бірлігі күніне арналған ««1 мамыр - Бірлік, Ынтымақ күні!»- атты тәрбие сағатына қош келдіңіздер! Қазақстан Республикасын мекен еткен 130 дан астам ұлт өкілі күні бүгінге дейін ынтымақтастыққа, бір үйдің баласындай тату-тәтті жарасымды тіршілік кешіп келеді. Жүзі басқа болғаны мен жүрегі бір, тілі басқа болғаны мен тілегі бір, мақсат-мүддесі ортақ, бірлігі мықты, достығы берік ұлттар қазақ елінің салт-дәстүріне, ұлттық құндылықтарына құрметпен қарайды, сондай-ақ қазақ халқының қарапайымдылығы, қонақжайлылығы, бауырмалдылығы үшін ерекше бағалайды, бастысы өздері қоныс тепкен Қазақстан жерінің барлық ұланымен ауыз бірлікте, туыс болуды көздейді. Бүгінгі шараның да мақсаты халықтар арасындағы достықты нығайту, осы мақсатта студенттердің достық қарым-қатынастарын қалыптастыруды жалғастыру, Қазақстанның өркендеуіне достық арқылы өз үлестерін қосуға баулу. Жүргізуші:Қазақстан бүгінде ұлттар мен ұлыстар мекендеген достық пен туысқандықтың, ынтымақ пен ырыстың ордасына айналды. Елбасы Н.Ә.Назарбаев халықтар достығы бірлік пен татулық орныққан елдің жаңа әлемдегі жаңа Қазақстан болуы керектігін ұлы міндет етіп қойды. Қазақстан халықтары осынау ұлы көштің басында қол ұстасып бірге жүрмек. «Қазақта бірлік болмай, тірлік болмас» - деген ұлағатты ұғым бар. Ендеше елімізде бейбіт өмір сүріп жатқан ұлттар мен ұлыстар өкілдерінің татулығы артып, Қазақ елінің нығайып, өркендеуіне өз үлестерін қосты. Жүргізуші:Тілі басқа тілегі бір біргеміз, Өздеріңмен жүздесеміз күнде біз. Мақсат ортақ, бейбітшілік ұран боп Татулықтан бұзылмасын іргеміз. Мырзабеков Шерханның орындауында монолог. «Бір кісі бармақтай құсты ұстап алып торға қамап қояды. Тұтқын құс күні-түні дамыл көрмей «Отан, Отан, Отан ...» деп шырылдай береді. Құстың иесі: «Мұнің да Отаны болғаныма, ал Отаны болса қайда екен?» құсты ұшырып жіберейін де, ұшқан жағына қарап, ғажайып елге апаратын жолды біліп алайын деп» деп ойлайды. Сөйтіп торды ашып, құсты босатып жібереді. Құс ұшып шығып бар болғаны 10 қадам жердегі тастақты тақырдың арасында өскен жалғыз түп тікенге барып қонады. Сөйтсе, әлгі бұтада ұясы бар екен «Демек құстың Отаны – ұя салған жері болды ғой» деп ойлайды жаңағы адам. Шынында да адам түгілі құстарда ұя салып, мекендеген жеріне бауыр басып кетеді екен! Міне, тыңдарман қауым сөзімнің соңын мына бір өлең жолымен қорытындылаймын. Туған жердей жат елдің болмайтыны ақиқат Оған көңіл толмайтыны ақиқат. Алтын торда алтын құс өсірсең де, бұлбұл құс Өскен бағы болмаса, қонбайтыны ақиқат! Жүргізуші:Жүздерімізге шуақ, бойымызға қуат әкелген 1-мамыр Қазақстан Халықтарының ынтымағы мен бірлігі күні құтты болсын Жүргізуші:Күте тұғын асыға әр күнін біз, Арналатын ең тәтті ән жырымыз Мерекелі мерейлі айдың басы Құтты болсын Бірінші Мамырымыз! Қазақстан Республикасының Президентінің жолдауы еліміз үшін де, әрбір тұрғын үшін де асыға күтер оқиғаға айналды. Жолдаудың әр жолында көңіліңді көтеретін жылы шуақ, елдің ертеңгі көрінісін көз алдыңа келтіретін нұрлы қуат бар. Жаңа Қазақстанның көркейіп нұрлануына бірлесе үлес қосайық, ағайын. Жүргізуші:Қазір республикамыздың мектептері 9 тілде: қазақ, орыс, өзбек, ұйғыр, тәжік, украин, татар, неміс және ағылшын тілдерінде білім береді. 15 тіл ана тіл ретінде оқылады. 22 ұлттық-мәдени бірлестіктердің жексенбілік мектебі бар. Жүргізуші:Ынтымақ, бірлік, достық, татулық Бабалардан қалған дәстүр айтулы Түгелденіп төртеуіміз төрде тұр Тәуелсіздік туы мәңгі тұғырлы Жүргізуші:Назданып бүгін өмір нұрлы күні, Қыр беттің қызғалдаққа тұнды гүлі. Мамыр боп, айбары асып асқақтайды, Еңбек, Бақыт, Береке, Бірлік күні. Міне, осыған сәйкес «Тапқыр достар»ойынын ұйымдастырмақшымыз. Ол ойынның шарты ортадан 3 оқушы шығады. Жүргізуші ынтымақ, бірлік, достық жөнінде мақал-мәтелдердің басы айтылады, жалғасын жаңағы 3 оқушы айтады, осылай ұпай санымен есептеліп жеңімпаз анықталады. Ырыс алды –(ынтымақ) Бірлік болмай – (тірлік болмас) (Ынтымақтың түбі) – игілік Бірлік, ынтымақ - (байлық, бақ) Тірлік, тірлік түбі - (бірлік) (Татулықта) табыс мол Біршілік болмай (Тіршілік болмайды) Дос басыңа қарайды (Дұшпан аяғыңа қарайды) Дос сыртыңнан мақтар, дұшпан (көзіңе мақтар) Ағаш тамырымен мықты, Адам (дос –жарымен мықты) Дос-егіз, (дұшпан-сегіз) Досыңды мақтағаның - (өзіңді жақтағаның) Досы жоқ адам- (Тұзы жоқ тағам) Досы көпті жау алмайды, (Ақылы көпті дау алмайды) Теңге тиыннан, (Ынтымақ – ұйымнан). Жүргізуші:Қаһарман, қас батырға дабылы сай, Арманға жетелейтін ағыны бай. Мен сені қуанышпен қарсы аламын, Ажарың ақ – шуақты мамырым - ай. Мен оның түнін сүйем, күнін сүйем, Ағынды өзен, асқар тау, гүлін сүйем, Мен оның қасиетті тілін сүйем, Мен оның құдіретті үнін сүйем. Бар жәндігін сүйемін қыбырлаған, Бәрі маған «Отан!» - деп сыбырлаған Жаным менің кеудемді жарып шық та, Бозторғайы бол да оның шырылдаған. Жүргізуші:Бұл күні қырқаларға гүл тұнады, Бар әлем бір-ақ сәтте құлпырады. Әлемге дос құшағын жая келген, Армысың, бар халқымның ынтымағы! 1-оқушы 1.Бірлігі жоқ ел тозады (бірлігі күшті ел озады) 2. Салтанатты ән ( әнұран) 3. Әдепті бала арлы бала (әдепсіз бала сорлы бала) 4. 1 мамыр мерекесін белгілеуге АҚШ –та қай жылы, қалада болған? 5. Астанамыз 10 жасқа қашан толды. 2 – оқушы Досы көппен сыйлас (досы азбен сырлас) 2. Елтаңба авторы? (Ш. Уәлиханов, Ж. Мәлібеков.) 3. Біздің елімізде 1 мамыр мерекесін қашаннан бастап атап өтілді?(Тәуелсіздігімізді жариялағаннан бастап) 4. Желтоқсан көтерілісі өткен қала. (Алматы) 10. 1 мамыр мерекесін Кеңес үкіметі 1-ші рет қай жылы мейрамдады?(1918 ж) 3 – оқушы 1.Ынтымақ оқ өтпес сауыт( татулық тамаша сауыт) 2. Ресейде бірінші рет қай жылы, қай қалаларда бірінші мамырға арналған көтерілістер ұйымдастырылды.(1891, 1892, Петербург, Тула, Лодз) 3.Қазақстанның алғашқы астанасы?( Орынбор) 4. Еліміздің рәміздері қабылданған күн? (1992ж 4 маусым) 5.Ата Заңы қабылданған күн?( 1995 ж 30 тамыз) Жүргізуші:Әйнегі күн, шатыры аспан, Кең дала, төсі толқыған ән. Көлдері көкке күмістер шашқан, Қазақстан-Республикам менің! Жүргізуші:Ынтымағы жарасқан береке күн, Білдіреді болашақ ел ертеңін. Татулық пен достығың арта берсін, Құтты болсын бүгінгі мереке күн. Күні кеше ғана Елбасы жолдауынан қуат алып жігерленген жұртшылық бірлік пен тірлік, бейбітшілік, достық салтанат құрғанда дана бақыт пен шаттық, ынтымақтастық орнаған да ғана болашағымыз баянды болатынына кәміл сенеді. «Сөз тапқанға қолқа жоқ». Күлдіргі жұмбақтар. 1 оқушы 1.Егер түнгі сағат 12 де жаңбыр жауса, онан соң 72 сағаттан кейін күн ашылып, шуақ түседі ме? (бұл түн мезгілі) 2. 1 т мақта ауырма, әлде 1 т темір ауыр ма? (тең) 3. Не нәрсе сенің меншігің, бірақ оны өзінен көрі басқалар көбірек айтады. (сенің есімің) 2 оқушы 1. Қай кезде аспан жерден төмен тұрады? (аспан суреті судан көрінген кезде) 2.Үш түйеқұс ұшып келе жатты, аңшы олардың бірін атып алды. Олардың қаншасы қалды? (түйеқұс ұшпайды) 3. Тышқан аулағышты бес әріппен қалай жазуға болады? (мысық) 3 оқушы 1.Жұмыртқа 12 мин піседі, ал он жұмыртқа неше минутта піседі? (12 мин) 2. Бір жанұяда 5 ұлдың бір-бірден қарындасы бар, жанұяда неше бала бар? (6 бала) 3. Ұшақ Шымкенттен Астанаға дейін 1 сағ 20 минутта ұшады. Ал кері қарай 80 минут ұшады. Бұны қалай түсіндіресің? (тең) Жүргізуші:Қазақ жері достықтың гүлстаны Дархан өлкем мерейлі ырыс бағы Күрестерде еңбекте, мерекеде Мұнда сан ұлт қолдасып ту ұстады. Жүргізуші:Ұлыстарымыз тамыр болған ежелден, Кімдер қашсын қазақтайын ер елден Достығымыз ғасырларға жарасқан Туған елім, шарықтай бер кемелден! Ел бірлігі ең асыл қасиет. «Бірлік, ынтымақ, сабырлық пен парасаттылық ең алдымен өзімізге қазақтарға керек» деп көрегенділікпен елбасымыз айтқандай біз сияқты көп ұлтты мемлекеттің даму болашағының бір көзі Қазақстан халықтарының бірлігі. Қазақстан сияқты жас мемлекеттің өркендеуінің бір кепілі еліміздің ынтымақтастықпен бейбіт өмір. Жер бетінде адам өмір өткізер, Бар нәрсеге білім қолды жеткізер Бар ізгілік тек білімнен алынар, Білім менен аспанға жол салынар. Білімділікпен ізгілікті бойымызға дарыта берейік. |