Жотел. 6-Жөтел-кашель Microsoft Word. Пн Ішкі аурулар (ждп) Таырып трі, затыы
 Скачать 16.17 Kb.
|
|
Тақырыптың жоспары, ашу маршруты, кілттік тұжырымдар мен сөздер. Пән: Ішкі аурулар (ЖДП) Тақырып түрі, ұзақтығы: тәжірибелік, 7 сағ. Тақырыбы: Жөтел Сабақтың мақсаты: Когнитивті домен: жөтел симптомы негіз болатын жетекші синдромдар арқылы күдікті болатын нозологиялық бірліктерге диагноздық ізденіс – жүргізу, яғни синдромдық диагноздық алгоритмді игеру. Науқастың зерттеу жоспарын ұтымды құру арқылы дифференциялық диагнозға дайындау. Психомоторлы домен: БМСК-ПМСП (біріншілік медициналық-санитарлықкөмек – первичная медико-санитарная помощь) мекемелері дәрігерлері атқаратын шараларды ҚР ДСМ ДД РО (РЦ РЗ МЗРК) нозологиялық бірліктерінің диагноздық емдеу хаттамаларына (ДЕХ) сай көрсетуді игеру. Аффективті домен: жөтел симптомымен жиі сипатталатын нозологиялық бірліктер ЖДП дәрігерінің тәжірибесінде жиі кездесетіндіктен, тақырып ақпараттарын игерудің маңыздылығын санамен түсіну. І. Кіріспе бөлім (базалық пәндерден қайталау тұжырымдары). Жөтел түсінігі және жөтел рецепторларының орналасуына байланысты оның клиникалық ерекшеліктері (патофизиология мен ішкі аурулар пропедевтикасынан қайталау).4-5 курс ішкі аурулар пәнінен бронхиттер, пневмониялар, бронхтық астма, өкпенің созылмалы обструкциялық ауруы, т.б. аталған симптомдармен сипатталатын нозологиялық бірліктердің диагноздық конструкцияларын үйрену (жіктемелерін ДЕХ қараңыз), нозобірліктердің мысалдарын жазып жаттау. ІІ. Негізгі бөлім (тақырыптың негізгі сұрақтары). Жөтел симптомы негіз болатын синдромдар →және олар арқылы күдік туатын нозологиялық бірліктер: жоғарғы тыныс жолдары кілегей қабатының тітіркену синдромы → жіті респирациялық аурулар; тұмау;синуситтер; фарингиттер; ларингиттер; трахеит; бөгде дене; неотүзілімдер т.б. клиникасы, жіктемесі, диагноз конструкциялары, нозобірліктер мысалдары. бронх өткізгіштігінің бұзылу синдромы немесе бронх кілегей қабатының тітіркенуі →ГЭРА (ГЭРБ); жедел және созылмалы бронхиттер; бронхиолит (ұстамалы жөтел); өкпенің созылмалы обструкциялық ауруы (ӨСОА-ХОБЛ); бронхтық астма, бронхоэктаз ауруы мен екіншілік бронхоэктаздар; бронх ісіктер; клиникасы, жіктемесі, диагноз конструкциялары, нозобірліктер мысалдары. өкпе тінінің тығыздалу синдромы → ауруханадан тыс, ауруханаішілік, ЖИТ синдромындағы т.б. пневмониялар; жүрек шамасыздығындағы іркілістік жағдайлар мен екіншілік пневмониялар; өкпе туберкулезі; өкпе ісіктері; саркоидоз; т.б. жіктемесі, диагноз конструкциялары, нозобірліктер мысалдары. плевраның құрғақ зақымдану синдромы → құрғақ плевриттер; жарақаттар; т.б. жіктемесі, диагноз конструкциялары, нозобірліктер мысалдары. бронх-өкпе жүйесі дамуының тума аномалиялар синдромы → муковисцидоз; өкпе гипоплазиясы т.б.жіктемесі, диагноз конструкциялары, нозобірліктер мысалдары. Тәжірибелік бөлімі: аймақтық және ЖДП дәрігерлерімен науқастар қабылдау, науқастарды үйінде қарау, сәйкес бұйрықтармен және нормативтік құжаттармен жұмыс істеу: Жетекші синдромнан күдікті болған нозобірліктердің диагноздық-емдеу хаттамаларын зерттеп, жаттау (Денсаулықты дамыту Республикалық орталығының – РЦ РЗ – медэлемент порталы). Оларды күнделікке түсіру. Бронхолитиктердің жіктемесі. Бронхтық астманың және ӨСОА-ХОБЛ базистік емінде қолданылатын дәрмектер. Қақырық түсіретін дәрмектер (отхаркивающие препараты) Жөтелді басатын дәрмектер (противокашлевые препараты). Антибактериялық дәрмектердің пневмониялар мен БА, ӨСОА-ХОБЛ емінде қолданылу негіздері. ІІІ. Қорытынды бағалау. Қорытынды тестілеу. SAS, ИӨЖ чек-парақтары.Клиникалық жағдайлар шешу барысында ДЕХ (ПДЛ) жұмыс істеу. Құрастырған: м.ғ.к., жоғары санатты терапевт Сартаева Қ.А. |