8.Умуртқа поғонаси жароҳатларида шошилинч ёрдам». Реферат мавзу Умурта поонаси жароатларида шошилинч ёрдам Бажарди тингловчи

• Название: Реферат мавзу Умурта поонаси жароатларида шошилинч ёрдам Бажарди тингловчи
• Дата: 12.04.2021
• Размер: 87.13 Kb.
• Имя файла: 8.Умуртқа поғонаси жароҳатларида шошилинч ёрдам» .docx
• Тип: Реферат; #193810
• страница: 5 из 11

Умуртқа поғонаси синиб асоратланган беморларни текшириш.

Умуртқа поғонаси шикастланиб асоратланган беморларни текширишда талаба қуйидагиларни билиши керак.

• 
  Орқа мия узунлиги 40-45 см узунчоқ мия атлантнинг ўрта орқа равоғи соҳасида орқа мияга ўтади. I бел умуртқаси чегарасида орқа мия юпқалашади ва конус шаклини эгаллаб III – IV думғаза сегментигача боради. Орқа мия конуси II бел умуртқа танасининг ярмига келиб тугайди ва якунловчи
  

«термина ип» бўлиб давом этади.

• 
  Орқа мия оқ ва кулранг моддадан иборат
  
• 
  Кулранг модда ганглиоз ва глиал ҳужайраларидан ташкил топиб, кўндаланг кесими капалакни эслатади. Орқа мия кулранг моддасининг олдинги орқа ва ён шохлари тафовут этилади.
  
• 
  Олдинги шох аксонлари олдинги ҳаракатлантирувчи илдизларни ҳосил қилади. Орқа шохларига орқа сезувчи илдизчалар киради. Орқа мия сезувчи ва ҳаракатлантирувчи илдизчалари умуртқалараро тешиги соҳасида қўшилиб, орқа мия нервларини ҳосил қилади. Бу нерв таркиби сезувчи, ҳаракатлантирувчи ва вегетатив толалардан иборат.
  
• 
  Орқа мия нервларининг ҳар бири 4 шохга бўлинади:
  

1. 
   Орқа-мушак ва терини иннервацияловчи
   
2. 
   Олдинги-нерв чигалларини ҳосил қилишда иштирок этади
   
   • 
     бўйин I-V бўйин нервлари
     
   • 
     елка V-VIII бўйин ва I кўкрак нерви
     
   • 
     бел I-V бел нерви
     
   • 
     думғаза I-V думғаза нерви
     

Олдинги кўкрак нерви шохлари қовурғалараро нерв ҳисобланади.

3. 
   Оқ бириктирувчи тармоқ чегарадаги симпатик устунга қараб йўналади.
   
4. 
   Пардага йўналувчи тармоқ умуртқалараро тешикдан ўтиб, мия қаттиқ пардаси ҳамда умуртқаларнинг суяк усти пардаси иннервациясида қатнашади.
   

• 
  IV бўйин сегментида диафрагма нерв ядроси жойлашган. III-V бел сегменти соҳасида спинал симпатик марказга жойлашган, булар:
  

• 
  сийдик пуфагининг детрузорини бўшаштиради;
  
• 
  уретранинг ички сфинктерини қисқартиради;
  
• 
  тўғри ичакнинг ички сфинктерини қисқартиради.
  

I-III думғаза сегментлари соҳасида паросимпатик марказлар жойлашган, булар:

• 
  сийдик пуфагининг детрузорини қисқартиради;
  
• 
  уретранинг ички сфинктерини бўшаштиради;
  
• 
  тўғри ичакнинг ички сфикнтерини бўшаштиради.
  

IV-V думғаза сегментлари соҳасида спинал эрекция марказлари жойлашган.

• 
  Рефлектор равоқларнинг сегментар марказлари қуйидаги сатҳларда жойлашган:
  
• 
  икки бошли мускул: V-VI бўйин сегментлари;
  
• 
  уч бошли мускул: VI-VII бўйин сегментлари;
  
• 
  билак суягининг бигизсимон
  

ўсимтаси (периостал рефлекс): V-VIII бўйин сегментлари;

• 
  тизза рефлекси: II-IV бел сегментлари;
  
• 
  ахилл рефлекси: I-II думғаза сегментлари;
  
• 
  қорин териси рефлекслари:
  

Юқориги: VIII-IX кўкрак сегментлари;

Ўрта: X-XI кўкрак сегментлари;

Пастки: XI-XII кўкрак сегментлари;

• 
  кремастор: I-II бел сегментлари.
  
  • 
    Орқа мия оқ моддаси шохларга бўлинади:
    
• 
  олдинги шохлар;
  
• 
  ён шохлар;
  
• 
  орқа шохлар.
  

Орқа миянинг оқ моддасида ўтказувчи йўллар жойлашган.

• 
  Юқорига кўтарилувчи ўтказувчи йўллар (марказга йўналувчи, афферент), периферик анализатор рецепторларни (ҳаракат, тери, вестибуляр ва ҳ.з. ) бош мия билан боғлайди.
  

Булар:

Голл ва Бурдах тугунлари орқа шохларига чуқур ва тактил сезгиларини ўтказувчи йўллар;

Оғриқ ва температура сезгиларини ён шохларга элтувчи спино-таламик йўл;

Флексиг ва Говерс тугунлари миячага йўналган ён шохларига проприоцептив импулсларни ўтказувчи йўл;

• 
  Пастга тушувчи ўтказувчи йўллар (марказдан қочувчи, эфферент), булар пўстлоқ қисмидан ишчи органларга боради.
  

Булар:

Ён шохларидаги асосий пирамида йўли, бу йўл жароҳатланганда парез ва параличлар ривожланади;

Руброспинал-Монаков йўли – қизил ядродан бошланиб, орқа миянинг ён шохларига боради;

Орқа мия олдинги шохларига борувчи вестибуло-спинал йўл. Талаба қуйидаги орқа мия жароҳатларини билиши керак:

• 
  чайқалиш;
  
• 
  лат ейиш;
  
• 
  қисилиш;
  
• 
  анатомик бузилган қисмлар билан орқа миянинг эзилиши;
  
• 
  орқа миянинг анатомик узилиши;
  
• 
  гематомиелия – орқа миянинг кулранг моддасига қон қуйилиши;
  
• 
  эпидурал ёки субдурал қон қуйилиши;
  
• 
  травматик радикулит.
  

Талаба қуйидаги жароҳатларни билиши керак: орқа миянинг лат ейиши, қисилиши, эзилиши, унинг анатомик узилиши, гематомиелияси ва орқа миянинг кўндаланг жароҳатланиши клиникаси. Бу эса орқа миянинг жароҳатланган сегментидан бошланиб ёки икки – учта юқори сегмент зарарланишига қараб, оёқ – қўлларнинг параличи, атонияси, анестезияси, арефлексияси, сийдик ажралиши ва дефекациянинг бузилиши билан намоён бўлади.

Талаба умуртқанинг асоратланган жароҳатлари симптоматологиясини, орқа мия, унинг қаватлари, пўстлоғи ва умуртқа зарарланиш даражаси симптомлари хусусиятларини билиши керак.

Неврологик бузилишларнинг оғирлиги орқа мия моддаларининг бузилиши ва унинг зарарланиш даражасига боғлиқ. Жароҳатланиш даражаси чуқурлиги ва қанча кўп сегмент зарарланишига қараб, клиникаси ҳам шунча оғир кечади.

Орқа мияси жароҳатланган пайтда беморлар эс-ҳуши сақланган ҳолда орқасида тўмтоқ зарба ҳисси, айрим ҳолларда танасининг пастки қисми узилиши ҳиссини сезади. Тўлиқ паралич, сезгининг йўқолиши, сийдик пуфаги ва тўғри ичакнинг параличи кузатилади. Беморларнинг умумий аҳволи оғир бўлиши мумкин. Териси оқарган, пульс тезлашган, тўлишиш суст ва таранглашган, қон босими пасайган, умумий ҳолсизлик ва эс-ҳуши хиралашган бўлади.

Кўпинча шикастланган соҳада оғриқнинг бўлмаслиги, мучаларнинг суст параличи, қоринда дам, сийдик ажралишининг тутилиш типида бузилиши кузатилади. Бўйин қисмидаги орқа миянинг зарарланишида кўкрак қафасидаги мушаклар параличи ва С IV сегментда жойлашган диафрагмал нерв ядросининг жароҳатланиши натижасида нафас бузилиши кузатилиши мумкин. Беморларнинг аҳволи жуда оғир бўлади, улар тўлиқ ҳаракатсиз, овози йўк, ютиниши бузилган. Бунда турғун артериал гипотония 60-50мм симоб устунигача, кучли ривожланган брадикардия – 1мин да 40 марта ва паст, терморегуляция бузилади – температура бирданига пасайиши ёки кўтарилиши мумкин.

Талаба бўйин қисми зарарланганда, бемор қўлининг ҳолатидан билиш мумкин:

• 
  С V – қўллари тана узунаси бўйлаб ҳаракатсиз ётади;
  
• 
  С VI – қўллари боши устида ташланган, бармоқлари ярим букилган;
  
• 
  С VII – тирсаги букилган, бармоқлари ярим букилган.
  

Ҳаракат бузилишлари орқа мия жароҳатланишининг асосий симптоми ҳисобланади. Бу суст паралич орқа мия жароҳатланиш даражасига боғлик бўлади. Орқа миянинг кўкрак ва бел сегментлари жароҳатланганда пастки параплегия ва парапарез, бўйин сегментлари зарарланганда – тетраплегия, тетрапарез кузатилади. Мучалардаги ҳаракатлар жароҳат содир бўлгандан кейин дарҳол йўқолади. Жароҳатланган соҳадан юқоридаги сегментларда ҳаракатларнинг бузилиши юқорига кўтарилувчи шиш ва спинал артерия системасидаги циркулятор бузилишларига боғлиқ.

Параличланган мушак тонуслари жароҳатдан кейин пасаяди ёки тўлиқ йўқолади (атония). Аста-секинлик билан суст плегия параличланган мушак тонусининг ошиши ва айрим ҳолларда спатстик қисқаришлари билан алмашинади.

Талаба билиши керакки, мучаларнинг параличи жароҳатдан кейин 24 соат ичида орқага қайтмаса, орқа миядаги жароҳат қайтмас ҳисобланади.

Пай рефлекслари (икки бошли, уч бошли мушак, тизза, ахилл ), периосталь (елка - курак, билак, соннинг аддуктор рефлекси), тери ( юқори, ўрта ва пастки қорин, товон) рефлекслари жароҳатдан кейин йўқолади ёки тез пасаяди. Рефлексларнинг тикланиши орқа мия жароҳати оғирлигига боғлиқ бўлиб, бир неча ҳафта ёки ойларгача чўзилиши мумкин.

Спинал автоматизм рефлекслари ёки ҳимоя рефлекслари нормада бўлмайди, булар патологик шароитларда ривожланади. Яъни спинал марказларни юқорида жойлашган мия стволи марказларидан ажратганда келиб чикади. Бу қисқартирувчи рефлекс – сон - болдирнинг букилиши ва товоннинг ёзилиши ( учламчи қисқариш), айрим ҳолларда бармоқлар ҳам ( тўртламчи қисқариш), ёзувчи рефлекс – сон ва болдирнинг ёзилиши, товоннинг букилиши, айрим ҳолларда бармоқлар ҳам букилиши кузатилади. Ҳимоя рефлекслари орқа мия кўндалангига жароҳатланганда пирамидал йўл зарарланишида келиб чикади.

Патологик бармоқ рефлекслари пирамида йўли зарарланганда келиб чикади. Ёзилувчи бармоқ рефлекслари: Бабинский, Опенгейм, Гордон.

Букувчи бармоқ рефлекслари: Россолимо, Бехтереф, Жуковский.

Умуртқа пғонаси ва орқа мия жароҳатланганда сегментар, ўтказувчи ва илдиз, айрим ҳолларда диссоциялашган (гематомиелияда) сезгининг бузилишига олиб келади (оғриқ ва температура сезгисининг бузилиши, чуқур ва тактил сезги сақланган ҳолда). Булар анестезия, гипестезия, кам ҳолларда гиперстезия кўринишларда бўлади. Зарарланган соҳадан пастки қисмларда ҳар хил кўринишдаги парестезиялар ҳам кузатилиши мумкин.

Тактил, дискриминацион (2 та бирданига бериладиган таъсирни фарқлаш), оғриқ, температура сезгиларининг бузилиши кузатилиши мумкин. Орқа мия кўндалангига зарарланганда сезувчанлик ўтказувчи типда бузилади, яъни анестезия жароҳатланган соҳадан пастда бўлади. Анестезия чегараси тўлиқ илдизли типга тўғри келади.

Талаба қуйидаги чизиқларни эслаши керак:

• 
  ўмровдан ўтувчи чизиқ, C IV илдизли зонани DII-III илдизчалардан ажратиб, юқори мучаларни иннервация қилувчи СV – DI илдизчаларни ўтказади.
  
• 
  тўш суягининг ханжарсимон ўсиғидан ўтувчи чизик. DVI-DVII илдизларининг иннервация зонасига тўғри келади.
  
• 
  киндик чизиғи DIX - DX илдизларининг иннервация зонасига тўғри келади.
  
• 
  думғаза айланаси ёки эгари, SIII - SV илдизчалари иннервация қилинадиган майдонга тўғри келади ва оралиқ ҳамда перианал соҳани эгаллайди.
  

Чуқур мушак сезгирлигининг сақланиши – товон бармоқлари ҳаракатини аниқлашга қаратилган – орқа мия олдинги шохлари бутунлигидан далолат беради. Бунга пассив ҳаракат сезгилари ҳам киради.

Орқа мия жароҳатида трофика бузилади ҳамда тананинг параличланган соҳаларидаги ички органлар фаолияти зарарланади. Думғазада, думба соҳасида,

товонда 2-4 – кун оғир ётоқ яралар пайдо бўлади. Сийдик пуфаги шиллиқ қавати трофикаси бузилиши натижасида тез орада йирингли циститлар ва айрим ҳолларда яралар келиб чиқади.

Параличланган тана соҳаларида қон-томир иннервацияси чуқур бузилганда, асосан оёқларда қаттиқ шишлар бўлиб, қўл билан босганда из қолмайди.

Чаноқ органлари функцияси бузилиши сийдик ажратилиши ва дефекация бузилиши билан намоён бўлади. Сийдик пуфагининг зарарланиши, сийдик пуфаги чўзилиши рефлекси билан намоён бўлади. Бунда сфинктернинг бўшашиши (белдаги симпатик тугунлар) ва детрузорининг таранглашиши (SII – SV нинг парасимпатик тугунлари) кузатилади. Орқа мия жароҳатида тормозланиш процесининг иррадиацияси кузатилади. Бунда рефлекс тормозланади ва сийдик тутилиши, баъзи ҳолларда сийдик тута олмаслик кузатилади. Сийдик чиқаришдаги чақириқлар бўлмайди. Агар сийдик пуфаги сунъий бўшатилмаса, ичидаги сийдик миқдори кўпайиб, ички сфинктер қаршилигини бузади ва сийдик томчилари оқа бошлайди. Бунга парадоксал сийдик тута олмаслик, парадоксал ишурия дейилади.

Орқа миянинг кўндаланг жароҳатида чаноқ органлари функцияси қўпол бузилади. Орқа мия жароҳати содир бўлгандан бир неча кун ёки соатдан кейин сийдик пуфаги девори трофикаси бузилиши натижасида нейродистрафик ва яллиғланишли ўзгаришлар кузатилади. Сийдик пуфагининг паралитик ҳолати ва сийдикнинг тутилиши геморрагик, ярали, некротик циститларни келтириб чиқаради.

Сийдик ажратиш системасида инфекцияланиш содир бўлиб ва цистик пиелит, нефрит, пиелонефрит қўшилади. Бундан ташқари оғир кечувчи, ҳатто ўлимга сабаб бўлувчи уросепсис ҳам қўшилиши мумкин.

Орқа миянинг рефлектор эрекция марказларидан (SIV – SV сегмент) юқориги қисмининг зарарланишида ихтиёрсиз каверноз тана гиперемияси кузатилади. Оралиқ мускулларнинг спазми натижасида веноз оқими қийинлашади. Беморларда турғун эрекция – приапизм вужудга келади.

Орқа мия жароҳатланиш даражасини, ҳаракат бузилишларини, рефлектор бузилишларини, чуқур ёки юзаки сезги бузилишларини, илдизли оғриқлар сатҳини аниқлаш учун талаба қуйидаги маълумотларга асосланиши керак.

• 
  Бўйиннинг юқориги қисмидаги орқа миянинг жароҳатланиши СI-CIV сегментлар I-IVбўйин умуртқалари сатҳида:
  

• 
  бўш тетраплегия;
  
• 
  диафрагманинг параличида: ҳиқичоқ, хансираш, диафрагмал нафаснинг йўқолиши;
  
• 
  жароҳатдан пастда ҳамма сезгиларнинг йўқолиши;
  
• 
  бўйин соҳасида илдизли оғриқлар, энсага иррадиация берувчи оғриқлар;
  
• 
  юз сезгиларининг бузилиши ва юз соҳасида оғрик бўлиши мумкин (уч шохли нерв роланд субстанцияси процессга жалб этилса);
  
• 
  сийдик ажратишнинг тўхташи;
  
• 
  бульбар симптомлар: ютиниш ва нафаснинг бузилиши, брадикардия, вестибуляр бош айланиши, марказий ғилайлик, нистагм, диплопия;
  
• 
  мезенцефал симптомлар: кўз олмаси конвергенциясининг бузилиши, узоқлаштирувчи ғилайлик, птоз, анизокория.
  
  • 
    Бўйиннинг пастки қисмидаги орқа миянинг жароҳати. CV – DI сегментлар V-VII бўйин умуртқалари сатҳида:
    
• 
  қўлнинг чуқур парези, оёқ параличи, бошланишида бўш кейин спастик;
  
• 
  рефлексларнинг йўқолиши:
  

2. 
   бошли мушак - СV – CVI – сегментлар;
   
3. 
   бошли мушак - CVI – CVII – сегментлар; Периостал билак рефлекси - CV- CVIII сегментлар;
   

• 
  жароҳатдан пастки соҳада ҳамма сезгиларнинг йўқолиши;
  
• 
  қўлларда илдизли оғриқлар;
  
• 
  сийдик ажратишнинг бузилиши;
  
• 
  Клод – Бернар – Горнер синдроми: миоз, птоз, энофтальм (CVII –CVIII – DI сегментлар жароҳатида кузатилади).
  
  • 
    Орқа мия кўкрак қисмининг жароҳатланиши – DIII – DXII сегментлар I-IX кўкрак умуртқалари сатҳида:
    
• 
  пастки параплегия;
  
• 
  орқа мушакларнинг парези ёки параличи;
  
• 
  қорин рефлексларининг тушиши:
  

Юқориги - D VIII - D IX сегментлар;

Ўрта - D X – DXI сегментлар;

Пастки - D XI – DXII сегментлар;

• 
  сезгининг бузилишлари:
  

IV - қовурға чизиғи - DV сегмент;

Қовурға ёйи чизиғи - DVII сегмент;

Киндик чизиғи - DX сегмент; Пупарт бойлами чизиғи - DXII сегмент;

• 
  жароҳат сатҳида белбоғсимон илдизли оғриқлар;
  
• 
  сийишнинг бузилиши.
  

Орқа мия бел қисмининг жароҳати – X-XII кўкрак ва I бел умуртқалари сатҳидаги сегментлар:

• 
  пастки параплегия ёки парапарез;
  
• 
  рефлексларнинг пасайиши:
  

Тизза - L II – L IV сегментлар;

Ахилл - SI –SII сегментлар; Кремастер - LI – LII сегментлар;

• 
  пупарт бойламидан пастда сезгининг йўқолиши;
  
• 
  сийишнинг бузилиши.
  

Орқа мия конусининг жароҳати – SIII-SV сегментлар I-II бел умуртқалари сатҳида:

• 
  параличнинг бўлмаслиги;
  
• 
  оралиқ соҳасидаги ҳамма сезгиларнинг йўқолиши;
  
• 
  сийдик ажратишининг бузилиши, сийдикни тута олмаслик. От думининг жароҳати.
  
• 
  оёқнинг параличи ёки парези;
  
• 
  оралиқ соҳаси ва оёқларда сезгининг йўқолиши;
  
• 
  оёқларда илдизли оғриқ;
  
• 
  сийдик ажратишнинг бузилиши.
  

Орқа миянинг чайқалиши орқа мия жароҳатининг енгил тури ҳисобланади. Миянинг травма соҳаси макроскапик нормал бўлса ҳам айрим ҳолларда озгина гиперемия ва енгил шиш бўлиши мумкин. Микроскапик – алоҳида нуқтасимон қон қуйилишлар бўлади. Клиник кўринишлари – қисман ёки тўлиқ паралич, пай рефлексларининг сусайиши ёки йўқолиши, сезгининг гипестезия ёки анестезия кўринишида бузилиши, қисқа муддатли сийдик тутилиши. Неврологик симптомларнинг регресияси ёки тўлиқ йўқолиши орқа мия чайқалиши даражасига боғлиқ ҳолда бир неча минут ёки соатдан кейин 2-3 ҳафтагача содир бўлади.

Клиник кечиши ва патоморфолагик ўзгаришларга қараб орқа мия жароҳатлари 4 даврга бўлинади:

1. 
   Ўткир даври биринчи 2-3 суткагача давом этади.
   

• 
  патоморфологик ўзгаришлар: орқа миянинг бевосита жароҳатланиши натижасида бирламчи травматик некроз, унинг шишиши ва ўткир қон, ликвор ва лимфа айланишларининг бузилиши.
  

Орқа миянинг тўлиқ анатомик узилиши бўлганда учлари бир – биридан 1-15см гача узайиши мумкин.

• 
  клиник кўриниши орқа мия ўтказувчанлигининг тўлиқ бузилиши кўринишида, орқа миянинг кўндаланг узилишидаги клиника.
  

2. 
   Дастлабки даври 2-3 ҳафтагача давом этади.
   

• 
  патоморфологик ўзгаришлар: реактив ўзгаришларнинг қайта ривожланиши (шиш, қон ва лимфа айланишининг бузилиши), иккиламчи некроз, юқорига кўтарилувчи ва пастга тушувчи дегенератив ўзгаришлар.
  
• 
  клиник кўриниши: орқа мия ўтказувчанлигининг тўлиқ бузилиш синдроми, ётоқ яралар, цистит, пиелит, пиелонефрит, пневмания (асосан кўкрак ва бўйин қисми зарарланса), уросепсис.
  

3. 
   Оралиқ даври 2-3 ойгача.
   

• 
  патологик ўзгаришлар: продуктив арохноэдит ва кисталарнинг пайдо бўлиши, қон қуйилгандан кейинги эпидурал тўқимада чандиқнинг ривожланиши.
  
• 
  клиник кўриниши: бу даврнинг бошида спинал шок белгилари йўқолади, атония ва арефлексия гипертония ва гиперрефлексия билан алмашинади, спастика пайдо бўлади, орқа мия жароҳатининг харакатери ва ҳақиқий ўлчамини аниқлаш мумкин. Инфекцион асоратлар ва трофик бузилишлар ёмон кечганда кахексия ва ўлимга олиб келиши мумкин.
  

4. 
   Кечки давр. Жароҳатдан кейин 3 ойдан 2-3 йилгача ва кўпроқ чўзилиши мумкин.
   

• 
  патологик ўзгаришлар: парчаланган миелин маҳсулотларининг сурилиши, орқа миянинг эзилган соҳасидаги қон куйкалари бир неча йиллар чўзилиши мумкин, зарарланган ва қон қуйилган жойларда кисталар ривожланади. Жароҳатланган орқа мия дефектлари ўрнига бириктирувчи тўқима ўсади.
  

ЭСЛАТМА! Ўлган нерв толалари қайтиб тикланмайди.

• 
  клиник кечиши жароҳатнинг оғирлиги ва локализациясига боғлиқ. Ўтказувчанликнинг бузилиши спастик папапарез ёки параплегия, парагипестезия кўринишида намоён бўлади. Кечки асоратларидан бўлиши мумкин:
  

пахименингитлар, арахноидитлар, менингорадикулитлар. Сийдик йўлларидаги инфекция пасаяди, лекин цистит ёки пиелитлар даврий равишда қўзғалиши мумкин.

Орқа мия жароҳатларининг асоратлари:

• 
  травматикда – травматик шок, қон кетиш, бирламчи ликворея;
  
• 
  инфекционда – жароҳатнинг йиринглаши, остеомиелит, эпидурал тўқима қаватларининг ва орқа миянинг йирингли асоратлари.
  
• 
  трофопаралитикда – ётоқ яралар, уроинфекция, уросепсис, пневмония.
  
• 
  чандиқли битишмаларнинг ривожланиши – сурункали спинал эпидермит, пахименингитлар, арахноидитлар кузатилади.