Лекавыя расліны. Лекавыя расліны Беларусі. Урок 13. Лекавыя расліны Беларусі
 Скачать 29.56 Kb.
|
|
Чалавек і свет Жывая прырода і чалавек Урок №13. Лекавыя расліны Беларусі Мэта: Сфарміраваць у вучняў уяўленне аб лекавых раслінах, іх значэнне ў прыродзе і ў жыцці чалавека. Задачы ўрока: Выпрацоўваць уменне распазнаваць лекавыя расліны Беларусі; Замацаваць веды па тэме “Дзікарослыя кусты”; Садзейнічаць усведамленню навучэнцамі неабходнасці беражлівага станаўлення да раслін, захаванне правілаў збору лекавых раслін; Садзейнічаць выхаванню пачуцця здзіўлення і захаплення светам раслін. Вучэбна-метадычнае забеспячэнне: Чалавек і свет. 2 клас: рабочы сшытак: дапам. для вучняў устаноў агул. сяр. адукацыі з беларус. мовай навучання/ Г.У. Трафімава, С. А. Трафімаў. – Мінск : Аверсэв, 2018.-78 с.; вучэбны дапаможнік. Абсталяванне: аўдыёвідэаапаратура; ілюстрацыі. Ход урока 1. Арганізацыйны момант. На фоне гукаў з тэлеперадачы “У свеце жывёл”. − Добры дзень, мае маленькія тэлегледачы. У эфіры тэлеперадача “У свеце раслін”. І з вамі я, пастаянная вядучая Ніна Іванаўна. На нашай тэлеперадачы прысутнічаюць медыцынская сястра, карэспандэнт і фотакарэспандэнт газеты “Сонейка”. 2. Праверка дамашняга задання. - Сёння мы з вамі адправімся ў падарожжа па прыродзе. - Чытанне падрыхтаваным вучнем верша Л. Дайнека «Прырода вакол цябе». - Гутарка аб змесце верша. - Але перад тым, як адправімся ў падарожжа вам, трэба атрымаць білет. А для гэтага вам неабходна выканаць заданні па тэме “Дзікарослыя кусты” (рабочы сшытак с. 29-30). Ацаніце сваю работу. Праверка тэста. Актуалізацыя ведаў і ўменняў вучняў. Вы атрымалі білет у падарожжа. А што мы будзем даследаваць, вы даведаецеся з гульні “Чацвёрты лішні”. бяроза, дуб, клён, журавіны ружа, астра,гваздзіка, маліны памідор, бурак, перац, трыпутнік 4. Мэтаматывацыйны этап. - Можа, хто здагадаўся, якая тэма нашага падарожжа? Паведамленне тэмы і мэты ўрока . Сцэнка “Па зёлкі”. Вывучэнненовай тэмы. Уступная гутарка “Раслінны свет”. Раслінны свет вельмі багаты і разнастайны і, безумоўна, вельмі цікавы для вывучэння. А яшчэ раслінны свет часта называюць “зялёнай аптэкай”. З даўніх часоў замест лекаў нашы продкі выкарыстоўвалі лекавыя расліны. Многія з такіх раслін і зараз выкарыстоўваюцца ў медыцыне для вырабу лекаў. А людзей называлі траўнікамі. Вас чакае цікавая праца, і каб з ёю справіцца, вы павінны ўважліва глядзець і слухаць. Я ўпэўнена, што ў нашым лесе мы назбіраем поўны кошык чароўных траў. Гульня “Так ці не”, у якой мы ўспомнім правілы паводзін у лесе. І так, адпраўляемся ў дарогу.Здагадайцеся, што за расліна першая пападзе ў наш кошык? Маленькія паненачкі Схаваліся ў цянёк, Чырвоныя сукеначкі І беленькі пянёк. (маліны) Сціслыя паведамленні пра маліны (пра расліны расказваюць дзеці і кладуць расліну ў кошык). На балоце там і тут Кропелькі чырвоныя растуць.(журавіны) Сядзіць на палачцы У чырвонай кашульцы, Брушка сыта Камянямі набіта.( шыпшына ) Кладзём у кошык. Стаяць у полі дзве сястрычкі: Жоўтыя вочкі, Белыя раснічкі. (рамонкі) Калі нешта забаліць, Нават звер не выстаіць. З якой жа траўкай піць настой? З цуда-траўкай ...(зверабой) Зверабой згубна дзейнічае на шкодныя мікраарганізмы. Таму з яго гатуюць лекі, якія дапамагаюць пры самых розных захворваннях страўніка, печані. Нездарма ў старажытнасці зверабой называлі травой ад 99 хвароб. Фізкультхвілінка (вучні выконваюць рухі на фоне гукаў прыроды). Выступленне медсястры (распавядае і дэманструе фітарасліны). Дослед над журавінамі. Работа ў групах. Вучні даследуюць: знешні выгляд, колер, смак. 1 група – будова расліны; 2 група – дослед над ягадай. Паведамленне настаўніка “Правіла збору лекавых раслін” (відэа “Купала”). Работа ў парах. Складзіце правілы збору лекавых раслін (рабочы сшытак с.32). Знайдзіце правілы нарыхтоўкі лекавых раслін у вучэбным дапаможніку суаднясіце і параўнайце іх з правіламі, якія склалі ў рабочым сшытку. Прэзентацыя работ. Праверка разумення вывучанага. Віктарына “Назаві мяне па імені”. - Пры лячэнні прастудных захворванняў выкарыстоўваюць напоі з чаго?.. - Трава ад 99 хвароб - гэта … - Назавіце расліну, якая спыняе крывапацёк… - Ягада з кіслінкаю дапамагае пры лячэнні прастуды… 7. Замацаванне вывучанага. Работа з вучэбным дапаможнікам с. 52. Зачытайце, аб чым гаворыць трыпутнік. Наступная расліна, якая пападзе нам у кошык крываўнік. У перакладзе на рускую мову “тысячелистник”. Што за расліна, дзе расце, пры якіх хваробах выкарыстоўваецца, давайце знойдзем на старонцы 52 і зачытаем. Мы назбіралі поўны кошык траў. Як мы можам назваць гэтыя травы адным словам? - Як можна іх выкарыстоўваць? - Што мы можам з іх прыгатаваць? 8. Абагульненне і сістэматызацыя вывучаннага. - А вы ведаеце, што такое фітабар? Увожу паняце “фітабар”. Зараз і мы з вамі пабываем у фітабары. Кожная група павінна паспрабаваць на смак і адказаць на пытанне: З чаго напой? Дзецям прапануюцца напоі: 1група – з маліны; 2 група – з журавін. 9. Кантроль ведаў і ўменняў. Заданне 48 ( с. 31 рабочы сшытак). Ацаніце сваю работу. Правека. 10. Інфармацыя аб дамашнім заданні. С. 51 - 54, паведамленне пра лекавую расліну 11. Падвядзення вынікаў. Гульня “Рэпарцёр” (карэспандэнт і фотакарэспандэнт класнай газеты “Сонейка” бяруць інтэрв’ю). Як можна назваць расліны, якія знаходзяцца ў нашым кошыку? Якія лекавыя расліны прысутнічаюць у нашым класе? Для чаго можна выкарыстаць лекавыя расліны? Што такое фітабар? Як правільна збіраць лекавыя расліны? Аб чым раскажаце бацькам? Рэфлексія. З дапамогай журавінкі ацаніце свае веды, якія вы атрымалі на ўроку. Пакладзіце сваю ягадку ў адзін з трох кошыкаў, калі даведаліся: сіні кошык - даведаўся новае; чырвоны кошык - прымяню веды ў жыцці; жоўты кошык - калі зможаце расказаць сябру. Наша тэлеперадача “У свеце раслін” падыходзіць да заканчэння.( На фоне гукаў з праграмы “У свеце жывёл”). Ацэньванне работы вучняў на ўроку. Жадаю вам быць здаровымі і ніколі не хварэць! Да новых сустрэч праз тыдзень! |