Свы. Ада-иеге суме 2 КОРОНОВИРУС (1). Бажы иштин халдавыр чок болдурары
 Скачать 1.17 Mb.
|
  БАЖЫҢ ИШТИН ХАЛДАВЫР ЧОК БОЛДУРАРЫ Коронавирус аарыының үезинде бажың иштин шын арыглап-аштаары – аарывазының база бир кол магадылалы.  Бажың иштин хүнүң-не агаарладыр. Соңгаларның көзенектерин эртениң-не бажың ишти сырыннап турар кылдыр ажыдар. Дезинфекция кылыр бетинде, шупту чүвени чодуп, аштап кааптарга эки. Чүге дээрге дезинфекция эки ханылавайн, хирниң кырынга чыдып бээр, кылган ажылыңар түңнели чок болур. Кезээде дээп турар черлерни хүнде 2-3-даа катап чодар. Ол дээрге эжиктер, шкафтар тудазы, стол, сандайлар кыры, кезээде холдан салбас телефонуңар, компьютерниң базар таналдары, арыгланыр өрээлде херекселдер дээш оон-даа өске.  Дезинфекция кылырда, албан аар өртектиг чүүлдер дилеп, садып турбайн, хлорну (белизна) ажыглаңар. 1 литр чылыг сугга 100 мл. белизна эзилдирии шупту микробтарны узуткаар. Хлор дээртип болбас черлерни чаңгыс удаа ажыглаар спирттиг пөс-биле чодар.  БИР ЭВЕС БАЖЫҢДА ААРЫГ КИЖИ БАР БОЛЗА Аарыг кижини өске өрээлче аңгылаар. Азырып-бышкырып, чөдүрерде, аскын думчук аржыылы-биле дуглап алырын чагыыр. Чаштаан чараазы бүдүн бажыңга таравас кылдыр. Дезинфекцияны чүгле хөй дээр черлерге эвес, бүдүн бажың ишитинге чорудар. А аарыг кижиниң өрээлин хүнде бир катап эки аштап-арыглааш, дезинфекциялаар. Кадык кижилер-биле харылзашпазы-биле, (байдалы ажырбас хире болза) аарыгкижи өрээлин боду арыглап ап турар болза эки.  Чемненир аяк-савазын, чоттунар аржыылын аңгылаар. Оларны эки дезинфекциялаар. Удуп турган ак чоорганын, идик-хевин хлорлап азы 60 градустан кудулавас изиг сугга чуггаш, базар.Айыылдыг хамчыктан аарывазы кижиниң бодундан кол хамааржыр. Чугула херек эвес болза, бажыңдан үнмес. Хөй кижилер чыылган черлерже барбас. Өске кижилерден 1,5-2 м ырак турар. Камгалал масканы, холл хавын кедер. Бажыңга келгеш, чемненир бетинде, холдарын эки чуур. Амы-хууда арыг-силигни сагыыры чугула. Сылдысчыгаш №25 (3512) июнь 23 солунундан алган. Белеткээн башкы: Нончат Б.О., 31 дугаар уруглар садының тыва дыл башкызы  ААРЫГДАН КАМГАЛАНЫЫЛ!  Ам бо үеде СОVID-19 аттыг халдавырлыг аарыг делегейниң чурттакчы чоннунуң сагыш-сеткилин дүвүредип турар. Девидеп, сүрээдеп коргуушкуннарга алыспайн корүңер! Уругларны баш бурунгаар бодунуң кадыкшылын камгалап, арыг-силигни шын сагыырын кыйгырып тур бис.  Сагыыр дүрүмнери:Хөй кижилерниң аайы-биле девидеп, сүрээдеп болбас. Аарыг халдавырлыг болганда маскаларны кедер. Школачыларның дыштанылгазы эгелээн дээш, чугула херек чок болза, кудумчу үнүп, черлер кезивес. Хөй-ниити черлеринче баарын шегледип, соксадыр болза эки. Холун үргулчу саваң-биле чуур. Чурттап олурар оран-савазының арыг-силиин тудар.  Бо дүшкүүрлүг уеде аарыг-аржык болдурбазы-биле, бодун шын алдынары болгаш арыг-силигни сагыыры эң кол. Кадык болуңар!Сылдысчыгаш №13 (3500) март 31 солунундан алган. Белеткээн башкы: Нончат Б.О., 31 дугаар уруглар садының тыва дыл башкызы Г  РИППТЕН, КОРОНАВИРУСТАНБОЛГАШ ОРВИДЕН КАМГАЛАН! Вирустар кайда-даа бар:  Вирустар каракка көзүлбес, эмин эрттир бичии, ону чүгле микроскоп дузазы-биле көрүп болур. Кажан аарып турар кижи чөдүрерге, азырарга, чугааланырга, чараазы-биле катай долгандыр тарап, чаштап турар; Кадык кижи ону тыныптар болза, база аарый бээр. Аарыгны канчаар халдадып ап болурул?  Эжик тудазы, стол, сандай, телефон, ойнаарак дээш оон-даа өске кадыг эдилелдерде чыпшына берген вирустан;Чунмаан хирлиг холдары-биле думчукка, ааска, каракка дээрге; Хол тутчуп мендилежип, куспактажып, чыттажырга. Аарывас дизе, чүнү сагыырыл? Аргалыг болза, бажыңындан үнмес; Бажыңга келгеш, дораан холдарын, арнын саваңнап чуур; Чемнениир мурнунда холун чуур; Б  ажың иштиниң арыг-силиин сагыыр.ДОЛГАНДЫР ХҮРЭЭЛЕЛГЕ ВИРУСТАР ИЙИ ШАК АЖЫР ДИРИГ ХЕВЭЭР ТУРАРЫН УТПАҢАР, УРУГЛАР! Сылдысчыгаш №14 (3501) апрель 7 солунундан алган. Белеткээн башкы: Нончат Б.О., 31 дугаар уруглар садының тыва дыл башкызы |