3Д панорама және виртуалды тур. 3D панорама жне виртуалды тур
 Скачать 21.81 Kb.
|
|
3D панорама және виртуалды тур. Виртуалды турдың мәні біріншіден, виртуалды тур-визуалды ақпаратты ұсыну тәсілдерінің бірі. Ол экрандағы көптеген элементтермен үш өлшемді кеңістікті барынша шынайы қайта құруға мүмкіндік береді. Виртуалды кеңістік бойынша берілген бағытта саяхат жасауға, қызықты объектіге жақындауға, басын көтеруге, қоршаған айналаны көруге болады. Екіншіден, виртуалды тур ол – фото панорамалардың комбинациясы. Панорамалық суреттер интерактивті көру мүмкіндігі арқылы әдеттегі фотосуреттерге ие болады. Пайдаланушы бір көріністен екіншісіне өтіп, виртуалды экскурсия жасайды. Виртуалды тур құрамындағы панорамалар: Виртуалды тур жасау үшін, әдетте, сфералық панорамалар қолданылады. 360°х180°шолу бұрышы бар сфера түріндегі сурет. Көру кезінде өзіңізді (360°) айналасында "айналдыруға" және виртуалды бөлмені еденнен төбеге дейін (180°) көруге болады. Таңдалған нүктеден жақындауға немесе алыстату мүмкіндігі қатысу және 3D әсерін күшейтеді . Сондықтан сфералық фотопанорамалар 3D-панорамалары, ал виртуалды турлар — 3D турлар деп аталады. 3D панорама – компьютер мониторында көрсетуге бейімделген қоршаған ортаның 360 градустық бейнесі. 3D панорамада көру бағытын өзгертуге, суретті үлкейтуге, жеке бөлшектерді қарауға болады. Панорамалық фотосуреттер бірнеше кадрлардан жиналады. Сфералық проекцияға байланысты бұрмалаулар панораманы баспа түрінде немесе графикалық файл түрінде толық көру мүмкін емес. Ол үшін компьютер және тиісті бағдарламалық қамтамасыз ету қажет. Виртуалды турда карта немесе жоспар болады. Пайдаланушы сілтемелерді (хот-споттарды) пайдалана отырып, бір көріністен екіншісіне саяхат жасайды. Сілтемелер немесе байланыстыруға арналған нүктелер, бейнеде орналасады. Панораманы және бүкіл 3D-турды жалпы дыбыстап, музыкалық сүйемелдеумен қамтамасыз етуге болады. Басқаннан кейін ойнатылатын дыбыстар немесе әуендер сілтемелерге қосылады. Музыканы, слайд-шоуды, роликтерді және басқа да көптеген элементтерді пайдалану виртуалды турды қызықты және динамикалық етеді. Виртуалды турлар тек компания өнімі немесе қызметі үшін ғана емес, келуші, көрермен үшін де тиімді бірнеше оң жақтары бар. 3D панораманың түрлері: 1. Жазық панорама – бірнеше кадрдан құралған қарапайым кеңформатты фотосурет. 2. Сфералық панорама. Сфералық панорамалар көлденеңінен 360° және тігінен 180°-ты қамтиды. Ол айналадағы барлық көрінетін кеңістікті қамтып, фотосуретті сфераға жабады және тұтас көлемді суретті береді. 3. Цилиндрлік панорама (циклорама) – көлденеңінен 360°ты, ал тігінен 180-нен төмен градусты ғана қамти алады. Панораманың бұл түрі, суреттің жоғарғы және төменгі шекараларын көрсетуді қажет етпейтін жағдайда қолданылады. Панорама айналадағы барлық көрінетін кеңістікті көрсетеді, қолданушы 360°-қа бұрыла алады, бірақ төмен немесе жоғары қарай бұрыла алмайды. Мұндай панорама бірыңғай цилиндрді қалыптастыра отырып, сақина тәрізді желімденеді. 4. Текшелі панорама. Панорама текшенің ішкі жағына проекцияланады. Сфералық панорамамен салыстырғанда текшелі панораманың артықшылығы: дайындау, сақтау, тасымалдау қарапайымдылығы болып табылады, себебі күрделі пішін бетімен емес, тек текшенің алты қырымен – жазық және шаршымен жұмыс істеуге тура келеді. Виртуалды турлар (3D тур) – бір 3D панорамадан басқа панорамаға өтуге мүмкіндік беретін бірыңғай «белсенді аймақтар» кешеніне біріктірілген, әртүрлі 3D панорамалар жиынтығы. Мұндай турлар музыкамен, кадрдан тыс дыбыспен, видеороликтермен, жазбалармен және т.б. толықтырылуы мүмкін. 3D турларды жасау үш кезеңде өтеді: • объектіні суретке түсіру, бірнеше суреттер алу; • суреттерді өңдеу; • виртуалды турды жинау. Фототүсірілім. Жоғары сапалы панорамалар жасау үшін мына ережелерді сақтаған жөн: • камераны таңдалған диафрагма бойында сериядағы барлық кадрлар фокуста (камера, түсірілетін шеңбердің дәл ортасында тұрғаны жақсы) болатындай етіп орнату қажет; • желімденетін суреттердің жиынтығын, болашақ сфералық панорама тігістерінің орындары бір түсті орындарда (мысалы, үй объектілері жағдайында монолитті қабырғаларда) түсіру керек; • штатив басы кеңістікте камераны қатаң орнықтыруға арналған деңгейлермен жабдықталуы тиіс; • барлық үш сурет үшін камераны көлденең және тігінен бағытта жазықтықтағы синхронизациясын жүргізу қажет – камераны туралау деңгейлер көмегімен жүзеге асырылады; • камераның айналмалы бұрылу бұрыштары 120°-қа тең болуы тиіс, ол бұрылыс шкаласымен реттеледі. Виртуалды турлардың артықшылықтары: қол жетімділік және уақытты үнемдеу; фотосуретке қарағанда кеңістікті, тауарды немесе қызметті толық ақпарат алу; ыңғайлы ракурстан түрлі элементтер мен заттарды қарастыру мүмкіндігі; көрерменге ыңғайлы тәртіппен және қарқынмен жылжыту; Кеңістікке ену , объектіде нақты қатысу әсері ; виртуалды тур виртуалды саяхатқа дейін және көру барысында пайдаланушыға қызығушылық, эстетикалық ләззат және басқа да эмоциялар тудырады. Виртуалды турларды қолдану мүмкіндіктері: 3D-турлар көп сұранысқа ие және де көптеген қызмет салаларында қолданылады. Олар көптеген компаниялардың сайттарына белсенді түрде енгізілуде. Виртуалды турлар жасау бойынша қызметтерге сұраныс өсуде. Сфералық панорамалар тауарды немесе қызметті ерекше түрде көрсетуге мүмкіндік бере отырып, бизнес пен маркетинг саласындағы жаңа мүмкіндіктерді ашады. Сауда-ойын-сауық орталықтары, дүкендер, автосалондар, мейрамханалар және басқа да объектілер үшін бұл тұтынушыға тауар немесе қызмет туралы толық ақпаратты жеткізу тәсілі ғана емес, сонымен қатар жарнамалық құрал. Виртуалды турларды медициналық қызмет көрсету ұйымдары, фитнес орталықтары, Спорттық клубтар мен сұлулық салондары пайдалана алады. Сфералық панорамалар кеңістіктер мен үй-жайларды көрсету үшін таптырмас құрал. Панорамалардың көмегімен алдағы уақытта орналасатын қонақ үйіңнің атмосферасын және қазіргі заманғы жабдықтардың болуын көре аламыз. Қонақ үй бизнесі саласында виртуалды турлар жасау өте қолайлы жаңа инновация болып табылады. Нөмірді брондауға ниет білдіруші қонақ үй залдары мен бөлмелерде виртуалды саяхат жасай алады. Ұшақ билетін сатып алу алдында әуе компаниялары салондарының 3D-панорамаларын қарауды ұсынады. Риэлтерлік қызмет саласында виртуалды тур онлайн көру және жылжымайтын мүлікті таңдау мүмкіндігін береді. Болашақ үйіңнің сыртынан және ішінен қарап, интерьер бөлшектері мен ол орналасқан жерді зерттейді. Клиент объектімен үйде отырып, оған бармай-ақ таныса алады, бұл сатып алушы мен сатушының уақытын едәуір үнемдейді. Басқа қалалардағы үйлерді сатып алу процесі де жеңілдетіледі. Кафелер мен мейрамханалар 3D-турлардың көмегімен өзінің қайталанбас интерьерін, атмосферасын көрсетеді. Болашақ келуші қонақ интернет арқылы үстелдерді таңдауға және тапсырыс беруге мүмкіндік алады. Қолданылған әдебиеттер тізімі1. Лапин Александр Иосифович, Издатель Л. Гусев Москва 2004 2. 205с. 2.Светлана Пожарская «Фотомастер», Издательство «Пента» 2001г. 333с. 3. Технология создания панорам: http://3dpano.pindora.com/3d-panorama-technology.html |