16-желтоқсан (1). Туелсіздік
 Скачать 46.5 Kb.
|
|
Балалар безендірілген залға кіреді. Дөңгелене тұрады. Жүргізуші: Құрметті ұстаздар, кішкентай бүлдіршіндер, бүгін біз дүниені дүр сілкіндірген, тәуелсіздік туын алғаш көтерген әйгілі 1986 жылдың желтоқсанына арналған «Елімнің еркіндігі - тәуелсіздік»атты ертеңгілігімізді өткізбекпіз. Мұз жастанып азаматтық жолында, Тәуелсіздік туы тұрды қолында. Жеңіп шықты, бас имеді, қасарып Сойыл таяқ ойнаса да жолында Желтоқсан - ау, ұмтылмайсың жүректе Ұрпақ өсер айналатын тірекке Егемендік тиді міне еншіме Желтоқсаным, жеткіздің ақ тілекке. Тәуелсіздігіміз баянды болсын дей отырып, кішкентай бүлдіршіндеріміз ертеңгілікті ән ұранмен ашады. Әнұран айтылады. Жүргізуші: Асем: Айнымайды аспаннан Біздің тудың бояуы Оны халық қашанда Биікке іліп қояды Диас: Қатар шапқан қос тұлпар Ай астында қазақ үй Қалықтаған жас сұңқар Шарықтаған таза күй Елтаңбасы елімнің Елдігімнің белгісі Айша Ән ұраным, жан ұраным Айтар әнім, айтар сөзім Туған жерім сағынарым Жүрсем егер дүние кезіп Жеке ән: Менің Отаным Орындайтындар: Алтынай, Диас, Әсем, Бақдаулет, Айғаным Би: «Батырлар»Мейірлан, Бекжан, Диас Мерейім 16 - желтоқсан Тәуелсіздік алған күн Мерекеде ел қуанып Шаттанып ән салған күн Бақдаулет: Тегеурінді соққыларды жайратқан Ақша қарда судай ақты қайнап қан Қайдан білсін қызбаланған ерлерім Айырларым Ләззат, Ербол, Қайраттан Балалар мұндағы суретте желтоқсан құрбандары. Осы аға, апаларымыздың арқасында егемен ел болып, көк туымыздың байрағы желбіреді. Ләззат, Ербол, Қайрат, Ербол апа – ағаларымызға 1 – минуттық үнсіздік жариялайық. Айғаным: Алып дүлей күштің зәре ұшқынын Алаулатып жылатты бір қыс күнін Сабирадай қайран қара көздерім Тастағанын елге ерлік ұшқынын Хор: Желтоқсан желі. Әділ: Жасасын азат ерлік күн Жасасын бейбіт елмен жер Бостандық алған қазақтың Мәртебесін көрсін ел Би: «Орыс» Алтынай, қымбат, Райхан, Айша Нұрдаулет: Отан - деген ұлы ана Отан деген ғұлама Мен ғана емес атамда Перзенті екен Отанға Мейірлан Н Аялап ару ананы Өсірген еркін баланы Бесігін бөлеп тербеткен Отаным қазақстаным Би: «Украйын»Мейірлан - Әсем, Досжан - Айгерім, Сайлау - Әмина Хор «Ел қорғауға әзірміз» Қымбат: Тәуелсіздік таңнан түскен ақ сәуле Тәуелсіздік бақыт сенде бақ сенде Қарқындайды қариялар қашанда Жарқылдайды жарық шашып жас кеуде Әйкерім: Бәз жас – ұлан отан өркені Үміт артқан болашағы ертеңі Тәуелсіз елдің даңқын көкке өрлетіп Гүлге бөлетіп жайнатамыз өлкені Хор «Солдат болам мен ертең» Осымен тәуелсіздік күніне арналған Гүлдер тобының ертеңгілігі аяқталды, көңіл бөліп тыңдағандарыңызға рахмет. Қазақстанымыздың көк байрағы желбіреп, еліміз тыныш, жұртымыз аман болсын. 16 желтоқсан – Тәуелсіздік күніне арналған «Тәуелсіз елім - Қазақстаным» ертеңгілік сценариі Мақсаты : 1. Білімділігі: Балалардың бойында Қазақстанның өткені мен бүгінгі өмірін салыстыра отырып, өз еліміздің даму тарихы туралы танымдарын қалыптастыру. Ұлттық сана сезімін, саяси сауаттылығын ояту. Тәуелсіздік күні туралы терең мағлұмат беру. Тәуелсіздік үшін күрескен, желтоқсан құрбандарын еске түсіріп, желтоқсан құрбандарының ерлігі жайында түсіндіру. 2. Тәрбиелігі: Қазақстанның болашақ дамуына өзіндік үлес қосатын жеке тұлға екендерін ұғындыру. Қоғамның бір мүшесі ретінде адам өмірі мен жақсы тұрмыстық құндылықтарын ұғындыру, жауапкершілік сезімдерін ояту. Оқушыларға патриоттық тәрбие беру, Отанды сүюге және ерлікке баулу. Желтоқсан оқиғасында ел қамын жеген ерлерді үлгі тұту, өнеге алуға және халқының тарихын білуге үйрету, достыққа, ұйымшылдыққа тәрбиелеу. 3. Дамытушылығы: балалардың өткен тарихқа деген қызығушылығын ояту. Көрнекілігі: 1. Қазақстан Республикасының мемлекеттік рәміздері: Туы, Елтаңбасы, Әнұраны, Н.Ә. Назарбаевтың портреті, слайд, желтоқсан құрбандарының суреті. Жалаушалар. 2. Нақыл сөздер жазылған плакаттар. 3. Шарлар, гүлдер, музыкамен жабдықталған. Тәрбиеші сөзі: Сәлеметсіздер ме, құрметті қонақтар, ұстаздар және балалар. Біздің тобымыздың"Тәуелсіз елім – Қазақстаным” атты ертеңгілігіне қош келдіңіздер! -Бүгін біз Қазақстанымыздың Тәуелсіздік алған күнін тойлағалы отырмыз. Бәрімізге мейрам құтты болсын!!! «Күншуақ» тобы мен «Балауса» топтарының ертеңгілігін бастауға рұқсат етіңіздер. Балалар ән ырғағымен залға кіреді. Әнұран айтылады. Сәлемдесу рәсімі Тәрбиеші сөзі: Біз тәуелсіз елдің түлегі болғанымызға шексіз қуанамыз. Біздің отанымызды әлем таныды. Осы сәтте Отан туралы еріксіз ойға берілесің. Бұл ұғымның аясы кең. Отан – далаң, орман, тауың, ауылың мен астанаң. Отан әр жұмыр басты пенденің киелі мекені, жер басып жүрген әр тіршілік иесінің шексіз байлығы. Тәй-тәй басқан нәресте де, еңкейген қария да оның бір мүшесі. -Біздің балаларымыз «Отан» туралы өлең айтып берсін. Тәрбиеші сөзі: Қазіргі кезде сендер ашық аспан, жарық күн сәулесі түсіп тұрған мемлекетте өмір сүріп жатырсыңдар. Қазақ халқы еркіндікке жету үшін қаншама қиын – қыстау кезеңдерді бастан кешірді. Мыңдаған жылдық тарихы бар. Ал, 1986 жылғы оқиға халықтың есінде мәңгі сақталады. 16 – желтоқсанда қазақ жастары Орталық алаңға шығып, Қазақстан тәуелсіздігін талап етті. Бұл күн - Қазақстан тарихында тәуелсіз Қазақстан Республикасының туған күні деп алтын әріппен жазылды. Сондықтан да желтоқсан бүкілхалықтық мереке. - Балалар, біз осы тәуелсіздікке оңайлықпен қол жеткізген жоқпыз. Оның бір көрінісі желтоқсан оқиғасы. Желтоқсан оқиғасында ерен ерлігімен көзге түскендер өте көп, солардың бірі – Қайрат Рысқұлбеков. Ол қыршын жасын қиды. Оған үлкен айып тағылды. Ерлігіңе қуанам да, сүйінем, Қайрат аға рухыңа мен иілем. Бәйшешектің солғанына ах ұрсам, Әділ жанның қазасына күйінем. Қазір сіздердің назарларыңызға желтоқсан оқиғасында әділдік үшін күрескендердің бірі – Қайрат Рысқұлбеков, ендеше Қайрат жайындағы көріністен үзінді тамашалаңыздар. КӨРІНІС Тәрбиеші сөзі: Осыдан 20 жыл бұрын, яғни 1986 жылы Алматының бас алаңына жастар жаман оймен барған жоқ. Олар бейбіт жолмен тәуелсіздікке қол жеткізу үшін қатысқан. Енді міне, осы желтоқсан көтерілісіне қатысқан ағаларымыз бен апаларымыздың арқасында ата-бабаларымыз үш ғасырға жуық уақыт бойы армандаған тәуелсіздікке қол жеткіздік. Бас алаңда ел жосқан, Жастар қаны жуған түн. 16 желтоқсан- Тәуелсіздік туған күн! -Міне, балалар, бүгінгі таңда Қазақстан тәуелсіз мемлекет. Біздің өзіміздің туымыз, елтаңбамыз, әнұранымыз бар. Егеменді Қазақстан мемлекетіміз. Сендер Отанымыздың ұрпақтарысыңдар. Жақсы оқып,үлгілі, тәртіпті болыңдар. Өз елің мен жеріңді көркейтіп, қазақстанның намысын қорғайтын келешек ұрпақтың ақылшысы, тірегі сендер болмақсыңдар. -Енді балалардың тәуелсіздік мейрамына жаттаған тақпақтарын тыңдайық. (балалар тақпақтарын айтады) Тәрбиеші сөзі: -Енді бір ойын ойнап жіберейік. Ойын: «Күш сынасу» Тәрбиеші: біздің балаларымыз «қара жорға» биін билеп берсін. Би: «Қара жорға» Тәрбиеші: Отан туралы өлең оқып беру «Болса екен қазақ баласы» Ертеңі өсіп елімнің Сабырлысы болса екен Ар-ұятты айбатты Азулысы болса екен Батыл, берік орнықты Байсалдысы болса екен Алғыр, зерек, мейрімді Ақылдысы болса екен Тапқыр, шешен талапты Өнерлісі болса екен Ойшыл, өткір, дарынды Білімдісі болса екен Сергек, іскер, сезімтал Саналысы болса екен Парасатты намысты Отаншылы болса екен Болса екен қазақ баласы Ел ішінде өсетін «Қайсарлығы қалтқысыз Махамбет қой» – десетін Ізгіліккке леп едім Жақсылыққа сеп едім Тәуелсіз елдің ертеңін Осылай көрсем деп едім - деп осындай отаншыл бүлдіршіндеріміз аман – есен өсе берсін. Олай болса балалар, «Отан» әнін бірге тамашалайық Ән: «Отан» Тәрбиеші: Ал құрметті қонақтар осындай әдемі тілектермен, әндерімізбен бүгінгі ертеңгілігімізді аяқтаймыз. Сіздерге тағыда мейрамдарыңыз құтты болсын. Аспанымыз ашық болып, Қазақстанымыз гүлдене берсін! Тақпақтар Қайраттай қайсар ұлдардың Жанымен келген еркіндік Жазира мен ляззаттың Арымен келген еркіндік Қасірет пен қайғының Бәрімен келген еркіндік Он алтыншы желтоқсан Ел мерейі тасыған Қазақ деген қалың жұрт Бәрін кешті басынан Әр қазақтың есінде сақталады Желтоқсандық өрендер ақталады Ел намысын қорғаған сарбаздарым Ерліктерін мәңгілік сақталады. Он алтыншы желтоқсан Тәуелсіздік алған күн Ерекше боп мәңгілік Ел жадында қалған күн Көк аспанда тулардың Желбіреген күні - бұл, Елім деген ұлдардың Елжіреген күні - бұл. Елдігімнің – реңі, Тендігімнің – тірегі Мүддесінен халықтың Ажырамас бір елі. Алтын заңым – арай таным! Әділеттің ұраны, Ақиқаттың шырағы. Тыныштықтың туы боп, Зор салтанат құрады. Тәуелсіздік мәңгілік сақталсын, Алдымызда барлық үміт ақталсын Тату – тәтті бірлік болып қашанда Бейбіт өмір бар халықпен жақталсын. Енді міне біз тәуелсіз ел болдық Басқалармен терезесі тең болдық Әрқашанда біз дайынбыз тайсалмай Отан үшін болуға да құрбандық Дүбірлетсін өңірді Дүбірлесін дүлділі. Қазақ деген елімнің Құтты болсын бұл - күні! |