шебер сынып 2019 жыл карасай. ТАырыбы Ісрекетті зерттеу мектепті басты станымы масаты мен міндеті Кшбасшылы ызметте жалпы жне ксіби зырлыты алыптастыруда Сабаты зерттеу
 Скачать 313.46 Kb.
|
|
ТАҚЫРЫБЫ: «Іс-әрекетті зерттеу – мектептің басты ұстанымы» МАҚСАТЫ МЕН МІНДЕТІ: Көшбасшылық қызметте жалпы және кәсіби құзырлықты қалыптастыруда «Сабақты зерттеу» үдерісін қолдану туралы тәжірибе алмасу; Сабақты зерттеу үдерісі туралы өз тәжірибемізбен таныстыру; Қатысушылардың зерттеу сабақтары туралы кәсіби шеберліктеріне ой жүгірту Оқу материалдарын тиімді меңгеру. КҮТІЛЕТІН НӘТИЖЕСІ: қатысушылардың зерттеу сабақтары туралы тәжірибелері жинақталады, зияткерлік және шығармашылық әлеуеті ынталанады, қарастырылған тақырыпқа қызығушылығы туындайды, белсенділігі артады. Әдіс-тәсілдерді өмірде қолдана алады. МАҚСАТТЫ АУДИТОРИЯ: бірлескен зерттеу тобының мүшелері, мектеп басшылары ӘДІС - ТӘСІЛДЕРІ: миға шабуыл, «кроссенс» әдісі, «Хат жазу» әдісі, топқа бөлу, сұрақ-жауап ҚҰРАЛ-ЖАБДЫҚТАР: мәтіндер жазылған парақтар, А-3, А-4 парақтары, маркер, қалам, стикерлер, кері байланыс парақшалары Қайырлы күн, құрметті шебер-сынып қатысушылары. Бүгін сіздермен «Сабақты зерттеу – тәжірибені жетілдіруге бағытталған ынтымақтастық педагогикалық тәсіл» тақырыбында тәжірибе алмаспақшымыз. Шебер-сынып мақсаты: Көшбасшылық қызметте жалпы және кәсіби құзырлықты қалыптастыруда «Сабақты зерттеу» үдерісін қолдану туралы тәжірибе алмасу. Қазақтың ұлы ағартушысы Ыбырай Алтынсарин «Мектептер - қазақтарға білім берудің негізгі орталығы, оларда қазақ халқының болашағына деген үміт жатыр» деп айтқандай, біздің елдің болашақ иелері мектеп қабырғаларында білім алуда. Осы болашағымыздың іргесін тәжірибелі мамандармен ынтымақтаса отырып қалау – маңызды мәселе деп ойлаймын. Мектеп ұжымындағы мұғалімдердің тәжірибесін ынтымақтастықта шыңдауға бағытталған ұтымды тәсілдердің бірі – «Сабақты зерттеу» (Lesson study) үдерісі. Алайда осы «Сабақты зерттеу» үдерісін ұлттық педагогикамен ұштастыра жүргізсек, көпшіліктің түсінігіне сай келетін сияқты. Себебі бірде – бір адамзат қоғамы өзінен бұрынғы аға буының ақыл – ойын, тәрбиелік тәжірибесін пайдаланбай өмір сүрген емес. Бүгінгі біздің әңгімемізге арқау болар «Сабақты зерттеу» әдісі де ұлт ағартушыларымыздың тәжірибесінен көрініс тапқан. Бұған дәлел география пәнінің негізін қалаушы Әлихан Бөкейханның «Серуен жасап зерттеу әдісі» еңбегінде: «Шын білім тәжірибеде ғана туады. Білім жолының негізі – тәжірибе. Аңда жүріп кісі байлаған түлкі, өзің қуып алған түлкіге жетпейді» - деп, білімді игеруде ең бірінші кезекте тәжірибеге сүйену керек екендігін ескерткен. Сол сияқты мұғалімдер үшін педагогикалық теорияны тәжірибе жүзінде іске асырудың тиімді жолы – ол зерттеу сабақтары. «Сабақты зерттеу» (lesson study) десек ойымызға Тошио Чичибу мен Пит Дадли түсетіні даусыз. Себебі тәжірибені теория жүзінде жинақтап, білім беру саласына қолдануға бірден-бір ықпал еткен ғылым иелері. Сондықтан бүгін Сіздермен зерттеу сабағы туралы ұғымды заманауи және ұлттық педагогиканы ұштастыра отырып, қарастырып көрсек.
Қаулы: Баяндамада аталған мәселелерді назарға алып жұмыс жүргізу мектеп ұжымына жүктелінсін Үлестірмелі қағаздардағы анықтамалар: Қорқыт – қазақ даласының ұлы ойшылдарының бірі, Сырдария бойында өмір сүрген оғыз-қыпшақ тайпалық бірлестігінде 10 ғасырдың басында дүниеге келген. Оның «Қорқыт Ата» кітабында жалпы этнос, Отан сүю, әдет-ғұрыпты сақтау, ізгілік орнату, өлім мен өмір проблемасы, өмір құндылығын бағалау сияқты әлеуметтік педагогиканың негізі қаланған. Югнаки Адиб Ахмед ибн Махмуд (12 ғасырдыңсоңы, Түркістан өңірі — 13 ғасырдың басы, сонда) — ортағасырлық ақын, хакім, ойшыл. «Хибатул хақайық» (Ақиқат сыйы) еңбегі барлық түркі тілдес халықтарға ортақ дүние болып табылады. 500-дей өлең жолынан тұратын шығармасының бірінші бөлімінде білімділіктің пайдасы, надандықтың зияны, екінші бөлімде сөйлеу мәдениетін дамыту, үшінші бөлімде өзгермелі дүние жайында тоқталған. Аталған еңбектің алғашқы екі бөлімінде жеке адамның қалыптасуындағы әлеуметтендірудің маңызы жайында ашып көрсеткен. Ш. Уəлиханов(1835–1865) - Қазақстандағы XIX ғ. қоғамдық-саяси, философиялық жəне ағартушылық ой-пікірінің бірінші өкілі өз дəуірінің белгілі ғалымы, ағартушы-демократы болды. Қазақстандағы ағартушылық ойдың басында тұрды. Ол бірінші болып ХІХ ғасырдың ортасындағы қазақ қауымның дамуына сəйкес ағартудың саяси, философиялық жəне социологиялық принциптерін негіздеді. Оны қазақ ағартушылық идеологиясының негізін салушы деп санауға болады. Ағартушылық көзқарастары бай мазмұнға толы. Жаңашылдықтың жақтасы ретінде, өз елінде білім мен ғылымның таралуын шын ниетімен қалады. Ресей мен еуропалық ғылым жəне адамгершілік жүйесіне негізделген тиянақты халықтық тəрбиені қалыптастыруға шықырды. Оның көмегімен қазақтардың дəуірлік артта қалушылықты жою мүмкіндігіне жəне дамыған елдердің қатарына қосылуына жол ашылады деп санайды атақты ойшыл. Ыбырай Алтынсарин (1841–1889) — қазақ мектептерін Еуропа жолына, өнер жолына бұрып бастаған ең тұңғыш жаңашыл оқытушы, тарихта өшпестей із қалдырған педагог, ақын, жазушы ағартушылық қызметке үлес қосқан қоғам қайраткері. XIX ғ. екінші жартысында Уəлихановтың ағартушылық дəстүрлерін əрі қарай дамытты. Білім берудің түпкілікті мақсаты ретінде өлкенің рухани дамуы ғана емес, экономикалық дамуын көрді. Осы мақсатта мектептерде тəжірибелік бау-бақша, əр түрлі құрал-жабдықтар жəне басқа да көрнектіліктер болуы тиіс деп санаған. Мектеп өз құрылымы бойынша жаңа мəдени өмірдің, жаңа дəстүрлердің, тəртіптің, өнердің үлгісі болуы тиіс деп қабылдаған. 1879 жылы шыққан атақты «Қазақ хрестоматиясы» оқушыларға оқу құралы ғана емес, халықтың оқуына арналған кітапқа айналды. Абай Құнанбаев (1845-1904) — ақын, ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер, либералды білімді исламға таяна отырып, орыс және еуропа мәдениетімен жақындасу арқылы қазақ мәдениетін жаңартуды көздеген реформатор. Білімді билеуші мен білімді халықтың концепциясын негіздеушілердің бірі. Прогреске жетуде ойшыл жас адамдарға, білімге, ғылымға құштар болуға кеңес береді. Өз шығармаларында этикалық идеалдарды көп қарастырған. Оның этикасының негізгі принципі: «Адам бол». Осыдан келіп оның көптеген шығармалары адамгершілік сипатта жазылған. Шәкәрім Құдайбердіұлы (1858- 1931) – ақын, жазушы, философ, тарихшы, композитор. Абаймен замандас әрі інісі, әрі ол негізін салған реалистік әдебиет дәстүрлерін алға апарушы ізбасары. Өзі өмір сүрген ортаның қоғамдық-саяси және әлеуметтік сыр-сипаттарын керебілуде, қоғам мен адам табиғатындағы кемшіліктерді зерделеуде, туған халқына түзу жол көрсетуде Абай бағытын ұстанды. Оның еңбегіндегі реализмнің айқын көрінген ендігі бір тұсы - оның ағартушылық тақырыптағы лирикасы. Ақынның бұл бағыттағы еңбегі 1879 ж. жазылған «Жастарға» атты өлеңінен басталған. Ағартушылық идея оның лирикасының алтын діңгегі болып табылады. Бұқараны оятуға ұмтылды, ғылымға жетелейді. Еңбек етуге, мәдениетті елдерден үлгі алуға шақырды Ахмет Байтұрсынұлы (1872–1937) — қазақтың ақыны, әдебиет зерттеуші ғалым, түркітанушы, публицист, педагог, аудармашы, қоғам қайраткері. Жалпы қазақ тіл білімін қалыптастырып, зерттеп, танып-білу тарихымызда оның «Оқу құралы» мен «Тіл құралдарының» орны айрықша. Қазақ тіл білімінің ана тіліміздегі іргетас қалаудағы тағы бір зор еңбегі - ғылымының осы саласының терминдерін жасауы. Соңынан із салған жаңашыл ағартушы. Ұлы ағартушы Алтынсариннің бастамасын ілгері дамытып, нағыз ғылымдық дәрежеге көтеріп, жетер жеріне жеткізіп берген. Жауынбай Қараев 1956 жылы Бейнеу ауданы Тұрыш ауылында туған – ғалым, физикалық-математикалық ғылыми докторы (1995). Халыққа білім беру ісінің үздігі. Оның деңгейлеп-саралап оқыту технологиясы жаңаша өзгерген мақсатпен оқушылардың өздігінен танып, іздену іс-әрекеттерін меңгертуді талап етеді. Бұл технологияда бірінші орында оқушы тұрады және өз бетімен білім алудағы белсенділігіне аса назар аударылды. Деңгейлеп-саралап оқыту технологиясында жұмыс міндетті үш деңгейлік, қосымша шығармашылық деңгей талаптарынан тұрады. Оның басты мақсаты – сынып оқушыларын «қабілетті», «қабілетсіз» деген жіктерге бөлуді болдырмау. «Ұлтына, жұртына қызмет ету – білімнен емес, мінезден.» Әлихан Бөкейханов «Білген адамды білімді өмір бойы іздейді» Иүгінеки Ахмед «Білімдіден не пайда білгенін көпке айтпаса, үйреткеннен не пайда қайырымы қайтпаса.» Ахмет Байтұрсынұлы «Бірге оқысқан, бірге оқытысқан, жылдарымыз бір, жолымыз бір қазақ мұғалімдері!» Мағжан Жұмабаев «Ұлтына, жұртына қызмет ету – білімнен емес, мінезден.» Әлихан Бөкейханов «Білген адамды білімді өмір бойы іздейді» Иүгінеки Ахмед «Білімдіден не пайда білгенін көпке айтпаса, үйреткеннен не пайда қайырымы қайтпаса.» Ахмет Байтұрсынұлы «Бірге оқысқан, бірге оқытысқан, жылдарымыз бір, жолымыз бір қазақ мұғалімдері!» Мағжан Жұмабаев |
