чеч лит 1 класс аз а, элп а 1. Конспект урока по чеченской литературе 22. 12. 2022 Урокан ц1е Аз а, элп I, I
 Скачать 21.39 Kb.
|
|
1 класс Абатан мур (еша 1амор) № 32 Конспект урока по чеченской литературе 22.12.2022 Урокан ц1е: «Аз а, элп I, I». 1алашо: йозанан жима а, доккха а элпаш I, I довзийтар. Уьш шаьш а, дешдакъошкахь а яздан 1амор. Кхочушдан лерина жам1аш: 1 .Предметни: берашна девзар ду йозанан жима а , доккха а элп а I , I . 1емар ду уьш нийса а ,хаза а яздан. 2. Метапредметни: Регулятивни: берашна 1емар ду шайн белхан план х1отто, цу планан рог1алла а ларъеш йозанан корматалла караерзо. Берашна 1емар ду коллективехь эбала , болх бан. Коммникативни: берашан 1емар ду хьехархочун хаттаршна дуьззина а , доца а жоьпаш дала. 1емар ду шайна хетарг маь1ница нийса д1аала. Берашна 1емар ду тобанашкахь болх бан , тобанашкахь кхиамаш баха.Берийн кхуьур ю меттан говзалла. Познавательни: берийн алсамдер ду тидаме хилар, ойлаяр . 1емар ду аьзнийн башхаллаш йовза, уьш схеманашкахь билгалъяха. Берийн алсамдер ду дешнаш довзар. Берийн мотт шарлур бу. 3. Личностни: берийн лаам хир бу 1алам довза, иза 1алашдан. Урок д1аяхьар. 1. Маршалла хаттар. 2. Дешаре шовкъ кхоллар. Ловзар: «Кагделла дош нисде». ЛАМ1А -Муьлха дош ду кагделларг? (1алам). -Х1ун ю 1алам? (Берийн жоьпаш. 1аламах лаьцна байт ешча нийса хир ду). 1алам-иза хьо ц1а чуьра араволуш дуьххьара гуш йолу буц , зезаг . Зезагана т1е хиъна пола, гонахара дитташ , охьадог1у хиш , лаьмнаш , хьаннаш , стигла , т1улгаш-иза дерриг 1алам ду. Адам ша а ду 1аламан цхьа дакъа. 1алам вай лардан, доладан дезаш ду. 3. 1алашо йовзийтар. -Вайна тахана девзар ду йозанан жима а , доккха а элпаш I , I. 1емар ду уьш хаза а , нийса а а яздан ша-ша а, дешдакъошкахь , дешнашкахь. 4. Йозанан, жима а , доккха а элпаш I , I довзийтар , яздар. Йозанан жима а, доккха а элпаш I , I довзийтар. -Бераш, схьагайта зорбанан жима а , доккха а элпаш I , I . Мичахь хуьлу зорбанан элпаш? (Книгаш т1ехь). -Хьанна девза шуна йозанан доккха а ,жима а элпаш I , I ? Схьагайта. -Х1ара йозанан жима элп I ду,х1ара йозанан доккха элп I ду. -Х1ун кхиамаш бехи аша? (Суна девзи йозанан жима а , доккха а элпаш I , I). -Массарна девзин шуна? Юха гайта сунна. Йозанан жима элп I яздар. Хьехархочо уьн т1ехь гойту элп I яздан. -Т1адам буьллу белхан моганна юккъе. Билгалонна деллачу сизе терра хьалавоьду лакхарчу белхан мог1ане кхаччалц. Кхузахь ша волччохь аьтту аг1ор хьаьвзаш охьавог1у шад а беш, лахарчу белхан мог1анна , г1оьнан мог1анна юккъе кхаччалц Кхузахь аьрру аг1ор хьаьвзаш хьалавоьду , шад а беш ,хьаькхначу сизал дехьаволу. Х1аваэхь яздо йозанан жима элп I . Тептарш т1е д1аяздо йозанан жима элп I . -Х1ун кхиамаш бехи аша? Дешдакъошкахь йозанан жима элп I яздар. Хьехархочо уьн т1е д1аяздо дешдакъош. I а Iу -Х1ун кхиамаш бехи аша? Хьан яздина массарчул хаза? 1ИНДАГ1 дешан схема х1оттор. Тоьхча, туьро а цахадориг? (1индаг1). Б1аьргашца го, куьйгашца схьа ца эцало? (1индаг1) . -Х1ун ю х1етал-металш т1ехь юьйцург? (1индаг1). -Маса дешдакъа ду 1ИНДАГ1 дешан? Муьлханиг ду хьалхара? (1ин). -Шолг1а? (Даг1). -Муьлханиг ду хьалхара аз (1)? -Аз (1) мукъа ду я мукъаза ду? (Мукъаза ). -Муьлхачу басца билгалдо и схеми т1ехь? (Сийначу). -Муьлханиг ду шолг1а аз (И)? -Аз (И) мукъа ду я мукъаза ду? (Мукъа ). -Муьлхачу басца билгалдо и схеми т1ехь? (Ц1ен). -Муьлханиг ду кхоалг1а аз (Н)? -Аз (Н) мукъа ду я мукъаза ду? (Мукъаза ). -Муьлхачу басца билгалдо и схеми т1ехь? (Сийначу). -Муьлханиг ду доьалг1а аз (Д)? -Аз (Д) мукъа ду я мукъаза ду? (Мукъаза ). -Муьлхачу басца билгалдо и схеми т1ехь? (Сийначу). -Муьлханиг ду пхоьалг1а аз (А)? -Аз (А) мукъа ду я мукъаза ду? (Мукъа ). -Муьлхачу басца билгалдо и схеми т1ехь? (Сийначу). -Муьлханиг ду йолхалг1а аз (Г1). -Аз (Г1) мукъа ду я мукъаза ду? (Мукъаза ). -Муьлхачу басца билгалдо и схеми т1ехь? (Сийначу). -Маса аз ду 1ИНДАГ1 дашехь? Маса элп ду? Муьлханаш ду аьзнийн цхьанаэдаларш? (1И, ДА). -Муха билгалдоху уьш схемехь? (Ши бос болчу еък1овца). -Йилла схема. (Хьехархочо уьн т1ехь а бойту болх ).
-Х1ун кхиамаш бехи аша? 5. Сада1аран миноташ. Эх1, ма хаза бу-кха из а! Муттанах и ма бу буьзна. Куьг ахь кховдош лаккха, 1аж цу т1ера баккха. Мохо генаш лестадо, Соьга 1аж ца баккхало. Кхоссалуш, куьг кховдор ду, Сихха 1аж схьабоккхур бу! Эх1 ! Ма 1аж бу-кха из а! Муттанах и ма бу буьзна. (Бераша байташ т1ехь дуьйцург до.) 6. Йозанан жима элп 1 дешнашкахь яздар. Дешнаш яздар. Уьн т1е д1аяздо дешнаш. Йо1 , во1 , не1 , 1ам. -Д1адеша и дешнаш. -Д1аязде и дешнаш. -Х1ун кхиамаш бехи аша? Ц1енааларш la - la - la - атто Iyттyp ю ма1а. Iy - ly - ly - ведда вог1уш ву беж1у AI - al - al - нанна йоьлхуш ю чайта1 -Х1ун ю чайта1? (Чанан к1орне ю). 7. Жам1 дар. 1 элпах лаьцна байт 1амор. Терахь ворх1 ду вайна гуш, Цхьацца хаам шеца болуш. Цхьа-ши г1аж ахь цунах яккха, Массарна I гучудаккха. -Муьлха элп ду байт т1ехь дуьйцург? (1). Стенах тера ду элп? 1 элпо муьлха аз билгалдо? Аз (1) мукъа ду я мукъаза ду? 8. Рефлекси. -Х1ун кхиамаш бехира аша? |