Открытый урок по мокшанскому языку. Кенярдемань Тюрькина. Урок Существительнайсь
 Скачать 32.8 Kb.
|
|
Кенярдемань урок «Существительнайсь» темать коряс (5-це класса мокшень кяльса и литератураса) Аноклазе мокшень кялень и мордовскяй литературань Малав велень школань тонафтысь В.И. Тюрькинась Цельхне: -проверямс и кърхкалгофтомс тонафнихнень содамошиснон «Существительнай» темать коряс; -кемокстамс маштомашиснон мушендома существительнайхнень текстса; - касфтомс логическяй мышленияснон; - маштомс азома эсь мяльснон-арьсемаснон; - виияфтомс кельгомаснон мокшень кяльти. Урокть молемац I. Орг. пялькссь - Шумбратада, шабат! Кенярдян тинь няемс. Тячиень уроконьке кармай улема аф прокс стама, кодамот улендсть тяда инголе. Тячи минь етафтама Кенярдемань урок (урок радости). И мялезе сонь ушедомс налхкомаса (игрой). Согласитесь, Игра приносит много радости… Доскаса валхт ( Кенярдема- радоваться), (радостный - кенярдемс) , (кеняртьф -радость)
Вешк паранц: кепотьксонди: кенярдема –радость- сущ. А тяни азость, кодама валхнень мархта минь тячи урокса карматама покодема? Виде, существительнай валхнень мархта. А тяни кулхцондода аф оцю азкс.(ПРИТЧА) Фкя од ломанць сась мудрецти (смузю ломанти) и мярьгсь: «Мон эрь шиня, кода Тинь мярьгондеде, азонкшнеса валрисьмоть: «Мон примсеса кенярдемать эсь эряфозон, но кенярдема монь эряфсон аш». Кулхцондомок од ломанть, Мудрецсь путсь цёрать инголи куцю, кружка, штатолня и мярьгсь: «Азк сянь, мезть эздост тон сяволеть». Арьсемок, цёрась отвечась: «Куцють». Тяда меле мудрецсь мярьгсь азомс тя валть ветексть. «Мон сявса куцють»,- азозе ветексть. «Няйсак», -мярьгсь мудрецсь, азонкшнек хъть тёжяньксть шити, сон сяка аф арай ярхцамбялькс. Эряви… А мезе эряви? Венептемс кядь и сявомс куцють. Вага тячи тейнть эряви венептемс кяденте, сявомс эсь содамошинтень и нолдамс тевс эрь кодама заданиянь тиемста, лиякс мярьгомс, тиемс тев. А тевда тячиень уроксонк аф кържа. А тевонь тиемста тейнек лездыхть валмуворксне: 1. Радость молодит, а горе старит ( 2. От радости и старики молодеют. 3. Кто не богат, тот и рублю рад 4. Где нет любви, там нет и радости. 5. Кто чужой радости не рад, тот сам себе враг. Панжесть тетрадентень, сёрмадость тячиень числать и темать. Тиемок эрь кодама заданиятнень, васенда проверясаськ теоретическяй материалть. II. Основной пялькссь 1.Теориянь минутаня. Да- весть кядень цяподема, аф- прянь шерьфтема Существительнайсь-корхтама пялькс Существительнайсь- аф полафневи корхтама пялькс Существительнайсь няфти предметонь признак Существительнайсь валрисьмоса моли подлежащайкс и дополнениякс Существительнайть улихть сравнениянь степененза Существительнайхне отвечайхть мзярда? кизефксти Существительнайсь… 2. Выборочнай сермадома Заданиясь: сермадомс стихотворениянь пакшнень эзда существительнайхнень и азомс кодама признак няфтихть. Шудезь шудихть нармонь морхне- Учсеф шисна тага сась. Тарадсь тарадть мархта корхни, Эсост наряжай тундась. (А. Ежов) Вели азоркс сась тундась, Тялоть сакалда кундась. Вихца атять эса пани, Акша оронц гасни манись. (В. Брындина) Тяса, тоса пиже нарнясь, Тундань шити пижелгодсь. Ляй търваса туста кальнясь Пиже парьхцикс мъзолгодсь. (М. Безбородов) Шись ни весяласта палы, Ловти пезфни толонь сартт, И кудбрянь эрь крышать алу Эйзюротнень повфнесь мартсь. (М. Имяреков) Ватт, жаворонкась вяри тусь, И менельть сатомс ерай, Сон паваз вяри куцезь мусь, Шинь валдти моронц морай. (П. Торопкин) 3. Максф корхтама пялькснень эзда тиемс существительнайхть. Ваномс, видемс, нюрямс, крхка, кувака, стака, сур, атя, карамс, кядь, аськолдамс, инези, марь . 4. Стихотворният мокшень кяльть колга 5. Налхкома «Кие сяда курок». Кочкамс и тиемс валхнень эзда сложнай и парнай существительнайхть. Куд, мода, скал, сюк, азор, марь, вай, пря, стирь, шаба, вирь, ава; Акат-, миртть-, стирьхть-,атят-, -ърьват-, -сазорхт, -церат, - бабат, Куцюфт-, кит-, -шаванят, -ятт 6. Поладость валрисматнень алу максф валхнень мархта. Лозь лозняй тячи … .Чак-чак чакай сери шуфта пряса…. Чух-чух чухнай вокзалть маласа… . Аф ичкозе жоль жольдерди …. Оцю толмарть эса цятор цятордыхть коське…. Пильгала моцор моцорды тячи праф ловсь. Валхне: ловсь,шякшатась, пиземсь, паровозсь, тараттне, ляйсь, 7. Текстть эзда мумс существительнайхть и тиемс тейст морфологиянь разбор. Шись лиссь вирть вельхксс, и валдомсь летьке шобданясь, конань потмос вайсесть куттне, вирсь. Валда сюролдатне валозь марнек перфпяльть. Ушеса сетьмоль. Аф кунара лоткась сетькязь сетькяй пиземнясь. Васенцеда тя тундать лямбе шобдавац. Тяфтама улендсь аньцек Очижить перьфкя. Тёждя пиземнясь штазь штазе и урядазе сембе перьфпяльть: солась ърдазу ловсь, кати-ков юмасть-тусть мастор лангста мелянь кархчне . Кати-коста ичкозде уи качамнять пачк няевсть келунятнень виде акша ронгсна. Пизем ведьса пезф прясна исть коське, бъта сералхт нюрьгсть начка тараттне. Велева таргаф лоткть тървава каршезост стясть сери эчке кальхне. 8. Исследовательскяй тевсь «Существительнайхне сиде мороняса» Гаромнист,гармонист, Морак сиденяста. Ордашненди, нолатненди Етксонок аш васта. Минь кштитяма- моратама Тячи ялгань келеса, Лацонк весяла стирнят Аяш лия велеса. Пяк кунара ашелень Шачем-касом ширеса. Ожу, пяконя кшитян Велень оцю пирняса. Тячи видян суроня, Ванды видян снавня. Минценнь гармонистоньконь Коняняц кудрявня. Морань,морань топодемс Сяда тов аш мялезе. Ялганяне,полафтомасть, А то каладсь кямозе Сембе оцю тевоньконь Тиендьсаськ минь марняса. Вов и тонафнема кизось Етни кепотьф мяльняса. III.Обобщениясь. Мезень колга тячи корхтаме урокса? Азость эсь мялентень урокть коряс, мольфтемок сяда тов валрисьмотнень: 1. Ульсь интересна … (СЯС МЕС УРОКСЬ КАНДСЬ ЛАМА КЕНЯРДЕМА…) 2. Тейне мяляфтовсь… 3. Мон тиендень тяфтама заданият … 4. Мялезе … А монь мялезе аделамс Кенярдемань урокть тяфтама арьсемаса тяда сярятькшне мъзярдонга кодамовок урмаса пеетькшнеда сиденяста перьфпяльти и валда шиняти казендеда кенярдема мала ломанентенди и ялгантенди маштода кеняртькшнема эряфти эряда павазуста ару менель ала 5. И надиян, што кенярьфттядязь цебярь отметкаса VI. Кудонь тевсь. Сермадомс аф оцю сочинения «Монь тядязе» темать коряс, нолямок тевс существительнайхнень. |