текст по формированию читательской грамотности по алтайскому языку. тесты по формированию читательской граммотности. К. Тлсовты бичигениле
 Скачать 36 Kb.
|
|
_________________________________ 1.Айландыра тымык-тымык. 2.Ыраак кырлардыҥ ары јанынаҥ кыскылтым таҥдак кӧрӱнди.3. Бу ӧйдӧ, јартап айтса, айдыҥ беш јаҥызында, јык эткен јыраалу межеликте бир керекшин эки чаабын јалап турды. 4.Экилези тӱп ле тӱҥей: кӧстӧри кап-кара, кулактары тап-талбак, аркалары ала-чоокыр.5. Озо чыккан аказы турайын деген бойынча, канча ла катап баш ажа конот, је энчикпей, ойто ло эҥмектейт. 6.Учы-учында оны узун сынду кулузындар тӧрт таманын саҥ ӧрӧ эттире кебеп алды. 7.Эх, бу јерге туруп базарга кӱч ле неме ине! 8.Агалу-сыйынду кӱн чарчаардыҥ алдында турар болуп, ӱч-тӧрт катап алтаар болуп ӱренгилеп алды. 9.Кырлардыҥ ары јанынаҥ кӱн шыгалап турганча, экӱ бош ло ӱргӱлей бердилер, кайран тату уйкуларын јаш ӧлӧҥгӧ ычкынгылайт. 10.Эптӱ эрке шулурып, элбиреп турган бӱрлер кучкаштардыҥ соот кожоҥдорын јайкайт. 11.Чап-чаҥкыр јайгы теҥери алдында агалу-сыйынду амыр-амыр уйуктайт. 12.Кӱндер ээчий кӱндер ӧтти. 13.Бӱгӱн айдыҥ он јети јаҥызы. 14.Јындыр суу туштагы буды-колдорын кажып ийеечи кулузын-салызындарды, комыргай-самыргайды эмди экӱ јыга табаргылап јӱрдилер.15. Кӱнге тӧгӧлӧнип алып, јаантайын јалбагынаҥ јадатан јерсӱ куу јадыктардыҥ ӱстине ойноп, аштай бергилегенде, энезине мызылдап-мызылдап ийгилейтен. 16.Энези балдарыныҥ ӱнин угуп, канча кат јадыктарды, канча тӧс калыҥ тайаларды ажыра калып, арканы тӧмӧн от-јалбыштый келедет. (175 сӧс) (К.Тӧлӧсовтыҥ бичигениле) Мазылдайт – чааптыҥ маараганы. Берилген ӱзӱкти кычырала, јарагадый бажалыкты темдектегер. а) Агалу-сыйынду б) Энениҥ кару балдары в) Кышкы аралда 2. Канчанчы эрмекте чӱмдемелдиҥ тӧс шӱӱлтези бичилген. Чын карууны темдектегер. а) 16 б) 14 в) 7 3.Чааптардыҥ тыш бӱдӱмин јураганы бар ба ? Толо карууны тексттеҥ табып, бичигер. ___________________________________________________________________________________________________________________________________ 4.Таҥдак деп сӧсти орус тилге канайда кӧчӱрер? а) рассвет б) закат в) утро 5.Эки чааптаҥ кажызы јаан ? Тексттеҥ куузын табып темдектегер. а) аказы б) сыйны в) кажызыда эмес 6. Эрмектерди ээчий-деечий текст аайынча тургузыгар. Энези балдарыныҥ ӱнин угуп, от-јалбыштый келедет. ________ Кулузын-салызындарды, комыргай-самыргайды эмди экӱ јыга табаргылап јӱрдилер.________ Эх, бу јерге туруп базарга кӱч ле неме ине! ________ Бу ӧйдӧ јык эткен јыраалу межеликте бир керекшин эки чаабын јалап турды ________ Аштай бергилегенде, энезине мызылдап-мызылдап ийгилейтен.. ________ Соок тӱшкен соондо јааган карды кӱски кар деп айдар. ________ Агалу-сыйынду турар болуп, алтаар болуп ӱренгилеп алды _______ К.Тӧлӧсӧв « Энениҥ кару балдары», 6 класс |