Критерии оценивания по чеченскому языку. Критерии оценивания по чеч яз. Мах хадоран г1ирсийн фонд. Мхг1Ф
 Скачать 0.49 Mb.
|
|
Хаарш талларан болх №1. А. 1. Билгалдаккха дешхьалхенан г1оьнца кхолладелла дош. 1) веара 2) веъна 3) схьавеара 4) вог1у 2. Билгалдаккха суффиксан г1оьнца кхолла ца делла дош. 1) дешар 2) вотанча 3) хехо 4) мохк 3. Дешан хийцалуш долу дакъа … ду. 1) суффикс 2) дешхьалхе 3) чаккхе 4) орам 4. Нилха-бохучу дашна антонима карае. 1) дукха 3) луьста 2) лекха 4) хаза 5. Къастаде дешнийн ч1аг1делла цхьаьнакхетар. 1) корта лозу 3) корта оллийна 2) корта д1атуьйхира 4) боккха корта 6. Билгалдаха цхьаллин терахьехь бен ца лела ц1ердешнаш. 1) буц, стигал, бутт, 2) хьонка, яхь, десте, 3) стаг, к1ант, буо. 7. Схьакъастаде дукхаллин терахьехь бен ца лела ц1ердешнаш. 1) нах, адамаш, бахамаш, 2) седарчий, дог1маш, мехкарий, 3) йовхарш, диларш, чуьйраш. 8. Муьлха ц1ердош ца доьду 3-г1а легар чу. 1) хи 3) йиша 2) ваша 4) мача 9. Нисде г1алат. 1.) Ц1.д. мила? х1ун? 3.) К.д. хьаьнга? стенга? 2.) Др.д. хьенан? стенан? 4.) Дс.д.хьанал? стенал? 10. Ялийначу предложенин г1рамматически бух гайта. Гуьйренан мохо техкадора къона синтарш. 1.) синтарш техкадора 2.) мохо техкадора 3.) гуьйренан мохо 4.) къона синтарш Б. 1. Варшахь мангал хьокхуш воллура воккха стаг. 2. Хи чохь зока а, т1уо чохь кхийран гуьмалк а, юург юкъахьарчийна шаршун шед а цо кхуран 1индаг1ехь битинера. 3.Тебаш, кхура к1ел деара цхьогал.4. Гуьмалка… хьожа а яьккхина, корта цу чу боьллира цо. 5. Г1аддахана т1о бууш доллура цхьогал. 6. Мац а вела, кхура к1ел веара воккха стаг. 7.Т1о бууш доллучу цхьогал… б1аьрг кхийтира цуьнан. 8. Т1екхетта схьалецира цо иза. 9. Цхьогал… корта т1уох буьзна к1айн бара. 10. Бета… мотт хьоькхура цо. 11. Воккхачу стаг… куллан кондарх д1адихкира цхьогал. 12. Сарралц мангал а хьаькхна, ц1а ваха кечвелира иза. … 1.Т1адамийн метта яхказа йисина чаккхенаш яхка. 2. Муьлхачу предложенехь воккхачу стагана гучуделира цхьогал? 3. Билгалъяха буха сиз хьаькхначу ц1ердешнийн классаш. 4. Дийцар чекхдаккха. Талламан диктант №2. Нана-Даймохк. Бийцина ца валлал, хаза, беркате мохк бу вайн. Тайп-тайпана дитташ долу хьаннаш ю, шера аренаш, лекха лаьмнаш. Чухьаьжча, юьхь-сибат а гуш, бухдуьйлу сирла шовданаш. Исбаьхьа чухчареш ю дешица, детица кхелина. Дитта т1е олхазар хуу. Цо вайга дагара дуьйцу, шен зевне аз вайн дегнех а хьерчош. Т1аккха ойла кхоллало: «Ма хаза а, ма зевне а бу-кх хьо, Нана-Даймохк,»-олий. Иштта вайн мохк хаза, токхе хиларна деха вайца и тайп-тайпана олхазарш. Бес-бесара бецаш ю, шеца олхазаршна дез-деза х1у а долуш. Стоьмаш бу: кхораш, комарш, стеш, хьармакаш (шиповник)… . Уьш олхазарийн даарш ду. Адамаша олхазарийн 1уналла дан деза. 1ай арахь яах1ума а латтош, дитташ т1е гуйш а (кормушка) ухкуш… (113дош. С.-М. Гелагаев. «Олхазарийн дуьне-сан дуьне.») Грамматически т1едиллар. Морфологически таллам бе. 1-ра вариант. 2-г1а вариант. 3-г1а вариант. Хаза (мохк) Шера (аренаш) Олхазарийн (даарш)  Талламан диктант №3. …Б1е ткъа километр некъ хьалхалецира автобусо. Х1ара ткъе ворх1азлаг1а вог1уш вара кху новкъа. Т1аьххьарчу ворх1-барх1 шарахь-м шера асфальт биллинчу новкъа атта йоьдура автобус. Цо делкъале кхачавора Семёновке. 1одо кхоьссича санна йоьдура и, некъа йистера ялташ ягаръеш. Кхунна х1ора колл евзара кху новкъахь. Колл-м ян а яцара. Аьхкенан малхо къиза ягийна, хьакхаделча куьйга хадор долуш, нилха яьлла йоца ира буц яра. Цхьа 1индаг1 а дацара б1аьрго ма-лоццу д1а, анайистах хотталучу, шерачу, ялта эрина ч1анаяьллачу арахь. Аренна т1е йижинчу йовхонан юькъачу тоьвнан тулг1еш хедош йоьдучу автобус чу довха х1о детталора.88 Шовзткъе пхоьалг1ачу шарахь кхо г1аш бинарг бара х1ара. Х1етахь-м х1ара берриге а г1амаран бара. Ког баьккхича, мачаш къайлайовлура а багош, чуьра когаш а багош… (112дош. Яшуркаев С. “Маьрк1аж-бодан т1ехь к1айн хьоькх.») Т1едахкарш. 1. Буха сиз хьакха билгалдешнашна а, терахьдешнашна а. 2. Морфологически таллам бе. 1-ра вариант. 2-г1а вариант. 3-г1а вариант. Ткъе ворх1 ворх1-барх1 (шо) керла (ло) Талламан болх№4. Т1едиллар №1. Дешнашца д1аязде терахьаш. 19, 39, 40, 59, 60, 80, 100; 234,567, 789, 999; 12357, 34568, 555678. Т1едиллар№2. Легаде ц1ерметдешнаш. 1вариант со, хьо, и; со-суо 2вариант Тхо, шу, уьш, вай-ваьш. Талламан диктант №5. Олхазарийн дуьне. Берахь дуьйна хилла со олхазарш дезаш. Х1инца воккха мел хили а, ч1аг1луш схьабог1у сан цаьрга болу безам. Царех вуно ч1ог1а самукъадолу а сан. Дала ма-кхоллара, ц1ена, исбаьхьа ду олхазарийн дуьне. И дуьне девза-черан синош даима а сирла, ц1ена хир ду , Дала азаллехь кхоьллина ма-хиллар. Сан дов хилла олхазарийн бенаш дохош болчаьрца, уьш лазош, заь1апдеш болчаьрца. Уьш адамех теша, ткъа цхьадолу адамаш къиза хуьлу цаьрца, къинхетам бохург х1ун ду а ца хууш. Делах ца кхоьру хир бу-кх уьш. Олхазарша, пайда бар бен, зен ца до.Уьш ца хилча сагалматаш дебар яра. Ораматийн дуьне г1ийла хир дара я хиллане а хир а дацара. Олхазарш вайх тешна ду,-вай царех тешна ду. Дуьненахь Дала мел кхоьллина х1ума вовшашца йоьзна ю. (116дош. С.-М. Гелагаев. «Олхазарийн дуьне-сан дуьне.») Т1едиллар. К1ел сиз хьакха ц1ерметдешнашна. Билгалдаха церан тайпанаш. Шеран талламан диктант №6. Г1опал ара ца ваьлчхьана маьрша витинера к1ант. Уьйт1ара д1ахьаьжча гира цунна йовхонан тов хьийзочу мархана юккъехула долу лаьмнаш. Цигахь ша вина юрт хилар дагара ца долура. Г1опара вада салаьттара. Г1опана гонаха бина лекха пен бара. Хаш маь1-маь11ехь лаьттара. Делахь а дог ца дуьллура к1анта. Аьтто лехарх карош бац. Хьуна дагахь а доцуш нисло иза. Иштта цкъа аьтто белира 1алин а. Ха деш волу салти цхьа г1уллакх хилла юьстахвелира. Сиха д1асахьаьжира к1ант. Пен телхина, ког билла киртигаш йолу меттиг гира цун-на. Дукха маса цунна т1е а хьаьдда, дехьаиккхира иза. Дехьа хехь лаьттачу салтичунна гира ведда воьду к1ант. Цо орца а даьккхина, ши-кхо дошло т1аьхьахецавелира. К1ант г1опа юхавалийра. (106 дош. 1.Гайсултанов. «Кегий йийсарш.») Т1едахкарш. 1. Хандешнашна буха сиз хьакха. 2. Морфологически талламаш бе. Ц1ердош, билгалдош, терахьдош, ц1ерметдош 3. Хандешнаш хенашца хийца: витинера, даьккхина. МХГ1Ф паспорт.  7класс.
А. 1. Х1уманан билгало гойтучу къамелан декъах … олу. 1) ц1ердош 3) терахьдош 2) билгалдош 4) ц1ертетдош 2. Х1уманан дар я хилар гойтучу къамелан декъах … олу. 1) хандош 3) терахьдош 2) билгалдош 4) ц1ертетдош 3. Ц1ердешан, билгалдешан, терахьдешан метта лелачу къамелан декъах … олу. 1) ц1ердош 3) терахьдош 2) билгалдош 4) ц1ертетдош 4. Х1уманан масалла я рог1алла гойтучу къамелан декъах … олу. 1) ц1ердош 3) терахьдош 2) билгалдош 4) ц1ертетдош 5. Къамелан дакъа нийса билгалдина дац х1окху дешнийн: 1) цуьнан, тхайниг, сан-ц1ерметдешнаш ду, 2) ненан, 1уьйренан, хазаниг-ц1ердешнаш ду, 3) нене, 1уьйрено, хазалла-ц1ердешнаш ду, 4) шолг1аниг, иттех, пхи-ялх- терахьдешнаш ду. 6. Билгалдаха чолхе терахьдешнаш. 1) ткъе итт, б1е кхойтта, ши эзар 2) дезткъа, кхойтта, кхузткъа 3) доьалг1а, пхоьалг1а, б1озза 7. Х1ара тайпанаш терахьдешнийн ду: (дуьззина д1аязде) 1) мухаллин, юкъаметтигаллин, … 2) масаллин, рог1аллин, … 3) яххьийн, дерзоран, … 8. Караде г1алаташ. 1) ялхийтта, вуьрх1ийтта, берх1ийтта, 2) шийтта, дейтта, пхийтта, 3) доьалг1а, пхоьалг1а, б1озза 9. Билгалдешнаш хуьлу: 1) юкъара, долахь, 2) цхьалхе, чолхе, х1оттаман, 3) ламе а. лаамаза а. 10. Схьалаха хенашца нийса хийцина хандош. 1) деша, доьшу, дийши, дийшира, дешна, дешнера, доьшура, доьшур, доьшур ду. 2) деша, доьшу, дийши, дешна, дешнера, дийшира, доьшура, доьшур, доьшур ду. 3) деша, доьшу, доьшура, доьшур, доьшур ду, дийши, дийшира, дешна, дешнера, Талламан диктант №2. Г1а доьжначу варшахь г1а дожаза лаьтта нежнаш, генара хьаьжча, элан литтанех тарлора. Ялтех юьззина лаьттина аренаш яссаеллера. Йовхо ца лора х1иллане лепачу малхо. Ирча, сингаттаме дара аренашкахь. Юьртахь дацара, х1ара ду аьлла, ойла т1ейоьрзур йолуш х1ума. Хуьлуш дерг хьаьжк1аш тило цхьаццаммо белхи бар дара. 1аьнна кечлуш, д1атуьйш долчу дахарна юкъа цо дахьарг а бен-берса х1ума дацара. Керташкахь д1ах1иттийнчу г1одмийн такхораша нилха ц1енош долу к1отар юкъйора. Такхораш дина д1ах1иттийнера Элберда шен г1одмаш а. Такхорашна юккъехь а, т1ехь а, мотт хьаькхча санна, ц1ена яра. Цхьаннахьа охьайоьжна луьйдиг яцара гуш. Гуьйранна ирча хуьлу яраш. Уьш бухъяьхначуьра оьрнаш Элберда д1ашардинехь а, леррина болх бар гойтуш, билгалдуьйлура. Дечу г1уллакхна и т1ера хилар хаьара… (106дош. Х. Эдилов.) Грамматически т1едиллар. Морфологически таллам бе. 1-ра вариант 2-г1а вариант билгалдуьйлура. яссаеллера. Талламан диктант №3. Кертахь яьлла г1овг1а ца хаалора цунна. Цуьнан ерриге а ойла стиглахула г1ийлачу узаршца къилбехьа йоьлхучу г1арг1улеша д1алаьцнера. Кхеран кертахь яьлла хаза сийна буц, цундела кест-кеста корах ара б1аьрг тоха дог дог1у. Юург-мерг эца вог1у кху туькана гонаха мел веха стаг. Керта мел вог1у стаг саг1ина х1ума ца кховдош д1а ца вохуьйтура йоккхачу стага. Буьйцу мотт ц1ена а, шера а хиларца къаьсташ вара пхьоьхане гулбеллачу нахана юккъехь к1айн маж йолу зоьртала цхьа стаг… … Кхораш чохь кочарчу т1оьрмигах ши лекъ, моший а кхозуш вог1учу Мурдална ма-ярра гора х1ара орцан когашкахь 1уьллу шайн юрт. Котаман к1орнин г1ийла «ц1ик» иккхира кхуьнан семачу лерга. Эвла йолчухьара куьйра дог1ура. Цуьнан м1араш юккъехь кхозура и т1аьхь-т1аьхьа орцадоху к1ор-ни… (112 дош.) Т1едахкарш. 1. Причастешна буха сиз хьакха. 2. Лаамечу причастешка а ерзош, схьаязъе текста юккъера лаамаза причастеш. Кеп. Яьлла г1овг1а- яьлларг, йоьлхучу г1арг1улеша- йоьлхурш. Талламан диктант №4. Т1едиллар №1. Дешнийн цхьаьнакхетарш кхаа тобане декъа: билгалдош+ц1ердош, куцдош+хандош, причасти+ц1ердош. Оьзда стаг, оьзда д1авахара, совг1атана елира, аьлла илли, маьлхан з1аьнарш, инзаре дийцира, инзаре туьйра, гина стаг, сарахьвеара, хезна туьйра, забарина элира, забаре адам, диллина сурт, мерза д1асакъаьстира, шелоннаца 1алора, йит-тина коч, коч йиттина, мела мох, ешна аг1о, сарахь еара, мелла хи, тешаме дот-таг1,х1уьттаренна йиира, дог1анан де, ду-халург делира, вуьзна хьаша, дика дешар. Т1едиллар №2. Т1адамийн метта д1аязде куцдешнийн тайпа-наш, х1ора тайпана пхиппа масала даладе. …куцдешнаш-,-,-,-,-. …куцдешнаш-,-,-,-,-. …куцдешнаш-,-,-,-,-. …куцдешнаш-,-,-,-,-. …куцдешнаш-,-,-,-,-. …куцдешнаш-,-,-,-,-. Талламан диктант №5. Гонаха самадолуш дара т1ейог1учу б1аьстено дендина 1алам. Ч1енигаш а эт1ош, гучудевлла кегийра г1аш дара цхьацца долчу дитташ т1ехь гуш. Лакхахь хьоькхучу б1аьстенан мелачу механ тулг1е хьекхалора наггахь к1ентан дег1ах. Нанас дайн хьоькхучу куьйго санна, коьрта т1ехула хьакхалуш т1ехболура иза. «Мохь тоха те аса? Орца даккха те?»-дагадеара к1антана. Т1аккха а, цхьанна д1ахазахь осала хетар ву-кх со, бохург дага а деана, юха а басах хьалатасавели-ра иза. Амма куьг а, ког а д1атаса х1ума цахиларна, юха а 1инах чу шершаш воллучу кхуо катоьхна схьалецира ша х1инццалц 1ожаллин буйна ца вохуьйтуш сацийна йолу колл. Кхунна гена доццуш охьахиира цхьа хаза бос болу хьоза. Д1а а, схьа а хьаьвзина, корта аг1ор баьккхина адаме а хьаьжна, «ч1ир-ч1ир»-элира цо, цкъа-шозза, кхосса а луш. «Дависа, цхьана минотана, хьан санна, ши т1ам белира сан», -дагадеара дег1ера ницкъ кхачош воллучу к1антана… . (139 дош. Саракаев Хь. «Ирсе б1аьрхиш.») Т1едиллар. Буха сиз хьакха деепричастина а, масдарна а, куцдашна а. Дееприч. Кеп. Самадолуш. Шеран талламан диктант №6. …-Маржа дуьне я1!-доккха са а доккхий, кет1ахула бай-йн ког а боккхуш, волало иза. Т1аккха ц1ийна т1ехьа, беша, волу. 1ежийн, кхорийн, хьайбанийн дитташ лай к1елахь лаьтта… Стаг вехха лела бешахула волалой, х1ора диттана юххехь сеца а соьцуш, къамел а деш. Т1аккха бешара ураме волу иза. Малхбузехь лекха арц, Органа чу буссучохь, к1айчу лай т1ехь 1аьржа къеста ах хаьрцина б1ов. Б1ов т1улгех лаьтта. Кегийчу а, даккхийчу а т1улгех. Уьш, ша-ша даьхча, т1улгаш ду, цхьаьна-б1ов. Стеган сий а ду-кха б1ов. Иза а лаьтта цуьнан даккхийчу а, кегийчу а г1уллакхех. Цо денна а дечу дикачу г1уллакхаша ирх бохуьйту цуьнан бохь. Б1аьвнех терра, лекха деш хилла-кх наха куйнаш а хьалха. Ткъа б1аьвнаш-лаьмнех таръеш. (115 дош. М.Ахмадов. «Мохк бегийча.») Т1едиллар. Билгалдаха къамелан дакъош. МХГ1Ф паспорт. 8 класс.
|