4 цвета. 18. Адыгэбзэр фIагъ иIэуегъэджыным и дидактическэ принципхэр

• Название: 18. Адыгэбзэр фIагъ иIэуегъэджыным и дидактическэ принципхэр
• Дата: 02.11.2021
• Размер: 19.43 Kb.
• Имя файла: 4 цвета.docx
• Тип: Документы; #261604

18.Адыгэбзэр фIагъ иIэуегъэджыным и дидактическэ принципхэр.

ЕгъэджакIуэм еджакIуэхэр щригъаджэкIэ, яригъэджым, езы егъэджакIуэм и щIэныгъэхэм, и творческэ зэфIэкIхэм, зыхунэса, зыIэригъэхьа есэныгъэхэм елъытакIэрэ, метод зэхуэмыдэхэр къегъэсэбэп. Егъэджыныр тещIыхьащ мыхэм: а) общедидактическэ принципхэм; б) езы предметым и щытыкIэ хэхахэм.

Общедидактическэ принципхэм хохьэ мыхэр:

1. 
   научностыр, ядж темэхэр шэч къызытумыхьэжу щытыныр;
   
2. 
   зэпыу имыIэу, зэкIэлъыкIуэкIэ тэрэзым тету щIэныгъэр зыIэрыгъэхьэныр;
   
3. 
   щIэныгъэмрэ практикэмрэ зэпхыныр;
   
4. 
   адыгэбзэм и школ курсым и Iыхьэ псори зэпхауэ щытыныр (грамматикэмрэ орфографиемрэ, пунктуацэр, лексикэр, стилистикэр, н.);
   
5. 
   гурыIуэгъуэу джыныр;
   
6. 
   нэрылъагъуу щытыныр;
   
7. 
   еджакIуэхэм я ныбжьым хуэфащэу щIэныгъэхэр къыхэхыныр;
   
8. 
   дэтхэнэ еджакIуэми и зэфIэкIхэр къыхэлъытаурэ егъэджэныр;
   

А принципхэр псори зыр зым епхыжауэ зэдолажьэ. А предмет псоми я зэхуэдэ принципхэм нэмыщIыжу, езы адыгэбзэм и щытыкIэ хэхахэм къешэ егъэджакIуэр зытетын хуей мы принципхэр:

1. 
   адыгэбзэр джынымрэ я гупсысэкIэм зегъэхъуэжынымрэ;
   
2. 
   бзэм и грамматическэ ухуэкIэмрэ литературэбзэм и псалъэхэмрэ зэрызэпхар;
   
3. 
   грамматикэр джынымрэ еджакIуэхэм я жьэрыIуатэбзэмрэ тхыбзэмрэ зегъэужьыныр зэрызэпхар;
   
4. 
   еджакIуэхэр адыгэ хабзэхэм щIэпIыкIыныр къызэфIигъэкIыу щытыныр; еджэныгъэмрэ гъэсэныгъэмрэ егъэджакIуэм зэдихьыныр;
   
5. 
   адыгэбзэр адрей предметхэм епхауэ джыныр;
   
6. 
   еджакIуэхэм я гупсысэкIэм, я бзэм зегъэужьыныр;
   
7. 
   бзэр къагурыIуэу, зыхэщIауэ джыныр.
   

ИщхьэкIэ зи цIэ итIуа принципхэм ящыщ гуэрхэр еджэныгъэм къыхэмылъытэным щыуагъэ зэхуэмыдэхэр къишэнкIэ хъунущ, адыгэбзэри фIагъ иIэу джыным зэран хуэхъункIи. Абы къыхэкIыу, егъэджакIуэр а принципхэм псоми щыгъуазэу, еджэныгъэ процессым ахэр къызэрыхалъытэ, зэрыщамыгъэгъупщэ щIыкIэхэр тыншу и нэгу къыщIигъэхьэфу, дэтхэнэми и кIуэрабгъуэхэр къыхуигъуэтыфу щытын хуейщ.