Календарный план Сisco на казахском. Ат негіздері 0 Ауымы мен реттілігі

• Название: Ат негіздері 0 Ауымы мен реттілігі
• Дата: 02.11.2021
• Размер: 175.91 Kb.
• Имя файла: Календарный план Сisco на казахском.docx
• Тип: Документы; #261575

АТ негіздері 6.0 Ауқымы мен реттілігі

Соңғы жаңартылған уақыты 2017 ж. 15 Желтоқсан, жұма 16:48:57

Мақсатты тыңдармандар

Cisco® АТ негіздерін оқыту бағдарламасы Cisco Networking Academy® академясының жоғары сынып оқушыларына, сонымен қатар АТ саласында қызмет еткісі келетін, компьютерлерді жинау, жабдық пен бағдарламалық ақауларды жоюды үйренгісі келетін техникалық мектептер, колледждер мен университеттердің студенттеріне арналған.

Алғышарттар

Бұл курсқа қатысу үшін ешқандай алғышарт қажет емес.

Мақсатты куәландыру бағдарламалары

АТ негіздері (АТН) 6.0 оқу бағдарламасы білім алушыларға CompTIA A+ 220-901 және 220-902 куәландыру емтихандарына дайындалуға көмектеседі. CompTIA A+ 220-901 бағдарламасы компьютер технологиясының негіздерін, дербес компьютерлер (ДК) мен ноутбуктарды, сондай-ақ соған қатысты жабдықтарды орнату, конфигурациялау және желі байланысын орнату негіздерін қамтиды. CompTIA A+ 220-902 бағдарламасы ДК операциялық жүйелерін орнату, сонымен қатар Android және Apple iOS мобильді операциялық жүйелері үшін желіге қосылу және электронды пошта сияқты ортақ функцияларды конфигурациялау дағдыларын қамтиды.

Оқу бағдарламасының сипаттамасы

Оқу курсы компьютерлік жабдықтар мен бағдарламалық құралдардың негіздерін, оған қоса қауіпсіздік, желілік байланыс, сондай-ақ АТ кәсіпқой маманының жауапкершіліктері сияқты жетілдірілген тұжырымдарды қамтиды. Бұл курсты бітірген білім алушылар компьютердің ішкі құрамдас бөлшектерін сипаттай алады, компьютер жүйесін құрастыра алады, операциялық жүйе орната алады және жүйе құралдары мен диагностикалық бағдарламаларды пайдаланып, ақауларды жоя алады. Сонымен қатар, білім алушылар Интернетке қосылып, желілік ортада ресурс бөлісе алады. Бұл нұсқадағы жаңа тақырыптар мобильді операциялық жүйелерді, OS X, Linux жүйелерін және клиенттік виртуализацияны қамтиды.

Кеңейтілген тақырыптардың ішінде Microsoft Windows операциялық жүйелері, қауіпсіздік, желілік байланыс және ақауларды жою қамтылған.

Cisco Packet Tracer құралымен жасалатын жаттығулар Packet Tracer 6.2 нұсқасында пайдалануға арналған. Packet Tracer құралын пайдалану арқылы жаңа CompTIA A+ куәландыру талаптарына сай машықтануға болады.

Оқу бағдарламасының мақсаттары

Бұл курстың мақсаты - білім алушыларды компьютерлік жабдық, бағдарламалық құралдар, операциялық жүйелер, желілік байланыс тұжырымдары, мобильді құрылғылар, АТ қауіпсіздігі және ақауларды жою қағидаларымен таныстыру. Онлайн режимдегі курс материалдары білім алушыға АТ саласындағы техникалық маман қызметін атқаруға қажетті дағдыларды дамытуға көмектеседі. Әр тарауда қамтылатын арнайы дағдылардың сипаттамасы тарау басында беріледі.

АТ негіздері 6.0 курсын аяқтаған соң, білім алушылар келесі тапсырмаларды орындай алады:

• 
  Дербес компьютерлерді құрастыру, жөндеу не жаңарту үшін тиісті құрамдас бөлшектерді таңдау;
  
• 
  Құралдарды дұрыс пайдалану әдістері мен зертханада қауіпсіз жұмыс істеу жолдарын түсіндіру;
  
• 
  Дербес компьютерлерді құрастыру, жөндеу не жаңарту үшін құрамдас бөлшектерді орнату;
  
• 
  Дербес компьютерлерге профилактикалық техникалық қызмет көрсету және ақауларды жою әдістерін түсіндіру;
  
• 
  Windows операциялық жүйелерін орнату;
  
• 
  Windows операциялық жүйелерін басқару және техникалық қызмет көрсету;
  
• 
  Компьютерлерді желіге қосу үшін конфигурациялау;
  
• 
  Құрылғыларды Интернет және бұлт қызметтеріне қосу үшін конфигурациялау;
  
• 
  Ноутбуктар мен мобильді құрылғыларды пайдалану, конфигурациялау және басқару әдістерін түсіндіру;
  
• 
  Мобильді операциялық жүйелер, OS X және Linux операциялық жүйелерін конфигурациялау, қорғау және ақауларды жою әдістерін түсіндіру;
  
• 
  Принтерді қажетті талаптарға сай орнату және бөлісу;
  
• 
  Негізгі хост, дерек және желі қауіпсіздігін іске асыру;
  
• 
  АТ саласындағы кәсіпқой маманның қызметтері мен жауапкершіліктерін түсіндіру;
  
• 
  Жабдыққа және бағдарламалық құралдарға қатысты күрделі ақауларды жою.
  

Жүйеге қойылатын ең төмен талаптар

Білім алу үдерісін барынша тиімді ету үшін, бір қалыпты сыныпта 12-15 білім алушының болғаны және әрбір білім алушыда бір зертханалық ДК болғаны жөн. Тәжірибелік сабақтар кезінде көп дегенде екі білім алушы бір зертханалық ДК бөлісе алады. Кейбір жаттығулар кезінде білім алушының зертханалық ДК-і жергілікті желіге қосылған болу керек.

Білім алушылардың зертханалық ДК-лерінің жинағы мен техникалық жағдайы әртүрлі болады, сондықтан да олар оқу бағдарламасын қарау үшін жарамсыз.

Зертханалық ДК жабдығына қойылатын талаптар

АТН оқу бағдарламасының зертханалық жаттығуларында пайдаланылатын түрлі топологияларды қолдану мүмкіндігін қамтамасыз ету үшін, курстарды өткізетін Академиялар қолданылатын жабдықтарға келесі (ең төмен) талаптарды қояды:

• 
  Windows Vista, Windows 7 немесе Windows 8
  
• 
  300Вт қуат берілетін 1 жүйелік блок
  
• 
  PCI, PCIe немесе AGP жабдығымен үйлесімді 1 аналық тақта
  
• 
  Intel немесе AMD орнатылған, жылдамдығы 1 гигагерц (ГГц) немесе одан жоғары, PAE, NX және SSE2 кеңейтімдерін қолдайтын орталық процессор
  
• 
  Орталық процессорға арналған 1 жылу жұтқыш және салқындатқыш вентилятор
  
• 
  1 гигабайттық (Гбайт) ЖЖҚ (32 бит) немесе 4 Гбайт ЖЖҚ (64 бит) (2 X 1Гбайт немесе 2 X 2Гбайт болғаны жөн)
  
  • 
    Кейбір зертханалық жаттығулар кезінде ақауды жою мақсатында ЖЖҚ бір модулін жою не оның істен шыққанын симуляциялау қажет етіледі.
    
• 
  60 Гбайт қатты диск (кем дегенде); 80 Гбайт не одан көп (ұсынылады)
  
• 
  Жүйе Windows операциялық жүйесін толықтай орнатуға және дискіні өлшемі бірдей екі бөлікке бөлуге қолдау көрсету керек
  
• 
  1 DVD-ROM (кем дегенде), DVDR немесе BD/BDR
  
• 
  1 Ethernet тақтасы
  
• 
  1 PCI, PCIe (ұсынылады) немесе AGP бейне тақтасы
  
  • 
    WDDM драйвері бар DirectX 9 графикалық құралы
    
• 
  HDD/CD жалғау кабельдері (сандары әртүрлі)
  
• 
  1 тінтуір
  
• 
  1 пернетақта
  
• 
  Ажыратымдығы Super VGA (1024 X 768) немесе одан жоғары болатын 1 бейне-монитор
  

Зертханалық ДК бағдарламалық қамтуына қойылатын талаптар

АТ негіздері 6.0 бағдарламасының мазмұны негізінен Microsoft Windows Vista, Windows 7, сондай-ақ Windows 8 және 8.1 жүйелерін қамтиды. Оқу бағдарламасындағы зертханалық тапсырмаларды орындау үшін бір ғана Microsoft операциялық жүйесін орнату жеткілікті.

Microsoft корпорациясы білім беру мекемелеріне бағдарламалық құралды жеңілдікпен сатып алуға мүмкіндік беретін шегерім бағдарламаларын ұсынады. Толығырақ ақпарат алу үшін, өз еліңізге немесе өңіріңізге арналған Microsoft веб-сайтына кіріңіз.

Зертханалық ДК жөндеу құралдары

Компьютер құралдарының жинағында келесі аспаптар қамтылу керек:

• 
  “Phillips” бұрағышы
  
• 
  Жалпақ бастиекті бұрағыш
  
• 
  Алты қырлы сомын бұрағыш (түрлі өлшемде) (міндетті емес)
  
• 
  Электрстатикалық қуатсыздану (ЭСҚ) жерге қосу кабелі мен сымы
  
• 
  Электрстатикалық қуатсыздану (ЭСҚ) төсемі (жерге қосу сымы бар)
  
• 
  Қорғаныш көзілдірігі
  
• 
  Түксіз шүберек
  
• 
  Электрондық жабдықтарды тазалауға арналған ерітінді (міндетті емес)
  
• 
  Фонарь
  
• 
  Термопаста
  
• 
  Мультиметр (міндетті емес)
  
• 
  Пневматикалық бүркігіш (міндетті емес - әр елдегі оқу бөлмелеріне қойылатын денсаулықты қорғау және қауіпсіздік талаптарына сәйкес)
  
• 
  Қуат берілісін тексеру құралы (міндетті емес)
  
• 
  Сым кескіш
  
• 
  RJ-45 қысқышы
  
• 
  Кабель аршу құралы
  
• 
  Модульдік кабель тексеру құралы
  
• 
  Желі циклінің бітеуіші (міндетті емес)
  

Талап етілетін қосымша зертханалық жабдықтар

Жоғарыда көрсетілген жабдықтарға қоса, АТН зерханалық топологиялары келесі жабдықтар мен қосалқы құралдарын пайдалануды талап етеді:

• 
  Интернеттен ақпарат іздеу және драйверлер жүктеу үшін 1 интернет қосылысы (бұл үшін нұсқаушының жұмыс орнын пайдалануға болады)
  
• 
  Сыныпқа ортақ 1 принтер немесе көп функциялы құрылғы (принтер/сканер/көшіру құрылғысы)
  
• 
  Сыныпқа ортақ WPA2 протоколын қолдайтын 1 сымсыз роутер
  
• 
  Сыныпқа ортақ 2 сымсыз желі адаптері (жоғарыда айтылған сымсыз роутермен үйлесімді)
  

• 
  Зертханалардағы компьютерлер арасында файлдар тасымалдау үшін бірнеше USB флэш- карталары
  

АТ негіздері 6.0 нұсқасына шолу

Бұл курс АТ өнеркәсібіне толыққанды кіріспе ұсынады және дербес компьютерлер, жабдықтар және операциялық жүйелерді тереңінен қарастырады. Білім алушылар түрлі жабдықтар мен бағдарламалық құралдардың қалай жұмыс істейтінін үйренеді және техникалық қызмет көрсету, қауіпсіздік пен қорғаныс

қамтамасыз етудің үздік тәжірибесімен танысады. Тәжірибелік зертхана жаттығуларының арқасында білім алушылар компьютерлерді құрастыру және конфигурациялау, операциялық жүйелер мен бағдарламаларды орнату, сондай-ақ жабдық пен бағдарламалық құралдардың ақауларын жоюды үйренеді.

Тарауға шолу

Table 1. Тарауға шолу

	Тарау/бөлім	Мақсаттар	Сағат саны
	1-тарау. Дербес компьютерге кіріспе	Дербес компьютерлерді құрастыру, жөндеу не жаңарту үшін тиісті құрамдас бөлшектерді таңдау.	3
1.1	Дербес компьютер жүйелері	Дербес компьютер жүйесінің құрамдас бөлшектерінің біріге жұмыс істеу қағидасын түсіндіру.	1
1.2	Компьютердің құрамдас бөлшектерін таңдау	Тиісті компьютер құрамдас бөлшектерін таңдау.	1
1.3	Мамандандырылған компьютер жүйелеріне арналған конфигурация	Арнайы тапсырмаға арналған компьютерлердің жабдықтары қалай конфигурацияланатынын түсіндіру.	1
	2-тарау. Зертханалық процедуралар және құралдар пайдалану	Кіріспе	2
2.1	Зертханадағы қауіпсіздік процедуралары	Қауіпсіз жұмыс істеу шарттары мен зертханадағы қауіпсіздік процедураларының мақсатын түсіндіру.	1
2.2	Құралдарды тиісінше пайдалану	Дербес компьютер құрамдас бөлшектерімен бірге құралдар мен бағдарламаларды пайдалану ретін түсіндіру.	1
	3-тарау. Компьютер құрастыру	Дербес компьютерлерді құрастыру, жөндеу не жаңарту үшін құрамдас бөлшектерді орнату.	6
3.1	Компьютерді құрастыру	Компьютер жасау.	2
3.2	Компьютерді іске қосу	BIOS және UEFI параметрлерін тексеру жолдарын түсіндіру.	2
3.3	Компьютерді жаңарту және конфигурациялау	Компьютер жүйесі талаптарға сай келетіндей етіп құрамдас бөлшектерді жаңарту әдістерін түсіндіру,.	2
	4-тарау. Профилактикалық техникалық қызмет көрсету және ақауларды жою процесіне шолу	Дербес компьютерлерге профилактикалық техникалық қызмет көрсету және ақауларды жою әдістерін түсіндіру.	4
4.1	Профилактикалық техникалық қызмет көрсету	Дербес компьютерлерге не себепті профилактикалық техникалық қызмет көрсету қажет екендігін түсіндіру.	2
4.2	Ақауларды жою процесі	Компьютер мәселелеріне қатысты ақауларды жою қағидаларын түсіндіру.	2
	5-тарау. Windows жүйесін орнату	Microsoft Windows операциялық жүйелерін орнату.	6
5.1	Заманауи операциялық жүйелер	Операциялық жүйе талаптарын түсіндіру.	3
5.2	Операциялық жүйені орнату	Microsoft Windows операциялық жүйесін орнату.	3
	6-тарау. Windows жүйесін конфигурациялау және басқару	Microsoft Windows операциялық жүйелерін конфигурациялау, басқару, техникалық қызмет көрсету және ақауларын жою.	8
6.1	Windows жұмыс үстелі, құралдары және қолданбалары	Жалпы Microsoft Windows құралдары көмегімен жүйені басқару бойынша қалыпты тапсырмаларды орындау.	2
6.2	Клиенттік виртуализация	Компьютерде виртуализацияны конфигурациялау.	2
6.3	Операциялық жүйелерге профилактикалық техникалық қызмет көрсетудің кең таралған тәсілдері	Microsoft Windows операциялық жүйелеріне профилактикалық техникалық қызмет көрсетудің кең таралған тәсілдерін пайдалану.	2
6.4	Операциялық жүйелер үшін негізгі ақауларды жою процесі	Microsoft Windows операциялық жүйелерінің ақауларын жою әдістерін түсіндіру.	2
	7-тарау. Желі тұжырымы	Желі жұмысының қағидасын түсіндіру	8
7.1	Желілік байланыс қағидалары	Компьютерлік желілердің құрамдас бөлшектері мен түрлерін түсіндіру.	2
7.2	Желілік байланыс стандарттары	Желілік байланыс стандарттарының мақсаты мен сипаттарын түсіндіру.	2
7.3	Желінің физикалық құрамдас бөлшектері	Желінің физикалық құрамдас бөлшектерінің мақсатын түсіндіру.	2
7.4	Желілік байланыстың негізгі тұжырымдары мен технологияларын түсіндіру.	ДК-лер арасындағы желілік байланысты конфигурациялау.	2
	8-тарау. Қолданбалы желілік байланыс	Құрылғыларды жергілікті желілерге (LAN) Интернет және бұлт қызметтеріне қосу үшін конфигурациялау.	6
8.1	Компьютерді желіге қосу	Компьютерді сымды және сымсыз желілерге қосу.	2
8.2	ISP байланыс технологиялары	ISP байланыс технологияларының мақсаты мен сипаттарын түсіндіру.	1
8.3	Интернет технологиялары	Бұлт тұжырымдары мен желілік хост қызметтерін түсіндіру.	1
8.4	Желілерге профилактикалық техникалық қызмет көрсетудің кең таралған тәсілдері	Кең таралған әдістерді пайдалана отырып желілерге профилактикалық техникалық қызмет көрсету әдістерін түсіндіру.	1
8.5	Желілер үшін негізгі ақауларды жою процесі	Желілердегі ақауларды жою әдістерін түсіндіру.	1
	9-тарау. Ноутбуктар мен мобильді құрылғылар	Ноутбуктар мен мобильді құрылғыларды конфигурациялау, жөндеу, жаңарту, техникалық қызмет көрсету және ақау жою әдістерін түсіндіру.	5
9.1	Ноутбук құрамдас бөлшектері	Ноутбуктардың мақсаты мен сипаттарын түсіндіру.	1
9.2	Ноутбукты конфигурациялау	Ноутбуктың қуат параметрлері мен сымсыз желі параметрлерін конфигурациялау жолдарын түсіндіру.	1
9.3	Ноутбук жабдықтары мен құрамдас бөлшектерін орнату және конфигурациялау	Ноутбук құрамдас бөлшектерін орнату және жою әдістерін түсіндіру.	1
9.4	Мобильді құрылғының жабдықтарына шолу	Мобильді құрылғылардың мақсаты мен сипаттарын түсіндіру.	1
9.5	Ноутбуктар мен мобильді құрылғыларға профилактикалық техникалық қызмет көрсетудің кең таралған тәсілдері	Ноутбуктар мен мобильді құрылғыларға профилактикалық техникалық қызмет көрсетудің кең таралған тәсілдерін пайдалану жолдарын түсіндіру.	1
9.6	Ноутбуктар мен мобильді құрылғылар үшін негізгі ақауларды жою процесі	Ноутбуктар мен мобильді құрылғылардағы ақауларды жою әдістерін түсіндіру.	1
	10-тарау. Мобильді, Linux, және OS X операциялық жүйелері	Мобильді операциялық жүйелер, Mac және Linux операциялық жүйелерін конфигурациялау, қорғау және ақауларды жою әдістерін түсіндіру.	5
10.1	Мобильді операциялық жүйелер	Мобильді операциялық жүйелердің мақсаты мен сипаттарын түсіндіру.	1
10.2	Мобильді құрылғыларды қорғау әдістері	Мобильді құрылғыларды қорғау әдістерін түсіндіру.	1
10.3	Желілік байланыс және электрондық пошта	Мобильді құрылғыларда желілік байланыс пен электрондық поштаны конфигурациялау әдістерін түсіндіру.	1
10.4	Linux және OS X операциялық жүйелері	Linux және OS X операциялық жүйелердің мақсаты мен сипаттарын түсіндіру.	1
10.5	Мобильді, Linux, және OS X операциялық жүйелері үшін негізгі ақауларды жою процесі	Мобильді, Linux, және OS X операциялық жүйелеріндегі ақауларды жою әдістерін түсіндіру.	1
	11-тарау. Принтерлер	Принтерді қажетті талаптарға сай орнату.	4
11.1	Принтерлердің жалпы мүмкіндіктері	Әртүрлі принтерлердің мақсаты мен сипаттарын түсіндіру.	1
11.2	Принтерлерді орнату және конфигурациялау	Принтерді орнату.	1
11.3	Принтерлерді бөлісу	Принтерлерді бөлісуді конфигурациялау.	1
11.4	Принтерлерге техникалық қызмет көрсету және ақауларды жою	Принтердің қолжетімділігін жақсарту әдістерін түсіндіру	1
	12-тарау. Қауіпсіздік	Негізгі хост, дерек және желі қауіпсіздігін іске асыру.	6
12.1	Қауіпсіздік қатерлері	Қауіпсіздік қатерлерін түсіндіру.	1
12.2	Қауіпсіздік процедуралары	АТ қауіпсіздік параметрлерін конфигурациялау	2
12.3	Қауіпсіздік мәселелеріне қатысты профилактикалық техникалық қызмет көрсетудің кең таралған тәсілдері	АТ қауіпсіздігін үздіксіз түрде басқару.	2
12.4	Қауіпсіздік мәселелеріне қатысты негізгі ақауларды жою процесі	Қауіпсіздік мәселелеріне қатысты негізгі ақауларды жою қағидаларын түсіндіру.	1
	13-тарау. АТ саласындағы кәсіпқой маман	АТ саласындағы кәсіпқой маманның қызметтері мен жауапкершіліктерін түсіндіру.	5
13.1	Қарым-қатынас дағдылары және АТ саласындағы кәсіпқой маман	АТ саласында жақсы қарым-қатынас дағдыларының болуы неліктен маңызды екенін түсіндіру	1
13.2	АТ өнеркәсібіндегі этикалық және құқықтық мәселелер	АТ өнеркәсібінде орын алатын этикалық және құқықтық мәселелерге кез болған жағдайда тиісті мінез-құлық таныту әдебін түсіндіру.	2
13.3	Анықтама орталығының техникалық мамандары	Анықтама орталығындағы ахуал мен техникалық маман жауапкершіліктерін түсіндіру.	2
	14-тарау. Күрделі ақауларды жою	Жабдыққа және бағдарламалық құралдарға қатысты күрделі ақауларды жою.	4
14.1	Компьютер құрамдас бөлшектері және перифериялық құрылғылары	Компьютер құрамдас бөлшектері және перифериялық құрылғыларына қатысты ақауларды жою.	1
14.2	Операциялық жүйелер	Операциялық жүйелерге қатысты ақауларды жою.	1
14.3	Желілер	Желілерге қатысты ақауларды жою.	1
14.4	Қауіпсіздік	Қауіпсіздікке қатысты ақауларды жою.	1