буюд. Окоз 07. 00. 00. 00 Молия ва кредит трисидаги онунчилик. Банк фаолияти 07. 29. 00. 00 Бухгалтерия исоби. Молиявий исобот 07. 29. 05. 00 Молиявий исобот тсз

• Название: Окоз 07. 00. 00. 00 Молия ва кредит трисидаги онунчилик. Банк фаолияти 07. 29. 00. 00 Бухгалтерия исоби. Молиявий исобот 07. 29. 05. 00 Молиявий исобот тсз
• Дата: 25.04.2022
• Размер: 331.74 Kb.
• Имя файла: 1209 24.01.2003.doc
• Тип: Документы; #494683
• страница: 5 из 9

Кўрсаткичлар номи Наименование показателя			Сатр коди	Устав капитали	Қўшилган капитал	Резерв капитали	Тақсимланмаган фойда (қопланмаган зарар)	Сотиб олинган хусусий акциялар	Мақсадли тушумлар ва бошқалар	Жами
			Код стр.	Уставный капитал	Добавленный капитал	Резервный капитал	Нераспределенная прибыль (непокрытые убытки)	Выкупленные собственные акции	Целевые поступления и прочие	Итого
1			2	3	4	5	6	7	8	9
Йил бошидаги қолдиқ Остаток на начало года			010
Қимматли қоғозлар эмиссияси Эмиссия ценных бумаг			020			Х	Х	Х	Х
Узоқ муддатли активларни қайта баҳолаш Переоценка долгосрочных активов			030	Х	Х		Х	Х	Х
Устав капиталини шакллантиришда пайдо бўлган валюта курси фарқлари Валютная курсовая разница при формировании уставного капитала			040	Х		Х	Х	Х	Х
Резерв капиталига ажратмалар Отчисления в резервный капитал			050	Х	Х			Х	Х
Жорий йилнинг тақсимланмаган фойдаси (зарари) Нераспределенная прибыль (убыток) текущего года			060	Х	Х	Х		Х	Х
Текинга олинган мол-мулк Безвозмездно полученное имущество			070	Х	Х		Х	Х	Х
Мақсадли фойдаланиш учун олинган маблағлар Полученные средства по целевому назначению			080	Х	Х	Х	Х	Х
Ҳисобланган дивидендлар Дивиденды начисленные			090	Х	Х	Х		Х	Х
Хусусий капитал шаклланишининг бошқа манбалари Прочие источники формирования собственного капитала			100
Йил охиридаги қолдиқ Остаток на конец года			110
Хусусий капиталининг кўпайиши (+) ёки камайиши (–) Увеличение (+) или уменьшение (–) собственного капитала			120
МАЪЛУМОТ УЧУН: СПРАВОЧНО:
Чиқарилган акциялар сони, дона Количество выпущенных акций, шт.			130	Х	Х	Х	Х	Х	Х
шу жумладан: в том числе:
имтиёзли привилегированные			131	Х	Х	Х	Х	Х	Х
оддий простые			132	Х	Х	Х	Х	Х	Х
Акциянинг номинал қиймати Номинальная стоимость акции			140	Х	Х	Х	Х	Х	Х
Муомаладаги акциялар сони, дона Количество акций в обращении, шт.			150	Х	Х	Х	Х	Х	Х
шу жумладан: в том числе:
имтиёзли привилегированные			151	Х	Х	Х	Х	Х	Х
оддий простые			152	Х	Х	Х	Х	Х	Х
Раҳбар Руководитель___________________________ Бош бухгалтер Главный бухгалтер______________________

(5-сонли илова Ўзбекистон Республикаси молия вазирининг 2019 йил 23 январдаги 10-сон буйруғи (рўйхат рақами 1209-10, 15.02.2019 й.) таҳрирда — Қонун ҳужжатлари маълумотлари миллий базаси, 15.02.2019 й., 10/19/1209-10/2613-сон)

Ўзбекистон Республикаси молия вазирининг 2002 йил 27 декабрдаги 140-сон буйруғига
7-сон ИЛОВА

МОЛИЯВИЙ ҲИСОБОТ ШАКЛЛАРИНИ ТЎЛДИРИШ

ҚОИДАЛАРИ

1-§. УМУМИЙ ҚОИДАЛАР

1. Мазкур Қоидаларга мувофиқ молиявий ҳисоботни Ўзбекистон Республикасининг қонун ҳужжатларига кўра юридик шахс ҳисобланган ташкилотлар (бюджет ташкилотлари, суғурта ташкилотлари, банклар ва бошқа кредит ташкилотлари бундан мустасно), шунингдек ўз мулкида, хўжалик юритишида ёки тезкор бошқарувида мол-мулки бўлган ва ўз мажбуриятлари бўйича ушбу мол-мулк билан жавоб берадиган, шунингдек мустақил баланс ва ҳисоб-китоб ҳисобига эга бўлган солиқ қонунчилигига мувофиқ солиқ тўловчи ҳисобланадиган алоҳида бўлинмалар тақдим этади.

Молиявий ҳисоботни тақдим этиш муддатлари Ўзбекистон Республикаси Молия вазирлиги томонидан 2000 йил 15 июнда 47-сон билан тасдиқланган Чораклик ва йиллик молиявий ҳисоботларни тақдим этиш муддатлари тўғрисида низом (рўйхат рақами 942, 2000 йил 3 июль) билан белгиланади.

2. Йиллик молиявий ҳисобот қуйидаги шакллар ҳажмида тақдим этилади:

а) бухгалтерия баланси — 1-сон шакл;

б) молиявий натижалар тўғрисидаги ҳисобот — 2-сон шакл;

г) пул оқимлари тўғрисидаги ҳисобот — 4-сон шакл;

д) хусусий капитал тўғрисидаги ҳисобот — 5-сон шакл.

3. Ярим йиллик ва чораклик молиявий ҳисоботлар қуйидаги шакллар ҳажмида тақдим этилади:

а) бухгалтерия баланси — 1-сон шакл;

б) молиявий натижалар тўғрисидаги ҳисобот — 2-сон шакл.

4. Кичик корхоналар ва микрофирмалар фақат бухгалтерия баланси — 1-сон шакл ва молиявий натижалар тўғрисидаги ҳисобот — 2-сон шаклдан иборат бўлган йиллик молиявий ҳисоботни тақдим этади.

5. Йиллик молиявий ҳисоботга ҳисобот йилида корхона фаолиятининг якуний натижаларига таъсир кўрсатган асосий омиллар баён этилган тушунтириш хати илова қилинади.

Агар баланс йил бошида ўзгартирилган бўлса, тушунтириш хатида ўзгартириш сабабларига изоҳ берилади. Унда кейинги йил учун қабул қилинган ҳисоб сиёсати ҳам келтирилади.

Агар асосий фондларни қайта баҳолаш ҳисобот йилининг биринчи санаси ҳолатига ўтказилса, қайта баҳолаш натижалари ҳисобот йилининг бошидаги молиявий ҳисобот кўрсаткичларини шакллантиришда қабул қилинади. Бунда ўтган йилнинг охиридаги ва ҳисобот йилининг бошидаги кўрсаткичларнинг мос келмаслиги, ҳисобот йилининг биринчи санасига ўтказилган асосий воситаларни қайта баҳолашнинг натижаси деб тушунилади ва жорий даврнинг молиявий ҳисоботига тузилган тушунтириш хатида баён этилади.

6. «Аудиторлик фаолияти тўғрисида»ги Ўзбекистон Республикаси Қонунининг (Ўзбекистон Республикаси Олий Мажлисининг Ахборотномаси, 2000 йил, 5-сон) 10-моддасида кўрсатилган юридик шахслар солиқ идораларига аудиторлик текшируви ўтказилганидан кейин 15 кун давомида, лекин ҳисобот йилидан кейинги йилнинг 15 майидан кечиктирмай аудиторлик хулосаси нусхасини тақдим этадилар.

7. Молиявий ҳисобот шаклларида барча реквизитлар ва белгиланган кўрсаткичлар тўлдирилиши керак. Агар корхонада тегишли активлар, пассивлар, операциялар мавжуд эмаслиги сабабли бирор-бир модда (сатр, устун) тўлдирилмаган тақдирда, ушбу модда (сатр, устун) бўшлиғи чизиб қўйилади.

8. Молиявий ҳисобот шаклларининг манзил қисми қуйидаги тартибда тўлдирилади:

а) «Корхона, ташкилот» реквизити — корхонанинг тўлиқ номи (ўрнатилган тартибда рўйхатдан ўтказилган таъсис ҳужжатларига мувофиқ) ва КТУТга кўра унинг коди кўрсатилади;

б) «Фаолият тури» реквизити — корхонанинг иқтисодий фаолият тури ва ИФУТга кўра иқтисодий фаолият коди кўрсатилади;

в) «Ташкилий-ҳуқуқий шакли» реквизити — корхонанинг ташкилий-ҳуқуқий шакли ва ТҲШТга кўра ташкилий-ҳуқуқий шаклнинг коди кўрсатилади;

г) «Мулкчилик шакли» реквизити — корхонанинг мулкчилик шакли ва МШТга кўра мулкчилик шаклининг коди кўрсатилади;

д) «Вазирлик, идора ва бошқалар» реквизити — ихтиёрида корхона бўлган ва молиявий ҳисобот йўналтириладиган органнинг номи(агар у мавжуд бўлса) ҳамда ДБИБТга кўра ушбу органнинг коди кўрсатилади;

е) «Солиқ тўловчининг идентификация рақами» реквизити — СТИР бўйича корхонанинг идентификация рақами кўрсатилади;

ж) «Ҳудуд» реквизити — МҲОБТ бўйича коди кўрсатилади;

з) «Манзил» реквизити — корхонанинг тўлиқ юридик манзили кўрсатилади.

9. Молиявий ҳисоботни тузишда Ўзбекистон Республикасининг «Бухгалтерия ҳисоби тўғрисида»ги Қонуни, Ўзбекистон Республикасининг Фуқаролик кодекси, Бухгалтерия ҳисобининг миллий стандартлари, шунингдек, бухгалтерия ҳисобини юритиш ва молиявий ҳисоботни тузиш масалалари бўйича бошқа норматив-ҳуқуқий ҳужжатларга амал қилиш лозим.

10. Корхона ва ташкилотларнинг мустақил балансга ажратилмаган барча алоҳида бўлинмаларининг фаолияти кўрсаткичлари молиявий ҳисобот шаклларининг кўрсаткичлари таркибига киритилиши лозим.

11. Молиявий ҳисоботни тузишда ҳисобот санаси бўлиб ҳисобот даврининг охирги календар куни ҳисобланади.

Ҳисобот йилида тугатилган ёки қайта ташкил этилган корхона йил бошидан тугатиш (қайта ташкил этиш) пайтигача бўлган давр учун йиллик молиявий ҳисоботнинг амалдаги шакллари бўйича ҳисобот тақдим этади.

1 октябрга қадар янги ташкил этилган корхоналар молиявий ҳисоботда, улар ўрнатилган тартибда рўйхатдан ўтказилган ойнинг 1-санасидан бошлаб ҳисобот йилининг 31 декабрига қадар муддатдаги, ҳисобот йилининг 1 октябридан кейин ташкил этилган корхоналар эса — давлат рўйхатидан ўтказилган санадан бошлаб кейинги йилнинг 31 декабригача (31 декабрь ҳам киради) муддатдаги маблағлар ва уларнинг манбаларини кўрсатадилар (кўрсатилган тартиб тугатилган (қайта ташкил этилган) корхоналар ва уларнинг алоҳида бўлинмалари базасида ташкил этилган корхоналарга татбиқ этилмайди).

12. Корхона балансининг моддалари активлар ва мажбуриятларнинг пухта ўтказилган инвентаризацияси билан асосланган бўлиши керак. Инвентаризация Ўзбекистон Республикаси Молия вазирлиги томонидан 1999 йил 19 октябрда ЭГ/17-19-2075-сон билан тасдиқланган Ўзбекистон Республикаси Бухгалтерия ҳисобининг миллий стандарти (19-сонли БҲМС) «Инвентаризацияни ташкил этиш ва ўтказиш» да (рўйхат рақами 833, 1999 йил 2 ноябрь) белгиланган тартибда ўтказилади. Бунда йиллик молиявий ҳисоботни тақдим этишга қадар доимий ишлаб турган инвентаризация комиссиялари томонидан инвентаризация давомида аниқланган ҳақиқатда мавжуд қийматликларнинг бухгалтерия ҳисоби маълумотларига қараганда фарқлари тартибга солиниши керак. Дебиторлик ва кредиторлик қарзлари ҳам инвентаризациядан ўтказилиши керак ва улар солиштириш далолатномалари ёки ўзаро ҳисоб-китоблар сальдосини тасдиқлайдиган хатлар билан расмийлаштирилади. Ўтказилган инвентаризациялар сони ва натижалари, шунингдек, уларни ўтказмаслик сабаблари йиллик молиявий ҳисоботга илова қилинадиган тушунтириш хатида акс эттирилиши лозим.

Олдинги таҳрирга қаранг.

13. Молиявий ҳисобот шакллари раҳбар ва бухгалтерия ҳисоби ҳамда молиявий бошқариш вазифаларини амалга оширувчи шахс томонидан имзоланади (бундан буён бош бухгалтер деб юритилади).

Агар раҳбар бухгалтерия ҳисоби ва молиявий бошқариш вазифаларини ўз зиммасига олган бўлса, у бош бухгалтер ўрнига ҳам имзо қўяди.

(13-банд Ўзбекистон Республикаси молия вазирининг 2019 йил 23 январдаги 10-сон буйруғи (рўйхат рақами 1209-10, 15.02.2019 й.) таҳрирда — Қонун ҳужжатлари маълумотлари миллий базаси, 15.02.2019 й., 10/19/1209-10/2613-сон)

14. Молиявий ҳисоботда ўчиришлар ва бўяшлар бўлмаслиги керак. Хатолар тузатилган ҳолларда тегишли изоҳлар берилади ва уларни тузатиш санасини кўрсатган ҳолда молиявий ҳисоботни имзолаган шахслар тасдиқлайди.

15. Жорий ҳамда ўтган йил ҳисобот маълумотларини (улар тасдиқланганидан кейин) тузатишлар унинг маълумотларини бузиб кўрсатишлар аниқланган ҳисобот даври учун тузилган ҳисоботда амалга оширилади, бунда тузатишлар ҳисобот даври (чорак, йил бошидан) маълумотларига киритилади.

Ўтган даврда йўл қўйилган фундаментал (муҳим) хатоларни тузатиш суммаси молиявий ҳисоботда йил бошидаги тақсимланмаган фойда сальдосини ўзгартириш орқали ва активлар, мажбуриятлар ва хусусий капиталнинг бошқа моддаларига тегишли тузатишлар киритиш йўли билан акс эттирилиши мумкин.

Агар йиллик молиявий ҳисоботни текшириш давомида даромадларни яшириш ёки ишлаб чиқариш харажатлари (ёки муомала харажатлари) таркибига улар билан боғлиқ бўлмаган харажатларни киритиш натижасида молиявий натижаларни камайтириш ҳоллари аниқланганда ўтган йил учун бухгалтерия ҳисоби ва молиявий ҳисоботга тузатишлар киритилмайди, балки жорий йилда ҳисобот даврида аниқланган ўтган йиллар фойдаси сифатида акс эттирилади.

2-§. БУХГАЛТЕРИЯ БАЛАНСИ (1-СОН ШАКЛ)

16. Бухгалтерия баланси (кейинги ўринларда — баланс) тузилгунига қадар ҳисобот даври охиридаги аналитик ҳисоблар бўйича айланмалар ва қолдиқлар Бош китобдаги синтетик ҳисоблар бўйича айланмалар ва қолдиқлар билан албатта солиштирилиши керак.

17. 3-устунда ҳисобот даври бошига маълумотлар, яъни олдинги ҳисобот даври учун баланснинг 4-устуни маълумотлари кўрсатилади.

18. Асосий воситалар балансда «Бошланғич (қайта тиклаш) қиймати» (010-сатр) моддаси бўйича ўз асосий воситалари (ишлаб турган ҳамда консервацияда бўлган) ва молиявий ижара шартномаси бўйича олинган асосий воситалар бошланғич (қайта тиклаш) қиймати бўйича кўрсатилади ва уларнинг ҳисоби асосий воситаларни ҳисобга олувчи ҳисобларда (0100) ва 0310 «Молиявий ижара шартномаси бўйича олинган асосий воситалар» ҳисобида амалга оширилади.

Алоҳида «Эскириш суммаси» (011-сатр) моддаси бўйича ташкилот томонидан асосий воситаларни ҳисобга олувчи ҳисобларда (0100) ва 0310 «Молиявий ижара шартномаси бўйича олинган асосий воситалар»ҳисобида ҳисобга олинган асосий воситалар бўйича ҳисобланган эскириш суммаси келтирилади ва уларнинг ҳисоби асосий воситаларнинг эскиришини ҳисобга олувчи ҳисобларда(0200) амалга оширилади.

«Қолдиқ (баланс) қиймати» (012-сатр) моддаси бўйича 010 «Бошланғич (қайта тиклаш) қиймати» ва 011 «Эскириш суммаси» сатрлари фарқи акс эттирилади.

19. Номоддий активлар балансда «Бошланғич қиймати» (020-сатр) моддаси бўйича табиий ресурслардан, ер майдонларидан фойдаланиш ҳуқуқи, патентлар, лицензиялар, савдо белгилари, товар белгилари, саноат намуналарига бўлган ҳуқуқлар, муаллифлик ҳуқуқлари ва бошқалар сифатида номоддий активларнинг бошланғич (қайта тиклаш) қиймати бўйича кўрсатилади ва уларнинг ҳисоби номоддий активларни ҳисобга олувчи ҳисобларда (0400)амалга оширилади.