Жураўліны крык. жураўліны крык. Мэта рока вучыць дзяцей вобразна мысліць, выказваць свае погляды на героя развіваць уменне знаходзіць у тэксце мастацкія дэталі, што выкарыстовае атар для характарыстыкі героя
 Скачать 54.5 Kb.
|
|
Распрацоўка ўрока Васіль Быкаў “Жураўліны крык”. Героі аповесці. Выпрабаванне вайной Мэта ўрока: вучыць дзяцей вобразна мысліць, выказваць свае погляды на герояў; развіваць уменне знаходзіць у тэксце мастацкія дэталі, што выкарыстоўвае аўтар для характарыстыкі герояў; праз вобразнасць мовы засяродзіць увагу на гераізме герояў; выхоўваць патрыятызм , чалавечнасць, уменне спачуваць людзям. Абсталяванне: партрэт В.Быкава; выстава кніг; карткі з заданнямі (героі твора); карткі з заданнямі (вершы пра вайну); папера для творчай работы. Форма правядзення: педагагічная майстэрня Эпіграфы: 1. Загінеш— і ведаць не будуць пра цябе нічога сябры. Загінеш— і ведаць не будуць маці,жонка,бацька стары. Але волі няма вышэйшай за абраную ў гэтым жыцці. Але долі няма вышэйшай,— Аднаму на тысячы йсці. У.Караткевіч 2. Ёсць дзве формы жыцця: гарэнне і гніенне. Смелыя і мужныя выбіраюць першую. Баязлівыя і скупыя - другую. М.Горкі ХОД УРОКА 1. ІНДУКЦЫЯ Міні літаратурна-музычны мантаж (гучыць музыка, ад кожнай групы дзеці чытаюць чатырохрадкоўі вершаў) Не была ніколі светлаю З-за мяжы плыла злачынная. Для другіх яна— сусветная, А для нас ян а —Айчынная. 2.Злосна сказаў:”Уставай, ,пяхота, Мы не на пляжы,а на вайне”. І лёг на калючыя скруткі дроту. І сотні салдацкіх запыленых ботаў Прайшлі па яго спіне. 3. Часцей,часцей прыпамінай Імёны паўшых смерцю храбрых. І мілы край,наш родны край— Каб над зямлёй,што легла ў ранах, Плыў гэты сіні-сіні ранак. Пытанне: Што аб’ядноўвае гэтыя творы? (адказы запісваюцца ў сшытках і на аркушы паперы на дошцы) ВАЙНА МУЖНАСЦЬ ГЕРАІЗМ ПОДЗВІГ ГЕРОЙ ПАМЯЦЬ Пытанне: Ці можна сказаць, што ўсе гэтыя словы і пра аповесць В.Быкава “Жураўліны крык”? Звяртаецца ўвага на эпіграфы да ўрока. Пытанне: Як вы лічыце, ці ўдала падабраны ўрывак з верша У.Караткевіча? Які радок найбольш падыходзіць? Аднаму на тысячы йсці ( 6 чалавек супраць ворагаў) 2. САМАКАНСТРУКЦЫЯ 2.1.Узгадаюцца героі апьовесці. Запіс у сшытках і на дошцы Героі Станоўчыя Адмоўныя Карпенка Пшанічны Свіст Аўсееў Глечык Фішар 2.2. Вучні зачытваюць і падкрэсліваюць героя, які найбольш спадабаўся. (Выказваюцца ўсе вучні) 2.3. Заданне. На чыстым аркушы паперы малюем пяцікутную армейскую зорку: у цэнтры змясціце імя воіна, які, на вашу думку, паводзіў сябе больш за ўсіх па-геройску; на промнях імёны астатніх герояў—на сонца, на захад і ўсход, у зямлю (абгрунтаваць чаму). 3. САЦЫЯКАНСТРУКЦЫЯ Кожная група дзеліцца на дзве падгрупы. Кожная падгрупа характарызуе свайго героя. Заданне. 1. Прадставіць героя, расказаць яго біяграфію ад першай асобы; Пачаць запаўненне табліцы “Характарыстыка герояў аповесці” (табліца ў кожнага на стале)
Заданне. Знайсці першае апісанне героя. 4. САЦЫЯРЭАЛІЗАЦЫЯ 1. Ілюстрацыя “ Бой вачамі героя твора” 2. Абарона. Што намалявана? Чаму? Што хацелі гэтым выразіць? 5. ТВОРЧАСЦЬ І ГРУПА Баец Алік Аўсееў Апорныя раздзелы: 8,16,17,18. Вайна - гэта цяжкае і жорсткае выпрабаванне для кожнага чалавека. I як заўсёды ў эстрымальных умовах, на вайне асабліва востра перад чалавекам стаіць праблема маральнага выбару. Праблема здрады. Выбар ідзе паміж жыццём і смерцю. Кампрамісу не бывае. Да адзіна правільнага чалавечага рашэння трэба рыхтавацца ўсё папярэдняе жыццё. Алік Аўсееў аказаўся не падрыхтаваным да смерці, бо ўсё яго ранейшае жыццё - гэта ланцуг дробных і буйных здрад сабе і сябрам. Падумайце і запішыце, чаго, на вашу думку, не хапала Аліку Аўсееву для таго, каб стаць сапраўдным чалавекам? І І ГРУПА Баец Васіль Глечык Апорныя раздзелы: 10,17,18,19. Васіль Глечык, седзячы ў салдацкім халодным акопе, моцна перажываў за сваю маці. Шмат непаразумення засталося паміж імі. Хпопцу прыкра, бо ён замінаў шчасцю самага любімага і дарагога чалавека на зямлі. Падумайце, што мог сказаць Васіль сваёй маці, калі б у яго была магчамасць сустрэцца з ёй за дваццаць хвілін да свайго апошняга бою? Паспрабуйце напісаць ад імя Васіля Глечыка ліст да яго маці. Скарыстайце прапанаваны пачатак. Дзень добры, мама! Якгорка і балюча мне ў гэтыя хвіліны! Як многа хочацца табе сказаць! Кінуцца ў ногі, прасіць прабачэння - гэтага ўсяго будзе мала. Любая мама, кожны дзень я прыгадваю… І І І ГРУПА. Баец Віцька Свіст Апорныя раздзелы: 6,7,16,17. Перагледзьце ўважліва старонкі, звязаныя з жыццём В. Свіста. Паразважайце, як склалася б дальнейшае жыццё Свіста, каб ён перажыў вайну. Знайшлося б яму месца ў мірным жыцці ці яго чакаў лёс Пшанічнага? Абгрунтуйце свае думкі. Кожная група зачытвае свае работы. 6. РЭФЛЕКСІЯ З дапамогай Дрэва пазнання вызначыць, як засвоена тэма. Пытанне. Як словы М.Горкага суадносяцца з тэмай сённяшняга ўрока? 7. ДАМАШНЯЕ ЗАДАННЕ І ГРУПА Выпішыце думкі Карпенкі пра кожнага з байцоў. Паразважайце, як характарызуюць гэтыя выказванні самога старшыну. І І ГРУПА Уявіце сабе, што вы выступаеце на своеасаблівым працэсе—судзе над Іванам Пшанічным – у якасці яго адваката.Запішыце коратка тэзісы свайго выступлення. І І І ГРУПА Уявіце сабе, што вы скульптар, якому зрабілі заказ на помнік байцу Фішару, што па-геройску загінуў у Вялікую Айчынную вайну, забіўшы ўсяго аднаго немца. Апішыце, як будзе вяглядаць помнік, падумайце, які надпіс вы б высеклі на ім |