йоазув (1). Йоазон болх бу тетрадь
 Скачать 2.17 Mb.
|
|
Йоазон урок Урокаш № 1 Урока тема: Йоазон болх бу тетрадь Урока лоарх1ам: бераш йоазон болх беш хилча истола т1а мишта даг1а деза 1омадар; шариковый ручка бовзийтар а из бе мишта болл беза хьокхар; йоазон тетрада т1ара шувнашта теркам т1абахийтар; дешархой школацар а, дешарцар а йоазонцар а безам кхебар. Урока никъ I. Урока кийчо яр. 1. Дешар даькъал дувцаш ловца боаккх хьехархочо. 2. Берашка шоай йоазон тетрадаш истолаш т1а 1от1адохкийт, цу тетрада т1ара шувнашта теркам т1абохийт II. Хьехархочо дешархой йоазонцара безам сомабаргболаш къамаьл ду. Хьехархочо шера бе безаш болча балхах лаьца дувц. Хьалх д1адахача берий хинна йоазон тетрадаш д1ахьокха берашка. Классе хьалтеха долача «Нийса ваг1а йоазув деш» яхача плакатага хьожийт бераш. -Фу деш дохка бераш? - - Мишта даг1а бераш парташ т1а 1охайша? -Ручка малаг1ча бе болл цар? -Мишта лаьцаб цар из? Ишта з1амига долаш лораде деза шоай дег1. Цудухьа аз шоашка д1адувцачунга ладувг1аш, шоашка яхача тайпара нийса дег1а а кулга а оамал лелае еза. III. Йоазон тетрадаца болх бар. 1. Хьехархочо хьалхьокх ц1ена, хозача сурташца кийчдаь дола тетрадь. Белгалдоаккх, из хьадеш дуккхача наха къахьийгалга, баркал оал из иштта вайна кийча даьчан. Тетрадаш лораде дезалга, уж ц1ена леладе дезалга хьалхадоаккх. 2. Къамаьл ду йоазон тетрада т1ара шувнашта теркам т1абохийташ: - Миштаб хьалхара шув? (шера) - шоалаг1а бар?(готтаг1а) - шоана мишта хет малаг1ча шувна т1а г1олла язде деза? - Безам бе шуна язде 1омадала? - Ишта тахан санна г1оздаьнна, делаш, иразе бIаргаш долаш хилда шун дешар? IV. Сало1а минот: (хьехархочо ше хьалха а оалаш, д1ахьокх де дезар) Кулгаш лакхаг1а, Ца1, шиъ, кхоъ. Баламаш шераг1а, Диъ, пхиъ, ялх. Кога бухьара овтта, Bopxl, барх1, ийс. Шорттига 1оховша, Д1а-хьа делале. V. Школен г1ирс бовзийтар. XIара бер хьал а г1оттадеш, ц1и йоаккхийт. - Бераш, фу гу шоана? Ер ба школе оаш лелабергбола ручка. - Шоана бовзий ер ? - Малаг1ча бе болла беза ручка хьахьокхал? (XIара бер хьал а г1оттадеш, ц1и хьахьоккхийт.) Нийслу аьрдигаца ручка лелабераш а. Царга а д1ахьокха деза ручка нийса бе мишта болла беза. VI. 1адика ювц. Дешар даькъала дувц. Йоазон урок Урокаш № 2 Урока тема: Йоазон тетрада т1ара шувнаш Урока лоарх1ам: йоазон болх беш истола т1а мишта даг1а деза кердадаккхар; шариковый ручка мишта лела бе беза ч1оаг1дар; йоазон тетрада т1ара шувнашта теркам т1абахийтар; дешархой школацар а, дешарцар а йоазонцар а безам кхебар. Урока никъ I. Урока кийчо яр. Хьехархочо берашка шоай йоазон тетрадаш истолаш т1а 1от1адохкийт, цу тетрадашца болх бе безарах хом бу. Дешархошка тетрадаш, книшкаш, беррига школен г1ирс а т1аювха х1амаш а ц1ена а лораеш а лелае езарах дувц. -Шун дас нанас дуккха ахча а дехка ийцай шоана уж хьамаш шуга дешийта. 1аьдало е еррига парг1ато еннай шоана шох нах хилийта. Оаш фу де деза т1аккха шун даьш а 1аьдало а шо бахьан долаш деладер зехьа довргдоацаш? -Нийса йоах. Шоай беррига низ 1от1а а бахийта деша деза. II. Хьехархочо дешархой йоазонцара безам сомабаргболаш къамаьл ду. Хьехархочо тахан бе безача балхах лаьца дувц. Абата 4,5 оаг1ош т1арча суртех лаьца къамаьл дар XIара бер хьал а г1оттадеш, ц1и йоаккхийт. - Бераш, фу гу шоана? Ер ба школе оаш лелабергбола г1ирс. - Шоана бовзий ер г1ирс? Ц1ераш яхал акхар. - Мишта даг1а бераш парташ т1а 1охайша? - Бераш, ер дуккха книжкаш дола ц1а фу ц1а да? В1алла хиннадий шо цига? Вай школе а я библиотека. Из мичахьа йоал а цига д1а мишта язвайта веза вай хьожаргда гургал техача. III. Йоазон тетрадаца болх бар. Хьехархочо къамаьл ду йоазон тетрада т1ара шувнашта теркам т1абохийташ. Бераш хьалох йоазув де деза шувнаш а царна юкъера дараш а. Хьанз оаш йоазув де дезаш долча шувнашка къоалам чухьокаргба. Къоалам лакхера к1алха аьрдехьара аьттехьа 1охьекха безалга ала доаг1а дешархошка. IV. Сало1а минот: (хьехархочо ше хьалха а оалаш, д1ахьокх де дезар) Кулгаш лакхаг1а, Ца1, шиъ, кхоъ. Баламаш шераг1а, Диъ, пхиъ, ялх. Кога бухьара овтта, Bopxl, барх1, ийс. Шорттига 1оховша, Д1а-хьа делале. V. 1адика ювц. Дешар даькъала дувц. Урокаш № 3 Урока тема: Йоазон тетрада т1ара шувнаш. Урока лоарх1ам: йоазон болх беш истола т1а мишта даг1а деза кердадаккхар; шариковый ручка мишта лела бе беза ч1оаг1дар; йоазон тетрада т1ара шувнашта теркам т1абахийтар; дешархой школацар а, дешарцар а йоазонцар а безам кхебар. Урока никь I. Урока кийчо яр. - Дешархоша хьалдоах шоай книжкаш. - Хьехархочо шоаш уроках бергбола болх хьалхабоакх. I. Хьехархочо д1ахьокх 6, 12 оаг1ош т1ара сурташ - 6, 8, 9 оаг1ош т1арча суртех лаьца къамаьл дар. - Бераш, фу гу вайна укх сурта т1а? - Малаг1а ха я укх т1а вайна гур? - Миштад гонахьара 1 алам? - Массад 1ам т1а дена бер? - Фу деш доахк уж? - Сенна деза царна чкъаьрий? - Шо хиннадий ц1аккха а 1ам т1а? - Ц1ераш тахка берашта. - Берий ц1ераш а йоахаш хьабувца сурта чулоацам. I ам т1а Цхьан дийнахьа Ахьмади, Эсети, Мухьмади 1ам т1а бахар. Царга массанега а з1акаш да. Ахьмада боккха чкъаьра лаьцар. Хи чу бетта а луш улл из. Мухьмада к1ордадаьд хьежа. Ший з1ак хи чу а кхесса, гонахьарча 1аламга хьежаш ваг 1а из. Эсет ц1аяха кийчлуш я. Ц1айодаш баьца комараш яха а еза цунна. Кхоана юхабоаг1оргба уж 1ам т1а. III. Йоазон тетрадаца болх бар. Хьехархочо къамаьл ду йоазон тетрада т1ара шувнашта теркам т1абохийташ. Бераш хьалох йоазув де деза шувнаш а царна юкъера дараш а. Хьанз оаш йоазув де дезаш долча шувнашка къоалам чухьокаргба. Тахан къоалам к1алар лакхе аьрдехьара аьттехьа хьекхаргба. Оаш ши муг1а кхоачашбича т1аккха вай кхыъ къамаьл дергда. IV. Сало1а минот Бийнаш де, бийнаш даста - Ца1, шиъ, кхоъ. Кулгаш дила, хьокхаде - Диъ, пхиъ, ялх. Т1аккха шорттига т1оараш тоха - Т1арш, т1арш, т1арш. Когаш шорттига 1отоха - Дап, дап, дап. V. Школен г1ирс бовзийтар. XIара бер хьал а г1оттадеш, ц1и йоаккхийт. - Бераш, фу гу шоана? Ер я линейка. - фу ду укх линейкаца ? - Мишта лелае еза ер? Хьанз вай кхыъ к1езига болх бергба йоазон тетрада т1а. Йоазон тетрада т1а болх бар. VII. Урока корта бар. - Бераш, фу дийцар вай шуца тахан? VIII. Ц1аг1а бе болх балар: Шоашта ховчча тайпара ахкан сурт дила. 1адика ювц. Урок № 4 Урока тема: Нийса й1аьхе лоаце г1ажилгаш Урока лоарх1ам: йоазон болх беш истола т1а мишта даг1а деза кердадаккхар; ручка мишта лела бе беза ч1оаг1дар; йоазон тетрада т1ара шувнашта теркам т1абахийтар; нийса й1аьхе лоаце г1ажалгаш язъе 1омабар; дешархой школацар а, дешарцар а йоазонцар а безам кхебар. Урока никь I. Урока кийчо яр. - Дешархоша хьалдоах шоай тетрадаш. - Хьехархочо шоаш уроках бергбола болх хьалхабоакх. I. Хаьсий беш. Сурт д1а а хьекхе, 14-15 oaгloш хьаеллийт берашка. - Фу гу шоана укх сурта т1а? (Кха. Баьцадаараш чуэцаш боахка нах) - Фу ха я сурта т1а гойтар? (гуйре) - Малаг1а баьцадаараш гу шоана кхай т1а? - Шун беша малаг1а баьцадаараш даг1а? - Оаш малаг1а новкъостал ду беша даьшта - ноаношта? - Лохе дадача баьцадаарий ц1ераш яха. (Дешархошта ца довзараш д1адовзиита: беттадуаргаш (редиска), ябаюс, помидор, кабуц, бурак, к1ома сибац (горький перец), мерза сибаз (болгарка), хох, нарсаш, коартол) V. Сало1а минот: Корта лаккха хьалъайбе, Кулгаш т1ехьашка даха. Сих а ца луш, сабаре, Kloapггa даккха, бераш, са. Кулгаш айде, делале, Когабухьара овтта, Пхьагилгал мо кхувсале, Мекъал гаьнаяккха. III. Йоазон тетрадаца болх бар. Хьанз оаш йоазув де дезаш долча шувнашка ручкаца нийса г1ажилгаш а йоахкаш ши шув д1аязбергба. Мишта язде 1омадаьд аз шо? Мишта йоахкаргъя вай г1ажилгаш? ( Лакхера 1ок1ала) Оаш ши муг1а кхоачашбича т1аккха вай кхыъ къамаьл дергда. VI. Къамаьл шаьрдар. «Хаьсий беш» аьнна ц1и а енна, лоацца дувцар кхолл дешархоша, хьехархочо новкъостал а деш. V. Йоазон тетрадаца болх бар. Вай хьанз кхыъ ши шув нийса г1ажалгаш йоахкаргъя. VI. Урока корта бар. - Фу яздир вай тахан? - Хала болх баре оаш баьр? VII. Ц1аг1а бе болх балар: Шоашта ховчча тайпара «Хьаьсий беш» аьле ц1и а тилли сурт дила. 1адика ювц. Урок № 5 Урока тема: Зула й1аьхе лоаце г1ажилгаш. Урока лоарх1ам: йоазон болх беш истола т1а мишта даг1а деза кердадаккхар; ручка мишта лела бе беза ч1оаг1дар; йоазон тетрада т1ара шувнашта теркам т1абахийтар; зула й1аьхе лоаце г1ажилгаш язъе 1омабар; дешархой школацар а, дешарцар а йоазонцар а безам кхебар. Урока никъ I. Урока кийчо яр. Метта разминка: (хьехархочо хьалха а оалаш, дешархоша mleхьаоал) Зизалг даьннад баь т1а, Г1аддугаш дуне... Из хьа дац, из са дац: Из да массане! II. Ц1аг1ара болх тахкар. «Хьаьсий беш» яха сурт. Лоацца дувц цох. III. Керда тема. Тахан вай 1омалургда зула й1аьхе лоаце г1ажилгаш язъе. Аз шоашта тетрадаш т1а язъяьчан т1аг1оалла ручка хьоакхаш язъергья оаш ши муг1а. Лакхера к1ал 1очуяьзъеш. Са яраш санна зула хулийтаргья оаш г1ажамаш. Г1ажалгаш зулаялар нийса хургда шун тетрадаш нийса дадаш хуле. Хьара г1ажалг лакхера 1ок1алхьоакхаш болх бергба вай. Т1аккха царна юкъера юкъ цхьатара хила еза. IV. Йоазон тетрадаш т1а болх бар. Ши муг1 хьокхам т1а г1олле ши муг1 шоаш язбу дешархоша. V. Сало1а минот (хьехархочоа т1еххьа) Дехкий дайдда даьхкар - Ца1, шиъ, кхоъ. Масса сахьат даьннад хьежар — Диъ, пхиъ, ялх. Цици доаг1а 1ота1алаш - Ца1, шиъ, кхоъ. Сих а ца луш хьалг1овтталаш — Диъ, пхиъ, ялх. VI. Къамаьл шаьрдар. 1. Абата 18-19 оаг1ош хьаеллийт дешархошка. - Бераш, фу гу шоана сурташ т1а? - Ц1ераш яха шоашта презентаце т1а, книжка т1а гуча хьайбай. - Фу деш йоал говр? Фуй цунна юхе латтар. - Фу юъ хьайбаша? - Сенна лелабу етт? - Малаг 1а хьайбаш да шун? - Мишта хьож шо царга? VII. Йоазон тетрадаца болх бар. Вай хьанз кхыъ ши шув зула й1аьхе лоаце г1ажалгаш йоахкаргъя. VIII. Урока корта бар. - Бераш, фу дийцар вай шуца тахан? - Малаг1а коа леладу оалхазараш довз шоана? - Малаг1а коа т1ара хьайбаш довз шоана? IX. Ц1аг1а бе болх балар: ц1аг1а кхыъ ши шув яьзбергба оаш. 1адика ювц. Урок № 6 Урока тема: Нийса й1аьхе лоаце г1ажилгаш к1алхар д1ахьайза аьттехьа. Урока лоарх1ам: йоазон болх беш истола т1а мишта даг1а деза кердадаккхар; ручка мишта лела бе беза ч1оаг1дар; йоазон тетрада т1ара шувнашта теркам т1абахийтар; нийса й1аьхе лоаце г1ажилгаш к1алхар д1ахьайза аьттехьа язъе 1омабар; дешархой школацар а, дешарцар а йоазонцар а безам кхебар. Урока никъ I. Урока кийчо яр. Метта разминка: (хьехархочо хьалха а оалаш, дешархоша mleхьаоал) Ж1али даим цисках лет, Г1ажо котама з1ок етт... Хьо-м г1аж яц, Хьо ж1али дац, Хьога, нанилг, Латар тац! II. Ц1аг1ара болх тахкар. Хьехархо берий ц1аг1а даьча йоазошка хьож, т1аккха хьагулду тетрадаш. Ше кечдаьраш д1адекъа. III. Керда тема. Тахан вай 1омалургда нийса й1аьхе лоаце г1ажилгаш к1алхар д1ахьайза аьттехьа язъе. Аз шоашта тетрадаш т1а язъяьчан т1аг1оалла ручка хьоакхаш язъергья оаш ши муг1а. Лакхера к1ал 1очуяьзъеш. Са яраш санна нийса хулийтаргья оаш г1ажамаш. Г1ажалгаш нийса хургья шун тетрадаш нийса дадаш хуле. Хьара г1ажалг лакхера 1ок1алхьоакхаш болх бергба вай. Т1аккха царна юкъера юкъ цхьатара хила еза. IV. Йоазон тетрадаш т1а болх бар. Ши муг1 хьокхам т1а г1олле ши муг1 шоаш язбу дешархоша. IV. Сало1а минот: Цхьан минота г1овтта, К1аьддалар д1адаккха, Сих а ца луш, к1оарга Шозза а кхозза а даккха са. Кулгаш юкъа т1а оттаде, Когаш шepaгla оттабе. V. Къамаьл шаьрдар. VI. Йоазон тетрадаца болх бар. Вай хьанз кхыъ ши шув нийса й1аьхе лоаце г1ажилгаш к1алхар д1ахьайза аьттехьа йоахкаргъя. VI. Урока корта бар. VII. Ц1аг1а бе болх балар: ц1аг1а кхыъ ши шув яьзбергба оаш. Урок № 7 Урока тема: Нийса й1аьхе лоаце г1ажилгаш к1алхар хьахьайза аьрдехьа. Урока лоарх1ам: йоазон болх беш истола т1а мишта даг1а деза кердадаккхар; ручка мишта лела бе беза ч1оаг1дар; йоазон тетрада т1ара шувнашта теркам т1абахийтар; нийса й1аьхе лоаце г1ажилгаш к1алхар хьахьайза аьрдехьа язъе 1омабар; дешархой школацар а, дешарцар а йоазонцар а безам кхебар. Урока никъ I. Урока кийчо яр. Метта разминка: (хьехархочо хьалха а оалаш, дешархоша mleхьаоал) Ж1али даим цисках лет, Г1ажо котама з1ок етт... Хьо-м г1аж яц, Хьо ж1али дац, Хьога, нанилг, Латар тац! II. Ц1аг1ара болх тахкар. Хьехархо берий ц1аг1а даьча йоазошка хьож, т1аккха хьагулду тетрадаш. Ше кечдаьраш д1адекъа. III. Керда тема. Тахан вай 1омалургда нийса й1аьхе лоаце г1ажилгаш к1алхар хьахьайза аьттехьа язъе. Аз шоашта тетрадаш т1а язъяьчан т1аг1оалла ручка хьоакхаш язъергья оаш ши муг1а. Лакхера к1ал 1очуяьзъеш. Са яраш санна нийса хулийтаргья оаш г1ажамаш. Г1ажалгаш нийса хургья шун тетрадаш нийса дадаш хуле. Хьара г1ажалг лакхера 1ок1алхьоакхаш болх бергба вай. Т1аккха царна юкъера юкъ цхьатара хила еза. IV. Йоазон тетрадаш т1а болх бар. Ши муг1 хьокхам т1а г1олле ши муг1 шоаш язбу дешархоша. V. Сало1а минот: Цхьан минота г1овтта, К1аьддалар д1адаккха, Сих а ца луш, к1оарга Шозза а кхозза а даккха са. Кулгаш юкъа т1а оттаде, Когаш шepaгla оттабе. VI. Къамаьл шаьрдар. VII. Йоазон тетрадаца болх бар. Вай хьанз кхыъ ши шув нийса й1аьхе лоаце г1ажилгаш к1алхар хьахьайза аьрдехьа йоахкаргъя. VIII. Урока корта бар. IX. Ц1аг1а бе болх балар: ц1аг1а кхыъ ши шув яьзбергба оаш. Урок № 8 Урока тема: Й1аьхе лоаце г1ажилгаш шодана хьисапе. Урока лоарх1ам: йоазон болх беш истола т1а мишта даг1а деза кердадаккхар; ручка мишта лела бе беза ч1оаг1дар; йоазон тетрада т1ара шувнашта теркам т1абахийтар; нийса й1аьхе лоаце г1ажилгаш шодана хьисапе язъе 1омабар; дешархой школацар а, дешарцар а йоазонцар а безам кхебар. Урока никъ I. Урока кийчо яр. Метта разминка: (хьехархочо хьалха а оалаш, дешархоша mleхьаоал) Сихаоаларг: Къа хьийгад - КIа хьийкъад! (массайттаза, т1ехь-т1ехь сих алуш) II. Ц1аг1ара болх тахкар. Хьехархо берий ц1аг1а даьча йоазошка хьож, т1аккха хьагулду тетрадаш. Ше кечдаьраш д1адекъа. III. Керда тема. Тахан вай 1омалургда нийса й1аьхе лоаце г1ажилгаш шодана хьисапе язъе. Аз шоашта тетрадаш т1а язъяьчан т1аг1оалла ручка хьоакхаш язъергья оаш ши муг1а. Лакхера к1ал 1очуяьзъеш. Са яраш санна нийса хулийтаргья оаш г1ажамаш. Г1ажалгаш нийса хургья шун тетрадаш нийса дадаш хуле. Хьара г1ажалг лакхера 1ок1алхьоакхаш болх бергба вай. Т1аккха царна юкъера юкъ цхьатара хила еза. IV. Йоазон тетрадаш т1а болх бар. Ши муг1 хьокхам т1а г1олле ши муг1 шоаш язбу дешархоша. V. Сало1а минот: Цхьан минота г1овтта, К1аьддалар д1адаккха, Сих а ца луш, к1оарга Шозза а кхозза а даккха са. Кулгаш юкъа т1а оттаде, Когаш шepaгla оттабе. VI. Къамаьл шаьрдар. VII. Йоазон тетрадаца болх бар. Вай хьанз кхыъ ши шув нийса й1аьхе лоаце г1ажилгаш шодана хьисапе йоахкаргъя. VIII. Урока корта бар. IX. Ц1аг1а бе болх балар: ц1аг1а кхыъ ши шув яьзбергба оаш. Урок № 9 Урока тема: Боккха гом з1амига гом. Урока лоарх1ам: йоазон болх беш истола т1а мишта даг1а деза кердадаккхар; ручка мишта лела бе беза ч1оаг1дар; йоазон тетрада т1ара шувнашта теркам т1абахийтар; боккха гом з1амига гом язбе 1омабар; дешархой школацар а, дешарцар а йоазонцар а безам кхебар. |