Сочинение Мыйын пошкудем. Сочинений Пошкудем. Пошкудо пошкудылан энертыман
 Скачать 20.52 Kb.
|
|
Пошкудем. Пошкудо пошкудылан энертыман (Калыкмут) Мемнан ялыштына шуко уста ен уло. Ик эн сай уста енжылан мый Павлов Виталий Ивановичым шотлем. Тудо мыйын пошкудем улеш.Тудын пȍртшȍ мемнан пȍртлан йожек шинча, садлан ме тудым йожек пошкудо манына. Виталий павай иктаж кудло ияш илалше пȍръен .Изирак капан, лопкатарак туп-вачан улеш. Тудын ÿпшȍ лум гай ошо, туге гынат тидыже нимынярат ийготым тудлан ок ешаре. Чолгыж шогышо ужар шинчаже эре куанен онча.Тыматле йÿкшȍ дене порын пелешта гын,чонетлан куштылгын чÿчеш. Южгунам койдаренат каласаш ок аптыране,но нигȍ ок ȍпкеле.Вет палат: Виталий павай поро кумылан улеш. Мый тудым эн уста енлан шотлем. Тудо уста шофёр, кугу опытан лесник, тыршышан плотник, куатле мÿкшызȍ, вольыкым сайын ончен моштышо ен улеш. Уста шофёр улмыжо машинам шкак рончен да поген моштымо гыч коеш. Кеч-куш тарвана гынат, шке машинаж денак кая. Палыме еным ужешат, пырля шынден нангая да оксажымат огеш нал. Виталий павай чодыра дене кылдалтше пашам ойырен налын. Сулен налме канышыш кайымыж деч ончыч тудо кугу опытан лесник лийын. Пошкудем шке пашажым чотак йȍратен. Шкежат шуко пушенгым шынден да калыкымат тиде пашалан талын ушен. Пашаштыже ÿшанен пуымо чодыражым тудо чот арален, нигунам кÿлеш-оккÿллан руыктен огыл. Мый тудым тыршыше плотник семынат палем. Теве пȍртшым ончал, вÿтажым да мончажым – чыла тудын кидше дене ыштыме. Чылажат йомакысе полатла коеш. Кызытат тудо яра ок шинче, родо-шочшыжлан мом-гынат чонаш полша. Пошкудем мÿкшымат ончаш ок ȍркане. Толшо унаж ден пошкудыжым эре тамле мÿй дене сийла, йокмаланат пуэн колта. Виталий паваем шуко вольыкым ончаш тырша. Тудын ушкалже, шорыкшо, сȍснаже, презыже,чывыже чотак йылгыж шогат. Тидыже вольыкым сай ончымыжым палдара. Виталий павай кум икшывым ончен куштен. Нуным чын корнышко луктын, чылаштланат шинчымашым пуаш тыршен. Кызыт павай дене ватыже, Ольга кувай, коктын веле шинчен кодыныт. Но каныш кечын але кенежым йочашт- влак ешышт дене эре авашт-ачашт дек толашак тыршат. Канаш веле огыл, нунат пеш пашаче кумылан улыт, садлан толмышт еда эре мо дене гынат полшен кодат суртышто. А павай ден кувай тамле шокшо кочыш дене уныкашт-влакым да икшывыштым сийлат, тамле пушан мончам кажне кастене олтат. Тунам , чынжымак, пȍрт оза- влак веле огыл уна толмылан куанат, а уло сурт куанен волгалтеш. Пошкудем тыматле койыш- шоктышан поро ен улеш. Тудын порылыкшо нимучашдыме. Павай эре воштыл пелешта, мыскарам ыштылеш. Тудо йукшымат ок кугемде. Нигунам кычкырал колтымыжымат колын ом ул. «Пошкудет пурен- лектын коштеш гын, илаш каньыле» ,- ойла марий калык. Мемнан йожек пошкудына нигунамат сȍрвален ÿжмым ок вучо. Эре мемнан деке тазалыкнам умылашат, кугурак сурт сомылкам полшашат толын шуэш. Пайрем годымат ме нуным огына мондо. Эре ÿстел тȍрыштȍ сийлена. Вет, калык манмыла, пошкудо йÿдын пелыштыжат кÿлеш лиеш. Тыгай пошкудо дене илашат куштылго, садлан мый паваем дене чотак кугешнем. |