Главная страница
Навигация по странице:

  • Успомніце назвы

    		•

    Тэма 3.Творчасць Янкі Маўра. Тэма творчасць Янкі Мара План


    Скачать 21.66 Kb.
    НазваниеТэма творчасць Янкі Мара План
    Дата28.12.2020
    Размер21.66 Kb.
    Формат файлаdocx
    Имя файлаТэма 3.Творчасць Янкі Маўра.docx
    ТипДокументы
    #164857

    ТЭМА 3. Творчасць Янкі Маўра
    План:

    1. Звесткі з біяграфіі Янкі Маўра. Адлюстраванне дагістарычнага этапу ў развіцці чалавецтва ў першай аповесці пісьменніка “Чалавек ідзе” (1927), стварэнне новага героя ў беларускай дзіцячай літаратуры – чалавека-пераможцы.

    Заданні:

    • Скласці храналагічную табліцу: “Жыццёвы і творчы шлях Янкі Маўра”;

    • Падумайце, што паўплывала на выбар тэмы першай аповесці пісьменніка “Чалавек ідзе”. Абгрунтуйце свае думкі.

    1. Распрацоўка тэмы жыцця дзяцей у іншых краінах у апавяданнях Янкі Маўра 1920-х гадоў "Слёзы Тубі", "Незвычайная прынада", "Лацароні". Вобразы дзяцей у іх.

    2. Распрацоўка жанраў прыгодніцкай аповесці "У краіне райскай птушкі", 1928; "Сын вады", 1928; рамана для юнага чытача "Амок", 1929 (прачытаць не меней аднаго твора).

    Заданні:

    • Выпішыце са слоўніка літарутуразнаўчых тэрмінаў вызначэнне “прыгодніцкая аповесць”;

    • Вызначце і запішыце асноўныя сюжэтныя лініі названых вышэй прыгодніцкіх аповесцей і рамана. Звярніце ўвагу на тое, як розныя па змесце і характары творы прыводзяць сваіх рэцыпіентаў да пастаноўкі і вырашэння важных агульначалавечых праблем.

    • Запоўніце табліцу.
    "У краіне райскай птушкі"
    "Сын вады"
    "Амок"

    Праблема чалавечых узаемаадносін









    Праблема бацькоў і дзяцей









    Праблема сацыяльнай несправядлівасці









    Праблема правоў чалавека









    Экалагічная праблема









    Праблема кахання












    1. Трансфармацыя сюжэта рабінзанады ў аповесці “Палескія рабінзоны”, 1930 Янкі Маўра. Праблема чалавека і прыроды, іх узаемаадносін у аповесці.

    Заданні:

    • Знайдзіце элементы трансфармацыі сюжэта рабінзанады, што адрозніваюць твор Д.Дэфо ад аповесці Янкі Маўра (“колькасць рабінзонаў”, першапачатковыя ўмовы існовання, пошукі выхаду з сітуацыі і г.д.). Вывады аформіце ў табліцы.

    • Пейзажныя карціны ў творы поліфункцыянальныя. Падбярыце фрагменты з аповесці, у якіх паказальна б рэалізоўваліся такія функцыі, як абазначэнне месца і часу дзеяння, сюжэтная матывіроўка дзеяння, псіхалагічная, функцыя формы прысутнасці аўтара.

    1. Праблема грамадскага і ўласнага ў аповесці “ТВТ”, 1934 Янкі Маўра.

    Заданні:

    • Вызначце ў аповесці “ТВТ” элементы гульні (напрыклад, загадкавая назва, атмасфера спаборніцтва). Адкажыце, з якой мэтай пісьменнік выкарыстоўвае названыя і іншыя элементы гульнёвага характару.

    • Распрацуйце праект, які можна было б рэалізоўваць з выхаванцамі (напрыклад, “Дапамагаем бацькам”, “Прыбіраем клас”, “Чытаем кнігі”).

    1. Спасціжэнне дзіцячай душы ў псіхалагічных апавяданнях Янкі Маўра 1930-х гадоў: "Шчасце", "Бярозавы конь", "Падарожжа вакол дома". Асэнсаванне праблемы “дзеці і вайна” ў апавяданнях “Дом пры дарозе”, “Запіска”, “Максімка”, "Завошта?", “У разведцы”.

    Заданні:

    • Выпішыце са слоўніка літарутуразнаўчых тэрмінаў вызначэнне тэрміна “псіхалагізм”;

    • У прапанаваных апавяданнях вызначце выдучую рысу дзіцячай душы і свядомасці;

    • Напішыце эсэ на тэму “Маё шчасце”.

    1. Спроба Янкі Маўра распрацаваць жанр фантастычнай аповесці ("Фантамабіль прафесара Цылякоўскага, 1954). Значэнне творчасці Янкі Маўра для развіцця беларускай дзіцячай літаратуры.


    Літаратура

    Асноўная:

    1. Беларуская дзіцячая літаратура : вучэб. дапам. / А.М. Макарэвіч [і інш.]; пад агул. рэд. А.М. Макарэвіча, М.Б. Яфімавай. – Мінск : Выш. шк., 2008. – 688 с. (С. 197 – 220).

    2. Беларуская дзіцячая літаратура : вучэб. дапаможнік / А.М. Макарэвіч [і інш.] ; пад агул. рэд. А.М. Макарэвіча. – Мінск : РІПА, 2016. – 359 с. (С. 101 – 125)

    3. Гурэвіч, Э. С. Янка Маўр : нарыс жыцця і творчасці / Э. С. Гурэвіч ; рэд. П. К. Дзюбайла; Нац. акад. навук Беларусі, Ін-т літ. імя Я. Купалы. – 2-е выд., дап. – Мінск : Бел. навука, 2004. – 148 с.

    4. Марціновіч, А. Святло чароўнага ліхтарыка: выбр.старонкі гісторыі бел. дзіцяч. літ.: у 2 кн. Кн. 1. / А. Марцiновiч. – Мінск: Нар. асвета, 1997. – 176 с.

    5. Яфімава, М. Б. Цэлы свет – дзецям : творчы партрэт Янкі Маўра / М. Б. Яфімава. – Мінск : БДУ, 1983. – 136 с.


    Дадатковая:

    1. Ануфриев, Г. Рожденная мечтой : отечественная фантастика пережила свои "вискули" / Г. Ануфриев // Беларуская думка. – 2009. – №3. – С. 110 – 114.

    2. Воюш, І. Маўр –Дзя -Дун і Дэздэмона: вывучэнне творчасці Янкі Маўра з выкарыстаннем магчымасцей сеціва / Інга Воюш // Роднае слова. – 2013 – №5. – С. 59-61.

    3. Дроздова З. «Капитану наших первых странствий» – 130! Мой Мавр // Нёман : – 2013. – № 5. – С. 208 – 224.

    4. Ефимова, М.Таким он был: [120 лет со дня рождения Янки Мавра] / М. Ефимова // Неман. – 2003. –№ 5. –С. 161 – 168.

    5. Зубкоўскі Б. Другое чаканне Маўра / Браніслаў Зубкоўскі/ / Беларуская думка. – 2005. – № 5. – С. 172-177.

    6. Зубкоўскі, Б. Чалавек як часцінка свету / Б. Зуброўскі // Полымя. – 2014. – № 12. – С. 157-168.

    7. Зубкоўскі, Б.А. Янка Маўр: мастацкі матывацыйны вопыт першапраходцы / Бранислаў Зубкоўски // Роднае слова. – 2012. – № 5. – С. 17-21.

    8. Кузьміч, Н. Усе мы дзеці прыроды: [апавяданне “Багіра” Янкі Маўра] / Н. Кузьміч // Роднае слова. –2008. – № 5. – С. 5-6.

    9. Міцкевіч, Н. Доўгая дарога:(ад дома Янкі Маўра да дома Якуба Коласа) / Н. Міцкевіч // Полымя. –2012. – № 4.  – С. 167-176. — (Заканчэнне. Пачатак у № 3, 4, 5, 7, 8, 2011 г., № 1, 2012 г.).

    10. Рунец, П. Чалавек з крылатай фантазіяй / Пятро Рунец. – Мінск, 1983.– 64 с.

    11. Садоўская, Л. Капітан нашых падарожжаў Янка Маўр / Л.Садоўская // Бібліятэка прпануе. – 2003. – №2. –С. 11-13.

    12. Струк, Т. Вывучэнне аповесцi "У краiне райскай птушкi" Янкi Маўра : iнтэграваны ўрок "Беларуская лiтаратура - геаграфiя" у VI класе / Т. Струк, А. Паклонская // Роднае слова.– 2010 – № 3 – С. 76-78.

    13. Яфімава М. Б. Добры і мудры настаўнік: творчасць Янкі Маўра // Роднае слова. – 1993. – № 5. – С. 7.

    14. Яфімава, М. Шляхамі роднай Беларусі: [аповесць “Палескія рабінзоны” Янкі Маўра] / М. Яфімава // Роднае слова. – 2008. – № 9. – С. 30-32.

    15. Яфімава, М.Б. “Дзіцячым пісьменнікам трэба нарадзіцца…” : Я. Маўр / М.Б. Яфімава // Полымя. – 2008. – № 5.– С. 160–164.


    Мастацкая:

    1. Мавр, Я. В стране райской птицы: Повесть ; Амок: Роман : для старшего школьного возраста / Я. Мавр ; пер. с бел. В.А. Жиженко, А.Е. Миронова ; худож. Ю.К. Зайцев. - Минск : Юнацтва, 1990 – 368 с.

    2. Маўр, Я. Дзяўчынка-маці : раман / Я. Маўр ; падрыхтоўка тэксту М. Міцкевіч // Полымя. – 2018 – № 5 – С. 83–109.

    3. Маўр, Я. Зборнiк твораў: У 4 т. / Я. Маўр. – Мінск : Мастацкая літаратура, 1975-1976.

    4. Маўр, Я. Чалавек ідзе [Тэкст]: аповесці і апавяданні : для сярэд і ст. шк. узросту / Я. Маўр; [аўт. прадм. А.Я. Якімовіч; маст. Н.Э. Калядэнка]. – Мінск : Юнацтва, 1989. – 268 с.

    http://yankamavr.ru–сайт Янкі Маўра.
    Віктарына па творчасці Я.Маўра

    Дапішыце:

    1.Назавіце сапраўднае імя Янкі Маўра
    2.Кім працаваў Я.Маўр да таго, як пачаў займацца літаратурай?
    3.Якія прадметы ён выкладаў?
    4.Якую назву насіла першая аповесць, напісаная Маўрам?

    .

    5 Ці лічыце вы, што ёсць што-небудзь агульнае паміж кнігамі Я. Маўра “ТВТ” і А. Гайдара “Цімур і яго каманда”?
    6.Хто такія “светлячкі?”
    7.Чые гэтыя рэчы: шнурок з чаравіка, лук, карэньчыкі? Што і для чаго змайставалі з іх героі адной аповесці?

    .

    8.Чаму Маўра называюць беларускім Ж. Вернам?
    Літаратурная гульня “Успомні назвы”

    Успомніце назвы:

    • Аўтабіяграфічнай аповесці пісьменніка (…)

    • Першага беларускага рамана для дзяцей (…)

    • Твора, у якім Маўр пераконваў чытача, што найцікавейшае – гэта не заўсёды далёкае, што часта мы не бачым па-сапраўднаму цікавага таго, што знаходзіцца побач. Што гэта за аповесць? (…)

    • Краіны, дзе жыве райская птушка (….)

    • Страшнай хваробы яванцаў (…).

    • Дрэва, якое квітнее толькі раз за ўсѐ жыццѐ на 50-м годзе. (….).

    • Аповесці, на старонках якой мы сустракаем апісанне стражатных жывёл –вялізных мастадонтаў, тапіраў і іншых (…).

    • Таварыства, створанага школьнікамі ў аповесці “ТВТ” (….).

    • Аповесці, у якой мы сустракаем такое радыёпаведамленне: “Трэці дзень у нас пурга. Гідролаг Кузьменка пры смерці. Выратаваць можа толькі ўліванне крыві. Група першая. Яе ў нас няма..” (….).

    написать администратору сайта