8-9 кластарға арналған «Physics in English». азастан республикасыны білім жне ылым министрлігі 52 негізгі мектеп Бекітемін
 Скачать 150 Kb.
|
|
ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ №52 негізгі мектеп «Бекітемін» «Тексерілді» Мектеп директоры: Директордың әдістемелік ісі __________ А.К. Князбаева жөніндегі орынбасары: «_____»__________2021ж А.И.Карагулова «_____»__________2021 ж «Physics in English» элективтік курсы 8 класс Физика пәнінің мұғалімі: Г.Б.Башалова 2021 - 2022 оқу жылы Түсінік хат Елбасымыз көздеген әлемдік рейтинг кестесінің жоғары бөлігіне іліккен елдер қатарынан орын алуымызға мүмкіндік беретін басты негіздерінің бірі - жастарымыздың еркін дамуына, жан-жақты білім алуына, белсенді, шығармашыл болуына жағдай жасау болып табылады. Физика сабағында аймақтық және жергілікті аспектілерде қолданбалы құндылығы бар оқушылардың жобалық қызметін ұйымдастыру, физика саласындағы Қазақстанның ғылыми жетістіктерін зерттеу ұсынылып қана қоймай, әлемдік білім беру және білім алу кеңістігінде оқушылардың кемінде 3-4 тіл білуі, бәсекеге қабілетті болуының тиімді жолдарының бірі. Білім мазмұнын алға қойған басты міндеттері бірі оқушылардың тілдік және ақпараттық дайындықтарын күшейту. Осы орайда, халықаралық қатынас тілі - ағылшын тілінде пәндерді (жеке пәндермен қоса, тұтастай циклдағы пәндер) оқытуға ауыстыру заман талабына сай қажетті, дұрыс және ойға қонымды шешім болып табылады. Соған орай, жаратылыстану пәндерінің циклінен бастаған орынды, өйткені оларда таңбалық белгілер жүйесі қолданылады және латын тілінен арнайы аударуды қажет етпейтін терминдердің саны өте көп. Физика материяның көптеген ортақ қасиеттері мен қозғалыс заңдарын зерттейді, ол заманауи жаратылыстану ғылымдарының арасында жетекші роль атқарады. Ол физикалық заңдардың, теориялардың және зерттеу әдістерінің барлық жаратылыстану ғылымдары үшін шешуші роль атқаратындығымен дәлелденеді. Физика – заманауи техниканың ғылыми негізі. Сонымен қатар, пәннің пәнаралық ролінің үлкен маңызы бар, әсіресе соңғы онжылдықта байқалған гуманитарлық және жаратылыстану-математика ғылымдарының симбиоздық әсерін назарға алатын болсақ. Аталып отырған курс жалпы білім беретін мектептің 8-9 сынып оқушыларына арналған. Ұсынылып отырған бағдарлама орта (толық) жалпы білім мазмұнының міндетті минимумына сәйкес құрылған, түлектер дайындығының деңгейіне қойылатын талаптарға сай. Курстың оқыту мақсаты ағылшын тілін қолдану арқылы оқушылардың бойында ғылым негізін тануды, танымдық қызығушылықтарын, интеллектуалдық және шығармашылық қабілеттерін, табиғи құбылыстарды зерттеу, физиканың негізгі заңдарымен танысу, олардың техникада және күнделікті тұрмыста қолданылуымен танысу барысында алған біліктері мен іскерліктері негізінде сыни көзқараспен ойлау дағдыларын қалыптастыру болып табылады. Курстың міндеттері: айтудың, тыңдаудың және жазудың негізгі стратегияларын пайдалана отырып аудару, оқу дағдыларын, жасалған тәжірибелік жұмыстар бойынша ағылшын тілінде әңгімелесу, жазылған нұсқаулықтармен қоса, айтылған нұсқаулықтарды тыңдай отырып түсіне білу, өз экспериментінің барысы туралы қысқаша түрде хабарлап отыру дағдыларын қалыптастыру; өз бетінше, дербес, жұппен және топпен жұмыс жасай білу дағдыларын қалыптастыру. Сабақ материалын таңдау критерийлері. • Кішігірім модальдық және материалдың сан түрлілігі (шынайы заттар, сызбалар мен модельдер, мұғалімнің ауызша түсіндіруі және т.с.с.); • Материал көлемі; • Көрнекі құралдар; • Оқушылардың пәндік лексика мен терминдерді меңгеруі; • Материалдың қабылдау үшін түсінікті болуы. Сабақты жоспарлауға арналған әдістемелік ұсыныстар. Осы курстың мақсаттары мен міндеттерін жүзеге асыру үшін пәндік-тілдік интеграциялап оқыту әдісін қолданған жөн (CLIL). CLIL әдістемесі бойынша жүргізілетін сабақ өз алдына келесі компоненттерден тұрады: Сontеnt (мазмұны) – алға қарай дамып отыратын пәндік сала бойынша біліктілік, іскерлік, дағды. Сommunicаtion (әңгімелесу, араласу) – оқу барысында шет тілін пайдалану, бұл жағдайда оның қолданылуына назар басымдырақ болады. Сognition (ойлау қабілеттері) – жалпы көзқарасты (нақты немесе абстракталы) қалыптастыратын танымдық және ойлау қабілеттерінің дамуы. Сulturе (мәдени біліктері) – өзін мәдениеттің бір бөлігі етіп сезіну, ал басқаша жағдайда баламалы мәдениеттің бар екенін ұғыну. Сабақты жоспарлау барысында келесі бөліктерді міндетті түрде ескерген жөн: CLIL сабағы ол шет тілінің сабағы емес, шет тілінде өтетін пәндік сабақ. Тыңдау – тілді үйрету барысындағы сөйлей құралының маңызды түрлерінің бірі. Оқу – сөйлеу құралының негізгі түрі, оқуға арналған материалдың мағынасы болуы шарт. Айту – мазмұндаудың анық, қарапайым және шапшаң болуына көңіл аударуды қажет ететін құралдың бір түрі, бұл жағдайда грамматикаға баса назар аударылмайды. Жазу – оқушылардың лексикалық және грамматикалық дағдыларын дамытатын құрал. Сабақ мәтіндерге негізделуі қажет (баспа немесе аудио жазба). Сабақтың тілдік компоненттері оқу пәніне байланысты болады. Лексикалық материал грамматикалық материалға қарағанда маңыздырақ болады. Сабақтың алға қойған міндеттері оқушының дайындық деңгейіне байланысты болады. Сабақ құрылымы. Сабақ төрт сатылы сызба бойынша ұйымдастырылады: 1. Мәтінді өңдеу. 2. Алған білімдерін сезіне білу және ұйымдастыру. 3. Мәтіннің тілін түсіну. 4. Оқушыларға тапсырма беру. Оқушыларға арналған тапсырмалар олардың дайындық деңгейіне, оқыту міндеттеріне байланысты болады, сонымен қатар оқушылардың қалауы да ескеріледі. Тапсырмалар жобасының тізімі: диаграмма, кесте, карта және т.с.с. құрыңдар. кестені толтыр нақты ақпаратты тап сәйкестігін тап азат жолдарды дұрыс ретте орналастыр іс-әрекет ретін анықта мәтіндегі бос орындарды толтыр мәселе қою: сұрақ - жауап, термин- анықтама, бөлік - бүтін нақты ақпаратты табуға арналған тапсырмалар тиісті сөзді табуға арналған ойындар мәтін бойынша сұрақ құрыңдар жұмысты ауызша таныстыру Күтілетін нәтижелер: Оқушылар білуі тиіс: - ғылыми білім категорияларын (құбылыстар мен фактілер, ұғымдар, заңдар, теориялық қорытындылар); - ғылыми тану әдістері (бақылау, эксперимент, гипотеза мен модельдер құру, жүргізілген зерттеудің қорытындысы және оны тексеру); - бағдарламалық материалмен қарастырылған ағылшын тіліндегі ұғымдар, шамалар, заңдар; - оқыған лексикалық бірліктердің негізгі шамалары; - жәй және күрделі сөйлемдер құрылымының ерекшеліктері. Оқушылар қолдана білуі керек: - табиғат құбылыстарын зерттеуде ғылыми әдістерді пайдалана білуді, физикалық шамалар арасындағы тәуелділікті анықтай білуді, алынған нәтижені түсіндіруді және қорытынды жасауды; - қызметтің түрлі салаларында өмірлік маңызы бар міндеттерді шешу кезінде алған теориялық білімдерін қолдануды; - физикалық құбылыстарды сипаттау мен түсіндіруді; - тыңдаған материалға контекст көмегімен қорытынды жасауды; - тыңдаған материал негізінде қарапйым сұрақтар қоюды; - мәтіннің негізгі идеясын айқындап беруді; - тақырып, фото сурет, кілттік сөздер, таныс тақырыптан алынған үзінділердің көмегімен мәтіннің мазмұнын табуды; - нақты ақпарат алу үшін қарапайым және күрделі сұрақтар қоюды және оларға жауап беруді; - тапсырмаларды орындау үшін оқушылармен қарым- қатынаста болуды (жұппен, топпен); - кестелерді, диаграммаларды, сызбаларды, анкеталарды, үлгілерді толтыруды; - коммуникативті міндеттерге сәйкес мәтін бойынша белгілер жасап қоюды білулері тиіс. Тақырыптық жоспар «Physics in English» 8 класс (Барлығы – 34 сағат, аптасына 1 сағат)
Күнтізбелік- тақырыптық жоспар Calendar – theme plan 9 сынып – 9 class
Пайдаланған әдебиеттер: 1. Алтынбек Карабатыров, Айбек Байешов, Нұрсұлтан Шокабалинов. Physics Астана 2017ж 2. Құдайқұлов М. Жаңабергенов Қ. Физиканы оқыту әдістемесі. Алматы, Рауан, 1998 ж 3. Физика оқу-әдістемелік құрал, Астана 2010 ж 4. Абдуллаев Ж. «Жалпы физика курсы» - Алматы: «Ана тілі», 1991ж 5. Б.М Дүйсембаев., Г.З Байжасарова., А.А. Медетбекова. Жалпы білім беретін мектептің 8 класқа арналған оқулық. Алматы: Мектеп, 2016 ж 6. Интернет ресурстары: via email, @astanakitap 7. Предметно-языковое интегрированное обучение [Электронный ресурс]. URL: http://www.britishcouncil.org/europe/our-workin-europe/content-and-language-integrated-learning-clil. 8. Что такое CLIL? [Электронный ресурс]. URL: https://sites.google.com/a/xtec.cat/clil-principles/what-is-clil) Sources for the students Оқушылар үшін: Karabatyrov A., Baieshov A., Duiseyev Y. and others Physics. Grade 8.- Almaty: Aстана-кітап, 2017. Bazarov Y., Mirzakhmedov A., Tussyubzhanov A. Terminology.- Almaty: Aстана-кітап, 2017. Bryan Milner Core Physics, -Cambridge University press, 2017. https://phet.colorado.edu http://englishon-line.ru 8-9 кластарға арналған «Physics in English» тақырыбындағы элективтік курс бағдарламасына ПІКІР Жаһандану заманында кең тараған ағылшын тілін білу ең негізгі міндеттердін бірі болып отыр. Үштілді білім берудің басты мақсаты – әр білім алушы үшін жеке қабілеттерін көптілде дамыту. Оқушыны үштілді мәдениетке баулудың мақсаты: тілді дұрыс меңгерту, ауызекі сөйлей білуді үйрету, физикалық құбылыстарды түсініп, өз ойларын ағылшын тілінде жеткізе алу. Білім алушылардың әлемнің заманауи физикалық бейнесінің негізінде жатқан заңдылықтар мен принциптер туралы іргелі білімді, табиғатты танудың ғылыми әдістерді меңгеруіне ықпал етеді. Білім алушылардың интеллектуалдық, ақпараттық, коммуникативтік және рефлективтік мәдениетін дамыту, физикалық экспериментті және зерттеу жұмыстарын орындау дағдыларын қалыптасады.Оқу және зерттеу қызметіне жауапкершілікпен қарауға тәрбиелейді. Меңгерген дағдыларды табиғат ресурстарын ұтымды пайдалану мен қоршаған ортаны қорғауда, қоғам мен адам өмірінің қауіпсіздігін қамтамасыз етуде қолданады. Бұл бағдарлама физика пәнінен өтіліп жатқан материалдарды нақтылау, оқушылардың пәнге деген қызығушылығы мен шығармашылық қабілетін арттыру мақсатында орта мектепте мемлекеттік стандартқа сай білім алу деңгейін қамтамасыз 8-9 кластарға «Physics in English» тақырыбындағы элективті курс бағдарламасы 2 жылға жасалынған. Ұсынылып отырған курс бағдарламасында оқушылардың физика пәні бойынша практикалық жұмыс жасауға арналған тапсырмалар жүйелері дайындалып, оларды ұйымдастыру және алған білімдерін өз беттерімен одан әрі кеңейтіп, тереңдету, практикалық жұмыс жасау арқылы оқушылардың пәнге деген ынтасын арттыру мәселелері қарастырылған. Сонымен қатар, алған білімі өмірге деген қажеттілігін қанағаттандыру мақсатында меңгерілуі қажет екендігі оқушы санасына сіңіріледі. Ең бастысы оқушының ағылшын тілін меңгерудегі сөздік қоры толығады, сөйлеу дағдысы қалыптасады. Сабақ барысында қосымша берілетін физика-техникалық терминдер сөздігі оқушының сөз қорын қалыптастыруда өз көмегін тигізеді және үш тілде білімдерін кеңейтеді. Бағдарлама 8-9 класс оқушыларының физика пәнінен білім сапасының жоғарылауына және жеке тұлғаның интелектуалды дамуына, дүниетанымдық негізін тереңдетуге жол ашатынына сенемін. Ақтөбе өңірлік мемлекеттік университетінің доценті, физика-математика ғылымдарының кандидаты С.Т.Жубаев | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||