сынып. «Жол – көлік апаттарын алдын алу». Сыныбы 6 сынып Сынып жетекшісі
 Скачать 20.95 Kb.
|
|
Абай атындағы негізгі жалпы білім беру мектебі ТӘРБИЕ САҒАТЫ Тақырыбы: «Жол – көлік апаттарын алдын алу» Сыныбы: 6 сынып Сынып жетекшісі: Бесембай Жансұлу Рымбекқызы 2021-2022 оқу жылы Тәрбие сағаты: «Жол – көлік апаттарын алдын алу»\ Сабақтың тақырыбы: ««Жол – көлік апаттарын алдын алу»» Сабақтың мақсаты: 1.Оқушыларды жолда жүру ережесімен таныстыру . 2. Жол қауіпсіздігін есте сақтауға, білуге жол ережесінің белгілерімен таныстыру 3.Оқушыларды көшеде дұрыс жүріп, жол ережесін сақтауға тәрбиелеу. Көрнекілігі: Бағдаршам , жол белгілері салынған суреттер , интерактивті тақта, жол ережесіне арналған кітаптар. Сабақтың барысы: 1. Ұйымдастыру кезеңі : Кіріспе : «Жол травматизмінің алдын алу» атты тәрбие сағатын бастағалы отырмыз. Жол заңы дұрыс жүріп , абай болуды талап етеді. Жол тәртібін бұзба , ол қатер тудырады. Жолдың қалыпты қозғалысы көбінесе балалардың жол бойында қалай болса солай жүріп, доп қуалайтыны , шаңғы тебетіні , жүріп бара жатқан машинаға жабысатыны ,қалтарыстан жолға шығып келетін салдарынан бұзылады. Жол тәртібін бұзғандықтан кейбіреулер машина дөңгелегіне ілініп қаза тауып , кейбіреулері жарақат алады . Ал кейбіреулері өмірлік мүгедек болып қалады. Сондықтан әрбір оқушы мектепте оқылатын » Жолда жүру ережесі » тақырыбындағы сабақты мұқият тыңдап, әр сабақтан қорытынды жасап отыруға міндетті .Үлгілі , тәртіпті оқушы көшеде, жолда жүру ережесін ,заңын бұзбайды. Сонымен қандай бала жол ережесін бұзбайды ? Балалар : Үлгілі , тәртіпті бала . Мұғалім : Ал енді «Жолда жүру ережесін сақтаймыз! » атты тәрбие сағатымызды ашық деп жариялаймын . ІІ. Негізгі бөлім: Тақтадағы жұмбақтарды шешу: Жұмбақтар 1. Ала таяқ ұстаған, 2. Көше бойлап аяңдайды, Жол тәртібін нұсқаған. Адам тасып аялайды. Өміріңді күзеткен, (Автобус) Ысқырықпен түзеткен. (Милиционер) 3. Көліктің қаншасын үстінен өткізген , Іргеден басталып , алысқа жеткізген. (Жол) 4. Жоқ өзінде бас та , ауызда да , құлақ та , Бақырайған үш көзі бар бірақ та. (Бағдаршам) 5. Арқаным бар тым ұзын, Ала-алмайсың бір үзім. Табыңдаршы, балалар, Бұл жұмбақтың шешуін. (Жол) 6. Өзі сөйлей білмейді, Бірақ «Тоқта, жүр !» дейді. «Бағдаршам» Мұғалім : Бағдаршам өмірімізді жазымнан сақтандыратын көмекшіміз . Оның сырын біліп , тіліп алу баршамызға керек. 1. Неге ? Біздің қаламызда , сол сияқты біздің еліміздің қала , ауылдарына бәріне ортақ көше қатынас ережесі енгізілген. Бұл ережені оқушылар да , үлкендер де , яғни барлық жүргізушілер , көлік жүргізетін жүргізушілер де бұлжытпай орындауы керек. 2. Балалар, сендер көшеде жүру ережесін білесіңдер ме екен , көрейік . Мынадай сұрақтарға жауап беріңдерші. 3. Жиек жол деген не ? Адамдар жаяу жүретін көше жиегіндегі тар жол . 4. Жаяу адамға қай жермен жүруге болмайды ? Көлік жүретін көшенің ортасымен жүруге рұқсат етілмейді. Тақтада Қызыл – Тоқта ! Сары – Сақтан ! Жасыл – Жол ашық! Алиша : Қызыл көзін ашқанда , Сынық сүйем баспа алға ! Аянат : Сары көзін ашқанда , Қарап қалма аспанға ! Аяулым: Жасыл көзін ашқанда , Өте бергін , жасқанба ! Оқушылар бағдаршам сигналдарын қолдарына ұстап , кезегі келгенде көрсетіп тұрады. Ән: Бағдаршам Сахналық көрініс: «Маймақ аюдың достары» Нұрай: Медбике апамыз бәрімізді емдейді , Ауырса адамды, аңды да емдейді . Отырған мынау Медбике апаға Айтыңдаршы , кане кімдер келмейді ? (Осы кезде басын ақ шүберекпен таңған , сыртынан қан шып – шып шыққан аю өкіріп келе жатады) Алиша: Апа, қараңыз мына сұмдықты , Маймақты кім қыңжылтты ? Нұрай: Маймағым, не болған өзіңе, Көкпеңбек ісінген бас – көзіңде ? Нұрай: Айтайын мен жасырмай шынымды – ай, Сақтап қал , апа жанымды шыбындай. Жармасып бал тасыр машина үстіне Домалап түсіп шыңғырдым құлындай. Алиша: Бір асар тәтті бал үшін, Тәртіпті бұздың қарынның қамы үшін. Міне, енді еңіреп тұрғаның ұят – ақ, Тәртіп керек , біліп ал , жан үшін ! Нұрай:Медбике апа, инспектор жолдас , енді тәртіпті бұзбаймын.Кешіріңіздер мені! Мұғалім : – Бағдаршам жоқ көшелерден қалай өтеміз ? Егер өтетін жерде бағдаршам болмаса көшеден өте бере әуелі сол жаққа қараймыз. Көшенің орта тұсына жеткенде , оң жағымызға көз саламыз. Егер ол жақтан машина келе жатса , өтіп кеткенше , сол орында күте тұрамыз. Ендеше, мына жолдармен бағдаршамсыз, бағдаршам барда қалай жүретінімізді көрейік.\ Оқушы қалай өтетінін көр сетеді. Аянат: Көреген, дәу қырағы. Көшемізде тұрады. Оның аты – бағдаршам, Жол сілтейді әрқашан. Ол бергенде команда, Бағынамыз әмәнда. Бағдаршам Тұрамын көшенің қиылысын тұрақтап, Қашпаймын мүдіріп , ешқандай сұрақтан. Белгісі жолдардың төрт топтан тұрады, Жарқырап көрінер түнде де жырақтан. Бағдаршам Ашса кезек үш көзін, Айтты деп ұқ үш сөзін. «Тоқта, сақтан, жол ашық!» Жүрме жолға таласып. Аянат: Төрт топтан құралған, Белгілер туыстай. Жол сілтеп тұрады. У-шусыз ұрыспай. Сақтандыру , ескерту белгісі :Нұрайлым Қып – қызыл үшбұрыш, Қауіптен сақ бол деп сәт – сапар жолдаған. Аман – сау жүреді жаяу да , көлік те , Мен берген белгіні сақтаған , қолдаған. Тыйым салу белгісі :Аянат Қызылмен боялған , шеңбермін аумақты, Тыйымшыл белгімін , қаталмын салмақты . Мен тұрған жерлерде хақың жоқ жүруге, Қауіп бар , бағдарла көз салып жан – жақты. Міндеттеу белгісі :Алиша Белгімін көрсетер жылдамдық бағытты, Міндетті бұрылыс , әйтпесе қауіпті. Барлығын анықтап тұрамын жолыңда, Абай бол , шартыңды міндетті орында ! Ңұсқау белгісі Аяулым: Баратын жеріңнің бағытын , тұрағын, Үн – түнсіз жол сілтеп , жол нұсқап тұрамын. Күндіз де , түнде де от болып жанады, Көк түске боялған төрт бұрыш шырағым. Мұғалім: Балалар, біз әр белгінің не мақсатта қолданылатынын білдік. Қорытындылау :Мұғалім : Балалар, бүгінгі сабақты қорыта келе «Жас дәуірдің балалары» әнін айтайық. Деніміз сау, еліміз тыныш, жол тәртібін сақтап, аман – есен жүрелік. |