9 маъруза И ва Т. 9мавзу. збекистонда фаол тадбиркорликни ривожлантириш истиболлари
 Скачать 470.33 Kb.
|
|
9-мавзу. Ўзбекистонда фаол тадбиркорликни ривожлантириш истиқболлари Ўзбекистонда кичик бизнес ва тадбиркорликни ривожлантиришнинг Давлат дастури. Кичик бизнес ва тадбиркорликни миллий иқтисодиётнинг турли секторларида ривожланиши. Кичик ва йирик бизнес корхоналари ўртасида хўжалик алоқаларининг йўлга қўйилиши. Кичик бизнес ва тадбиркорликни ривожлантиришнинг хорижий мамлакатлар тажрибаси. 9.1.Ўзбекистонда кичик бизнес ва тадбиркорликни ривожлантиришнинг Давлат дастури. Ўзбекистон Республикаси Президентининг Қарори «Кичик бизнес ва хусусий тадбиркорлик йили» Давлат дастури тўғрисида Мулкдорларнинг ўрта синфини шакллантириш, ички бозорни рақобатбардош ва сифатли маҳсулотлар билан тўлдириш, янги иш ўринлари яратиш ва шу асосда аҳоли даромадларини кўпайтириш ва фаровонлигини оширишнинг муҳим омили, мамлакат тараққиёти йўлидаги фаол ҳаракатлантирувчи куч сифатида кичик бизнес ва хусусий тадбиркорликни янада ривожлантириш учун қулай шарт-шароитларни яратиш бўйича аниқ мақсадга йўналтирилган кенг чора-тадбирлар комплексини амалга ошириш мақсадида, шунингдек, 2011 йил Ўзбекистон Республикасида «Кичик бизнес ва хусусий тадбиркорлик йили» деб эълон қилинганлиги муносабати билан: 1. Қуйидаги йўналишларга асосланган «Кичик бизнес ва хусусий тадбиркорлик йили» Давлат дастури иловага* мувофиқ тасдиқлансин: 1) мамлакатимиз ва унинг ҳудудларида янада қулай бизнес-муҳит яратиш, хусусий мулкчиликнинг устуворлигини мустаҳкамлашга йўналтирилган қонун ҳужжатларини такомиллаштириш ва бу борада ишончли кафолатларни таъминлаш, тадбиркорликка кўпроқ эркинлик бериш, давлатнинг бошқарув функциялари ва рухсат берувчи нормаларни қисқартириш, бюрократик тўсиқ ва ғовларни олиб ташлаш, кичик бизнес субъектларининг молия-кредит ва хом ашё ресурсларидан, улар ишлаб чиқарадиган маҳсулотларга давлат буюртмалари берилишидан кенг фойдаланишини таъминлайдиган бозор воситалари ва механизмларини татбиқ этиш; 2) давлат ва назорат органларининг тадбиркорлик субъектлари молия-хўжалик фаолиятига аралашувини кескин қисқартириш; 3) кичик корхоналар ташкил қилиш ҳамда кичик корхоналар ва тадбиркорларни рўйхатдан ўтказиш тартиб-қоидаларини янада соддалаштириш, кичик бизнес субъектларини қуриш ва уларни муҳандислик-коммуникация тармоқларига улаш, нотураржой хоналари ва зарур ер участкаларини ажратиб бериш борасидаги масалаларни ҳал этиш бўйича аниқ чора-тадбирларни қабул қилиш; 4) кичик бизнес ва хусусий тадбиркорлик соҳаси учун солиқ ва бошқа тўловлар бўйича янада қулай шарт-шароитлар яратиш, имтиёз ва преференциялар бериш, ҳисоботлар тизими ҳамда молия, солиқ ва статистика органларига ҳисоботлар топшириш механизмини такомиллаштириш ва унификациялаш; 5) кичик бизнес ва хусусий тадбиркорлик субъектларига кредитлар бериш механизмини янада такомиллаштириш ва уларнинг ҳажмини ошириш, биринчи навбатда, инвестиция мақсадларига, бошланғич сармояни шакллантиришга кредитлар ажратиш, ишлаб чиқаришни модернизация қилиш ҳамда технологик янгилаш учун ўрта ва узоқ муддатли кредитлар бериш; 6) кичик бизнесни ривожлантиришга хорижий инвестицияларни, авваламбор, халқаро молия институтларининг кредитларини ҳамда тўғридан-тўғри инвестицияларни кенг жалб этиш ва йўналтириш; 7) саноат тармоқларида кичик бизнес ва хусусий тадбиркорликни ривожлантириш ҳамда юқори технологияга асосланган замонавий ишлаб чиқаришларни ташкил этиш учун кенг имкониятлар яратиш, кичик бизнес ва хусусий тадбиркорлик субъектлари томонидан ишлаб чиқаришга инновацион технологиялар жорий этилишини рағбатлантириш; 8) кичик бизнес ва хусусий тадбиркорлик субъектларининг ташқи иқтисодий фаолиятдаги иштирокини кенгайтириш масалаларини тубдан ҳал этиш, уларнинг экспорт салоҳиятини оширишга, экспортга мўлжалланган маҳсулотини жаҳон ва минтақавий бозорларга олиб чиқишга кўмаклашиш; 9) кичик бизнес ва хусусий тадбиркорлик субъектларини ахборот билан таъминлаш, шунингдек, кадрлар тайёрлаш, қайта тайёрлаш ва малакасини ошириш масалаларида уларга консультатив кўмак бериш тизимини янада ривожлантириш. 9.2.Кичик бизнес ва тадбиркорликни миллий иқтисодиётнинг турли секторларида ривожланиши. Кичик ва йирик бизнес корхоналари ўртасида хўжалик алоқаларининг йўлга қўйилиши. Кичик тадбиркорлик субъектлари саноат ишлаб чиқаришда кескин фаоллашгани натижасида улар томонидан саноат маҳсулотлари ишлаб чиқариш ҳажмини ўтган йилнинг мос даврига нисбатан 8,6 % га ошишини таъминлади ва ишлаб чиқариш ҳажми 80,9 трлн.сўмни, ўз навбатида кичик бизнеснинг жами саноат ишлаб чиқаришдаги улуши эса 34,5 % ташкил этмоқда. Ҳудудлар кесимида кичик бизнеснинг саноат маҳсулотлари ишлаб чиқаришдаги энг юқори улуши Наманган (жами саноат маҳсулотлари ишлаб чиқаришдаги улуши 76,6 %), Тошкент шаҳри (66,9 %), Жиззах (66,4 %), Самарқанд (54,5 %), Сурхондарё (51,2 %), Сирдарё (48,5 %) ва Фарғона (42,7 %) вилоятларида кузатилди. Шу билан бирга, энг кичкина улуш Навоий (12,3 %) ва Қашқадарё (22,1 %) вилоятларида, Андижон (23,6%), Қорақалпоғистон Республикасида (23,9 %) ва Тошкент (27,0 %) вилоятларида кузатилди.  9.3.Кичик бизнес ва тадбиркорликни ривожлантиришнинг хорижий мамлакатлар тажрибаси. Оилавий бизнеснинг ривожланишида ўзига хос тенденциялар рўй беради. Жумладан, оилавий бизнес ривожланиб борган сари, қариндош бошқарувчилардан айрилиб боради ва профессионал топ-менежерларни ёллаб боради. Улар рақобатбардош компанияни самаралироқ бошқарадилар. Қариндошларнинг ўзи кузатувчилик ва тузатишлар киритиб туриш функцияни бажарадилар. Жаҳон тажрибасига кўра, топ-менежерлар оилавий бизнеснинг қийматини аҳамиятли даражада ошириб берадилар, бироқ айни пайтда унинг маълум улуши бошқарувчиларнинг ўзига ҳам тегишли бўлади. Халқаро миқёсдаги юқори технологияли ривожланган компаниялар тажрибасидан кўриш мумкинки, улар оилавий бизнес шаклида ташкил топган бўлсада, эндиликда уларнинг асосчиларига маълум фоизларгина тегишли холос. Бироқ, бу – гигант корпорацияларнинг улуши ҳисобланади. Бошқача айтганда, «ҳар бир оила ҳам жадал ривожланаётган бизнесни ўз қўлида тутиб тура олмайди, бироқ, бу энди умумий муаммо бўлиб, оилавий корхонанинг бошқа корхоналар сингари бу муаммодан қочиб қутилиши қийин». Бугунги кун жаҳон тажрибаси шуни кўрсатадики, узоқ йиллар давомида оилавий бизнеснинг ижобий томонлари унинг камчилик ёки салбий томонларидан яққол устунликни кўрсатиб келмоқда. Айнан шу туфайли бугунги кунда оилавий корхоналарнинг иқтисодиётдаги улуши дунё бўйича ўртача 70% ни, шу жумладан, Ҳиндистонда – 95%, Финляндияда – 94%, АҚШда – 80%, Германия – 36%, Франция – 30% ни ташкил этмоқда. Оилавий бизнес тадбиркорликнинг муҳим шакли сифатида тарихан анча узоқ даврдан бошлаб амал қилиб келади. ««Оилавий бизнес» журнали фаолият муддати 200 йилдан ортиқ бўлган бир неча юзлаб оилавий компаниялар рўйхатини санаб ўтган». Шу билан бирга оилавий бизнес тадбиркорликнинг нисбатан кенг тарқалган шакли бўлиб ҳам ҳисобланади. Тадқиқотчилар «Ғарбдаги кичик корхоналарнинг 68%ни айнан оилавий корхоналар ташкил этишини аниқладилар». Ҳозирда оилавий бизнеснинг жаҳон мамлакатлари иқтисодиётидаги аҳамияти тобора ошиб бормоқда. Умуман, кўпчилик хориж мамлакатлари иқтисодиётида оилавий бизнеснинг ўрни ва ҳиссаси жуда салмоқлидир. Жумладан, бугунги кунда «жаҳондаги таниқли оилавий бизнес вакиллари сифатида Ротшильдлар – банкирлар оиласи (Франция), Опель – автомобилсозлик (Германия), Шарль Тиссо – Tissot соатлари, шунингдек, Oral-B, Siemens, Adidas, Samsung Electronics ва бошқа компанияларни мисол қилиб келтириш мумкин». Ривожланган хорижий мамлакатларда оилавий бизнесни ташкил этишда бизнес-ҳамкорлар ёки унда ишлашни хоҳловчилар асосан қариндошлардан таркиб топишига қарамасдан, уларни танлашга жуда катта эҳтиёткорлик ва масъулият билан ёндашилади. Шуниси эътиборлики, «айрим хорижий оилавий компанияларда оилавий бизнесга киришдан олдин қариндошлардан 10-15 йил бошқа компанияларда ишлаб келишни талаб қилинади». Жаҳондаги аксарият мамлакатларда амал қилаётган оилавий бизнесни капиталнинг таркиби ва жойлашуви, ташкилотни бошқариш, корхонанинг миқёси жиҳатидан шартли равишда икки гуруҳга ажратиш мумкин (2-расм).  Биринчи гуруҳ – тор маънодаги оилавий бизнес, яъни оила аъзолари ва яқин қариндошлардан иборат корхона. Одатда бундай кичик корхонадаги ишчилар сони 10 нафаргача бўлади. Шу билан бирга, бу ўринда бир оила (яъни, фақат яқин қариндошлар – эр, хотин, фарзандлар) бизнеси кўринишидаги алоҳида кичик гуруҳларни ҳам ажратиб кўрсатиш мумкин. Бундай фирмалар Канада, АҚШ, Россия каби мамлакатлардаги кўплаб оилавий компанияларни ташкил этади. Булар, энг аввало, турли кўринишдаги якка тадбиркорликдан иборат. Яна бир кичик гуруҳ – бир неча қариндошлар иштирок этувчи оилалар бизнеси. Бу, одатда, аниқ ташкилий ва бошқарув тузилмасига эга бўлган, оилавий муносабатлар иш бўйича муносабатларга айланган, қариндошларнинг бир қисми бошқарувчиларга, бошқа бир қисми уларнинг қўл остидаги ходимларга айланган оилавий компания ҳисобланади. Оилавий бизнеснинг иккинчи гуруҳи – бу эгалари бутун бошли оилавий уруғлардан иборат бўлган, авлоддан-авлодга мерос бўлиб ўтиб борувчи фирмалардир. Бу гуруҳга одатда кўплаб шўъба корхоналарни ўз ичига олган халқаро корпорация кўринишидаги йирик ва жуда йирик компаниялар киради. Бу ўринда оила фақат акцияларнинг оилавий пакети ҳисобига 18 Муаллиф ишланмалари асосида тузилган. Оилавий бизнес Оила аъзолари ва яқин қариндошлар эгалигидаги корхона Оилавий уруғлар эгалигидаги фирмалар Бир оила бизнеси Қариндошлар иштирокидаги оила бизнеси аксарият ҳолда турли кўринишдаги якка тадбиркорликдан иборат бўлиши; оила аъзолари ўртасида лавозимлар бўйича вазифаларнинг аниқ тақсимланмаслиги; бўйсуниш тузилмаси, иерархик поғоналарнинг мавжуд эмаслиги; оила бошлиғи етакчилигида унинг аъзоларининг мустақил ҳаракат қилиши; лавозим бўйича аниқ ажратилган кўрсатмаларнинг мавжуд бўлмаслиги; функционал жиҳатдан бир-бирини ўрнини босишнинг амал қилиши. аниқ ташкилий ва бошқарув тузилмасига эгалиги; оилавий муноса- батларнинг иш бўйича муносабатларга айланган бў- лиши; қариндошлар бир қисмининг бошқа- рувчиларга, қолган бир қисмининг улар қўл остидаги ходим- ларга айланган бўлиши. кўплаб шўъба корхо- наларни ўз ичига олган халқаро корпорация кўринишидаги йирик ва жуда йирик компаниялардан иборат бўлиши; оиланинг фақат акциялар оилавий пакети ҳисобига компания устидан назорат қилиши; оилавий фирма ҳуқуқига эга бўлиш учун оила акцияларнинг турлича фоизини ўз қўлида ушлаб туриши лозимлиги; қолган акцияларнинг кўплаб эгалари ўртасида тақсимланган бўлиши лозимлиги. компания устидан назорат қилади. Ҳар бир мамлакатда оилавий фирма деб номланиш ҳуқуқига эга бўлиш учун акцияларнинг турлича фоизини оила ўз қўлида ушлаб туриши лозим. Хозирда жаҳон миқёсида оилавий бизнесга оид назарий-услубий ёндашувларда иккита қараш мавжуд. Биринчиси – бу оилавий бизнесни йирик бизнеснинг асоси сифатида қараш бўлиб, юқорида бу борадаги далиллар келтириб ўтилди. Жаҳонда оилавий бизнеснинг ривожланиши тадқиқи унинг ўзига хос тенденциялари мавжудлигини намоён этади. Жумладан, оилавий бизнес таркиб топишининг дастлабки палласида оила аъзолари ҳамда қариндошларнинг шахсий кўмагига таянади. Бироқ, кейинчалик муваффақиятли бизнес сифатида ривожланиб борган сари, аста-секин қариндош-бошқарувчиларни бизнесдан чиқариб, профессионал топменежерларни ёллаб боради. Чунки профессионал менежерлар рақобатбардош компанияни самаралироқ бошқарадилар. Оила аъзолар ва қариндошларнинг ўзи бизнес фаолиятини четдан кузатиб, зарур ҳолларда фаолиятга тегишли ўзгартиришлар киритиб туриш функцияларини бажарадилар. Ушбу хулосалардан келиб чиққан ҳолда, жаҳондаги оилавий бизнеснинг тараққиётини шартли равишда қуйидаги босқичлари орқали ифодалаш мумкин (3-расм).  Иккинчиси – оилавий бизнесга кичик бизнеснинг кўринишларидан бири сифатида қараш ҳамда унинг асосий вазифаси ижтимоий тавсифдаги муаммоларни ҳал этишдан иборат деб билиш. Масалан, И.Плотникова «Оилавий тадбиркорлик – бу бир оила аъзолари ёки қариндошлар ўртасидаги ижтимоий муносабатлар жараёнида амал қилувчи, муҳим ижтимоий қадриятларни, мақсадга мувофиқ йўналтирилган хатти-ҳаракат меъёрлари ва стандартларини бирлаштирувчи, жамият (минтақа)нинг эҳтиёжларини қондирувчи иқтисодий ва меҳнат фаолиятининг ташкил этилган тизими, кичик бизнеснинг ижтимоий-институционал шакли», деб таъкидлайди. Хорижий мамлакатлар тажрибасидан келиб чиққан ҳолда, оилавий бизнеснинг ривожланишига салбий таъсир кўрсатувчи қуйидаги омиллар аниқланди: оиладаги ўзаро ишончнинг завол топиши; «оила – бизнес» қадриятларига оид устуворликлар таркибидаги силжишлар; болаларнинг оиладан ажратилиши; бизнес давомчиларини тайёрлаш таомилининг мавжуд эмаслиги; оилавий фирмалар учун бизнес таълимининг мавжуд эмаслиги; бизнесни навбатдаги вакилларга ўтказишнинг ҳуқуқий жиҳатдан тайёр эмаслиги; инновацияларни татбиқ этиш имконининг мавжуд эмаслиги; оилавий бизнес бўйича давлат сиёсати ва қўллаб-қувватлашининг мавжуд эмаслиги. Назорат саволлари Ўзбекистон Республикаси Президентининг Қарори «Кичик бизнес ва хусусий тадбиркорлик йили» Давлат дастури йўналишларини айтиб ўтинг. Хорижий мамлакатлар тажрибасидан келиб чиққан ҳолда, оилавий бизнеснинг ривожланишига салбий таъсир кўрсатувчи омиллар. Жахондаги оилавий бизнес тарақиётининг босқичларини айтиб ўтинг. Жахондаги оилавий бизнеснинг гуруҳланиши ва хусусиятлари. |