8.Умуртқа поғонаси жароҳатларида шошилинч ёрдам». Реферат мавзу Умурта поонаси жароатларида шошилинч ёрдам Бажарди тингловчи
 Скачать 87.13 Kb.
|
Талаба эсидатутишикерак!Агар бемор умуртқа поғонаси ёки орқа мия жароҳати билан эс-ҳушисиз ёки алкоголли мастлик ҳолатида бўлса, диагноз қўйиш ва жароҳатни аниқлаш қийин. Бундай ҳолатда мучалардаги мушак тонуслари ва пай рефлексларининг пасайиши ёки йўқолиши орқа мия жароҳатидан далолат бўлади. Рентгенологик текширишлар.Икки проекцияда олиб борилади – олдинги – орқа ва ён. Ён проекция кўпроқ маълумот беради. Кўрсатмаларга қараб мўлжалли рентгенограмма ҳамда қийшиқ рентгенограмма қилинади. Бунда умуртқа танаси, равоқлари, бўғинларидаги ўзгаришлар яққолроқ намоён бўлади. Бўйин умуртқалари жароҳатини аниқлаш учун флекцио ва максимал экстензия ҳолатида функционал рентгенограмма қилинади. Атланта ва аксиснинг тишсимон ўсиғи синганга гумон қилинса, оғзи очиқ ҳолда рентгенограмма қилинади. Номаълум диагностикада томография қилинади, умуртқалараро дисклардаги ўзгаришларни аниқлаш учун контрастли дискография, қирралараро ва қирралар усти бойламларидаги жароҳатлрни аниқлаш учун лигаментография қилинади. Булардан ташқари компьютер томография, ядроли – магнит резонанс тамогриф қилинади. Рентгенограммада умуртқа синганда кўпинча қуйидаги белгилар кузатилади: умуртқа танаси шакли ўзгаради, баландлиги пасаяди, понасимон деформация рўй беради, бунда понанинг учи олдинга, асоси – орқага йўналган, айрим ҳолларда умуртқа канали бўшлиғига кирган бўлади - Урбан понаси. умуртқа танаси структурасидаги суяк зичлигининг ўзгариши: суяк тўқимаси расми йўқолади, соя интенсивлиги кучаяди; жароҳатланган жойдаги умуртқа танаси контури бутунлиги бузилади: умуртқа танасининг олдинги – юқориги ёки олдинги – пастки қисмининг ажралиши, айрим ҳолларда кўп осколкали «портловчи » синишларда умуртқа танаси катта бўлаклари кўриниши мумкин; умуртқа поғонаси бўйин ёки кўкрак қисмидаги физиологик лордознинг тўғриланиши, айрим ҳолларда умуртқанинг синиш харакатери ва сонига қараб кифоитик қийшайиши мумкин; умуртқа танаси ён компрессиясига олдинги – орқа рентгенограммада умуртқа устунининг скалиотик деформацияси кузатилади. Деформация чўққиси қисилган умуртқага тўғри келади; ўткир ўсиқларнинг елпиғичсимон ажралиши ёки 2 та ўткир ўсиқ орасидаги масофанинг узайиши, умуртка устунининг кифотик деформацияси даражаси ва характерига боғлиқ.; умуртқалараро ёриқ баландлигининг ўзгариши: чала чиқиш, чиқиш ва умуртқанинг парчаланиб синишида ёриқ тораяди ёки бутунлай йўқолади. умуртқаларнинг ён томонга силжиши умуртқанинг синиб силжишини билдиради. Умуртқанинг ён томонга силжишини умуртқа танасининг орқа ён қирраси ҳолати ва бўғим ўсиқларининг бир – бировига нисбатига асосланиб баҳоланади. умуртқа танаси сагиттал синишлари олдинги–орқа проекцияли рентгенограммалар билан аниқланади. Синиш чизиғи умуртқа танасининг юқориги қиррасидан то пастки қиррасигача узунасига кетган бўлади; умуртқа танаси синишида туташтирувчи пластинка жароҳатланса (кириб борувчи синишлар) ён рентгенограммада унинг деформацияси, контурлар бутунлиги бузилган бўлади. умуртқанинг чиқиш ва чала чиқишларида асосий симптомлар: умуртқалараро бўғимининг нисбати бузилади: чала чиқишларда пастки бўғим ўсиғининг чиқиш жойидаги юқориги умуртқа бўғим ўсиғи танасига 1/2-2/3 қисмга олдинга силжиши юзага келади. Чиқишларда бўғим ўсиқлари бир-бирига тегмайди. Шунинг учун умуртқа танаси олдинга силжийди, юқоридаги умуртқа чиққан ҳисобланади. Чиққан соҳа силжиш даражасидан умуртқа каналининг сагиттал ўлчами қисилиши боғлиқ бўлади. |