6-сурет. Көмейдің тыныс алуы мен тыныс шығарудағы қалыпты жағдайы
Көмейдің қабырғасы үш қабаттан тұрады: шырышты, фиброзды шеміршекті және дәнекер тінді. Шырышты қабат көп қатарлы жыбырлағыш кілегеймен қапталған. Шеміршекті қабат гиалин және серпімді шеміршектерден тұрады. Шеміршектер дәнекер тінмен тығыз қапталып, көмейдің қаңқасы қызметін атқарады. Көмейдің бұлшық еттері көлденең жолақты, олардың қызметі адам еркіне бағынышты болады. Бұлшық еттер атқаратын қызметіне байланысты дыбыс қуысын тарылтатын, кеңейтетін және дыбыс сіңірін қатайтатын болып бөлінеді. Дыбыс қуысын кеңейтетін: жүзік-ожау, қалқанша-ожау, көмекей үсті-ожау, көлденең, қиғаш ожау тәрізді бұлшық еттер. Дыбыс қуысын тарылтатын бұлшық еттер: артқы жүзік-ожау жұп бұлшық еті. Дыбыс сіңірін қатайтушы бұлшық еттер: жүзік-қалқанша және дыбыс бұлшық еттері.
|
Скачать 2.57 Mb.