Эпидемиология каз. Эпидемиология Инфекциялы ауру ошаындаы эпидемияа арсы ісшаралар алгоритмі Станциясы
 Скачать 51.45 Kb.
|
|
ЭПИДЕМИОЛОГИЯ «Инфекциялық ауру ошағындағы эпидемияға қарсы іс-шаралар алгоритмі» Станциясы №1 ситуациялық тапсырма 10 жастағы оқушыға қызылша диагнозы қойылды (беті мен денесінде бөртпе бар). Сыныпта тізім бойынша 32 бала бар, 24 бала жасына қарай тірі қызылша вакцинасымен егілген. Отбасында анасы мен әкесі бала кезінде қызылшамен ауырған, 3 жастағы сіңлісі балабақшаға барады, қызылшаға қарсы егілмеген. Сұрақтар: Науқас балаға қатысты қандай іс-шаралар жүргізу керек? Қатынаста болған адамдарға қатысты қандай іс-шаралар жүргізу қажет? Ошақта дезинфекция жүргізу ретін анықтаңыз? Қандай нормативтік құжатты басшылыққа аласыз? Ошақты тексеру кезінде қандай есептік құжат толтырылады? Чек-Парақ
№ 2 ситуациялық тапсырма Қарашаның 20-сынан 21-іне қараған түні балабақшаның үш тәулікбойғы тобында бір уақытта 15 бала ауырып қалды. Балаларда дене қызуының көтерілуі, іштің ауыруы, жиі шырышты нәжіс секілді белгілер байқалды, үш балада құрысуы болды. 21 қарашада тағы 3 бала ауырып қалды. Жедел дизентерия диагнозы қойылды. Балалар ауруханаға жатқызылды. Сұрақтар: Ошақта мүмкін болатын инфекция көзін анықтаңыз. Аурудың таралуының ықтимал механизмі мен факторларын атаңыз. Қатынаста болған адамдарға қатысты қандай іс-шаралар жүргізу қажет? Ошақта дезинфекция жүргізу ретін анықтаңыз? Ошақты тексеру кезінде қандай есептік құжат толтырылады? Чек-Парақ
№ 3 ситуациялық тапсырма Травматологиялық пунктке үй иті тістеп алған 26 жастағы науқас шағымданды. 2-ші күні ит босатылып қашып кетті. Науқас жарасы өңделді: жараны сабынды сумен молынан жуып және жараның шеттерін 5% йод тұнбасымен өңдеп, содан кейін науқас үйіне жіберілді. Сұрақтар: 1. Ошақта мүмкін болатын инфекция көзін анықтаңыз. 2. Аурудың таралуының ықтимал механизмі мен факторларын атаңыз 3. Травматологиялық пункт дәрігерінің іс-әрекетінің дұрыстығын бағалаңыз? 4. Ит қапқан адамға қатысты қандай шаралар қолдану керек? 5. Ошақты тексеру кезінде қандай есептік құжат толтырылады? Чек-Парақ
№ 4 ситуациялық тапсырма Терапия бөлімінде ем алып жатырған созылмалы холециститпен ауыратын науқастың өтінен S. typhi бөлінді. Анамнезінде 10 жыл бұрын науқас іш сүзегімен ауырған. Палатада 3 науқас бар, 2 адам бір апта бұрын шығарылған. Бөлімшеде 60 науқас бар. Сұрақтар: Бұл ауру сырттан енген бе немесе аурухана ішілік инфекция деп санайсыз ба? Науқасқа қатысты қандай іс-шаралар жүргізу қажет? Қатынаста болған адамдарға қатысты қандай іс-шаралар жүргізу қажет? Ошақта дезинфекция жүргізу ретін анықтаңыз? Қандай нормативтік құжатты басшылыққа аласыз? Чек-Парақ
№ 5 ситуациялық тапсырма Оба бойынша эндемиялық ауданнан қайтып келе жатқан науқас С.-ның кенеттен басы мен бұлшық еттері ауырып, температура көтерілді, жүрісі теңселе бастады. Қолтық аймағында және мойын аймағында бір-бірімен және қоршаған тері астындағы тіндермен дәнекерленген, тығыз, ауырсынатын бубондар табылды. Бубондардың үстіндегі тері тегіс, көгерген. Диагноз: Оба. Бубондық түрі. Дәрігер науқастың материалын зерттеуге жіберді. Сұрақтар: 1. Науқастан қандай материал алынды? 2. Диагнозды нақтылау үшін зертханалық диагностиканың қандай әдістерін тағайындау керек? 3. Инфекция көздерін, обаның бубонды түрінің таралуы ықтимал механизмдерін, жолдарын және факторларын атаңыз. 4. Науқас адамға қатысты міндетті түрде қандай шаралар қолдану керек? 5. Қатынаста болғандарға қатысты міндетті түрде қандай іс-шаралар жүргізу керек? Чек-Парақ
Әзірлеген: ҚеАҚ «М. Оспанов атындағы БҚМУ» эпидемиология кафедрасының жетекшісі, м.ғ.к., доцент Уразаева С.Т. 20.04.2021 № 6 жағдайлық есеп Облыстық г.Т. ауруханасының кардиохирургия бөлімшесінде бір ай ішінде жасанды қан айналымы жағдайында жүрекке операция жасаған науқастарда іріңді-септикалық инфекциялардың (ІСИ ) 7 жағдайы тіркелді. Операциядан кейінгі 2-3 күнде іріңді трахеобронхит басталды (бактериологиялық зерттеуде көк іріңді таяқша оқшауланған), пневмония 3-4 күннен кейін қосылды, 7-10 күннен кейін – операциядан кейінгі жараның супурациясы, алдыңғы медиастинит, содан кейін септикалық зақымдану белгілері пайда болды. Сұрақтар 1. Бұл жағдай нені көрсетеді? 2. ІСИ қосылуына не себеп болуы мүмкін? 3. Бұл инфекцияның берілу механизмі қандай? 4. Ауруды тергеу үшін қандай қосымша ақпарат қажет? 5. Осы жағдайда эпидемияға қарсы іс-шаралар жоспарын жасаңыз. Чек-парақ
№ 7 жағдайлық есеп 2020 жылдың 2 сәуірінде науқас Н. гипертонияға байланысты жедел жәрдем үйіне шақырылды. Жедел жәрдем медбикесі науқасқа медициналық көмек көрсетті, бірақ қорғаныш киімсіз болды. 12 сәуір 2020 ж. Н. науқаста тағы да клиникалық белгілер пайда болды: қызба, қалтырау, жалпы әлсіздік; денедегі миалгия; бас ауруы; жөтел (құрғақ немесе аздап қақырықпен); тыныс алудың қиындауы. Жедел жәрдем шақырдық көмек. Жедел жәрдем қызметкерлері науқастың медициналық тарихын жинап, пациент пен барлық отбасы мүшелерінің үйде және қоғамдық орындарға бармағанын, шетелге шықпағанын анықтады. Сұрақтар: 1.Бұл жағдай нені көрсетеді? 2. Инфекцияның мүмкін көзі кім екенін көрсетіңіз? 3.Бұл инфекцияның берілу механизмі қандай? 4. Эпидемияға қарсы іс-шараларды әзірлеу кезінде басшылыққа алатын нормативтік құжатты атаңыз 5.Осы жағдайда эпидемияға қарсы іс-шаралар жоспарын жасаңыз Чек-Парақ
№ 8 жағдайлық есеп Мектепке дейінгі балалар мекемесінде бір типті клиникалық көрінісі бар жіті ішек инфекциясының көптеген жағдайлары (18 бала және 2 тәрбиеші) тіркелген. Барлық жағдайлар бір уақытта дерлік балалар мекемесінің әртүрлі топтарында пайда болды. Сұрақтар: Инфекцияның мүмкін көздерін атаңыз. Ықтимал берілу механизмдерін, жолдары мен берілу факторларын анықтаңыз. Ошақта эпидемияға қарсы іс-шаралар жоспарын құрастырыңыз. Ошақта дезинфекция жүргізу тәртібін көрсетіңіз. Ошақты тексеру кезінде қандай есептік құжат толтырылады? Чек-Парақ
№ 9 жағдайлық есеп Балабақшада 4 жастағы Марат Ж. изоляторға орналастырылды. Балада келесі симптомдар байқалды: бір реттік құсу және температураның 37,5 градусқа дейін көтерілуі. Анасының айтуынша, бала 2-3 күн бойы сау емес еді, бірақ ДДУ-ға баруды жалғастырды. Үйге шақырылған учаскелік педиатр А вирустық гепатиті диагнозын қойды. Бала ата - анасымен бірге жеке үш бөлмелі жайлы пәтерде тұрады; ата - анасы - қызметкерлер. Балабақша типтік үй-жайда орналасқан, топтар оқшауланған. Науқас барған топта 19 бала болды. Осы балабақшаның басқа тобында сәуір айында гепатитпен ауыратын науқас анықталды. Сұрақтар: Инфекцияның мүмкін көзін атаңыз. Берілген жағдайда мүмкін берілу механизмдерін, берілу жолдары мен факторларын анықтаңыз. Ошақта эпидемияға қарсы іс-шаралар жоспарын құрастырыңыз Науқас балаға қатысты қандай іс-шаралар жүргізу керек? Байланыста болған адамдарға қатысты қандай іс-шаралар жүргізу қажет? Чек-Парақ
№ 10 жағдайлық есеп Қалалық аурухананың хирургиялық бөлімінде операциядан кейінгі бірнеше науқас емделуде. Жаралардың құрамын қайта микробиологиялық зерттеу кезінде алты пациентте антибиотиктерге төзімді бірдей E. Coli бактериясы бөлінді. Сұрақтар: Бұл ауруды ауруханаішілік инфекция деп есептейсіз бе? Инфекцияның қоздырғышы кім? Бұл инфекцияның берілу механизмі, жолдары және берілу факторлары қандай? Ошақта алдын-алу шараларының жоспарын құрастырыңыз. E. Coli бактериясы бөлінген пациенттерге қатысты қандай іс-шаралар жүргізілуі керек. Чек-Парақ
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||