Солиқ ўзгаришлари 2019 йил. 1.1-ИЛОВА Укув кулланма УЗБ. збекистон Республикаси Давлат соли митаси 2019 йилда соли онунчилигига киритилаётган згаришлар юзасидан
 Скачать 7.33 Mb.
|
|
Имтиёзлар Фойда солиғи бўйича имтиёзлар Солиқ кодексининг 158-159-моддалари ҳамда бошқа норматив-ҳуқуқий хужжатлар билан белгиланган. Ставкалар (%да)
Солиқ солинадиган база қандай ҳисобланади Солиқни ҳисоблаш солиқ солинадиган база ва белгиланган ставкадан келиб чиққан ҳолда амалга оширилади. Солиқ солинадиган база қуйидаги формула бўйича аниқланади.  Бу ерда: СТФ – солиқ тўлангунга қадар фойда (зарар) (“Молиявий натижалар тўғрисида ҳисобот” - 2-сонли шаклнинг 240-сатри); ТПЗ – товар (иш, хизмат)ларни таннархидан паст баҳоларда реализация қилишдан ва текин беришдан зарарлар; ТММ – солиқ тўловчи томонидан бошқа шахслардан текин олинган мол-мулк, мулкий ҳуқуқлар, ишлар ва хизматлар; ИҲФ – давлатнинг кўчмас мулкидан фойдаланганлик учун ижара ҳақининг энг кам ставкаларидан келиб чиқиб ҳисобланган ижара ҳақи миқдорининг шартномада белгиланган ижара ҳақи миқдоридан ошган суммаси; ЧХ – чегирилмайдиган харажатлар (солиқ солинадиган базага киритиладиган харажатлар); ДФ – олинган (олиниши лозим бўлган) дивидендлар ва фоизлар; И – имтиёзлар ва камайтириладиган суммалар. Бунда, солиқ тўлангунга қадар фойданинг таркибида Ўзбекистон Республикаси Солиқ кодексининг 129-моддаси учинчи қисмига мувофиқ солиқ тўловчининг даромади сифатида қаралмайдиган даромадлар ҳисобга олинган бўлса, ушбу суммалар солиқ солинадиган фойдадан чегириб ташланади. Солиқ кодексининг 146-моддасига мувофиқ ҳисобот даврида солиқ солинадиган базадан чегирилмайдиган, бироқ келгуси ҳисобот даврларида солиқ солинадиган базадан чегириладиган харажатлар мавжуд бўлса, илгари қилинган бундай харажатлар ўртасидаги фарқ солиқ солинадиган базага киритилади. Бюджетга тўланадиган солиқ суммаси қандай ҳисобланади Бюджетга тўланиши лозим бўлган фойда солиғи суммаси қуйидаги тартибда аниқланади.  Бу ерда: ФС - бюджетга тўланадиган солиқ суммаси; ССБ – солиқ солинадиган база; СС – солиқ ставкаси; Фойда солиғи бўйича ҳисоботлар қачон тақдим этилади Фойда солиғининг ҳисоб-китоби ортиб борувчи якун билан ҳисобот чорагидан кейинги ойнинг 25-кунидан кечиктирмай, йил якунлари бўйича эса, йиллик молиявий ҳисобот тақдим этиш муддатида тақдим этилади. Фойда солиғи бўйича жорий тўловларнинг суммасини аниқлаш учун ҳисобот чораги биринчи ойининг 10-кунигача тахмин қилинаётган солиқ солинадиган фойда ва солиқ ставкасидан келиб чиқиб ҳисобланган фойда солиғининг суммаси ҳақида маълумотнома тақдим этилади. Юридик шахслардан тўлов манбаида олинадиган фойда солиғи ҳисоб-китоби тўлов амалга оширилган ҳисобот даври тугагандан кейин 25 кундан кечиктирмай тақдим этилади.  Фойда солиғи қайси муддатларда тўланади Юридик шахслардан олинадиган фойда солиғини тўлаш қуйидагича амалга оширилади: ҳисобот чорагида тахмин қилинаётган солиқ солинадиган фойдаси энг кам иш ҳақининг 200 бараваридан ошадиган солиқ тўловчилар ушбу фойда ва белгиланган ставкадан келиб чиққан ҳолда ҳисоблаб чиқарилган жорий тўловлар суммасининг 1/3 қисмини ҳар ойнинг 10-кунидан кечиктирмай тўлайди; юридик шахслардан олинадиган фойда солиғини тўлаш ҳисоб-китобларни топшириш муддатларидан кечиктирмай амалга оширилади. Дивидендлар ва фоизлар, шунингдек Ўзбекистон Республикаси норезидентларига тўланадиган даромадлар бўйича юридик шахслардан тўлов манбаида олинадиган фойда солиғи даромадларни тўлаш санасидан кечиктирмай бюджетга тўланади. Фойда солиғи ҳисоб-китоби қандай тўлдирилади Мисол. Корхона I чорак учун фаолият якунлари буйича қуйидаги кўрсаткичларга эга: Маҳсулотларни, ишларни, хизматларни реализация қилишдан соф тушум 250 000 минг сўм; Давр харажатлари- 25 800 минг сўм, шундан чегирилмайдиган харажатлар – 16 000 минг сўм; Молиявий фаолиятдан даромадлар (дивидендлар) – 18 000 минг сўм; Қиймати 820 минг сўмлик ускуна текинга олинган; Фойда солиғи тўлагунга қадар фойда (Молиявий натижалар тўғрисидаги ҳисоботнинг-240-сатр) -124 000 минг сўм. Бунда Корхона ҳисобот чорагида экология жамғармасига текинга бадал (500 минг сўм) ва ёш оилалар жумласидан бўлган ходимларининг ипотека кредитларини қоплаш бўйича бадал (3 800 минг сўм) ўтказди. Корхонанинг солиқ солинадиган фойдаси қуйидагича ҳисоблаб чиқилади: Фойда солиғи тўлангунга қадар фойда + текинга олинган мол-мулк + чегирилмайдиган харажатлар – олинган дивидендлар ва 121 180 минг сўмни (124 000 + 820 + 16 000 – 18 000) ташкил этади. Олинган дивидендлар суммаси солиқ солинадиган базадан чиқариб ташланади, чунки уларга тўлов манбаида солиқ солинади. Корхона ҳисобот чорагида экология жамғармасига бадал ва ёш оилалар жумласидан бўлган ходимларининг ипотека кредитларини қоплаш бўйича бадал ўтказганлиги учун у солиқ солинадиган фойдани камайтиришга хақли, лекин қуйидагилардан кўп эмас: Солиқ солинадиган фойданинг 2 фоизи – экология жамғармасига бадаллар бўйича (Солиқ кодекси 159-моддасининг 1-банди); Солиқ солинадиган фойданинг 10 фоизи – ипотека кредитларига бадаллар бўйича (Солиқ кодекси 159-моддасининг 5-банди); Экология жамғармасига 500 минг сўм ўтказилган эди, бу солиқ солинадиган фойдадан 2 фоизга (121180 * 2% = 2423,6 минг сўм) кам, тегишинча, солиқ солинадиган фойда ушбу харажатларнинг ҳақиқатдаги суммасига, яъни 500 минг сўмга камаяди. Ходимларнинг ипотека кредити бўйича бадаллари ўтказилган 3800 минг сўм солиқ солинадиган фойдадан 10 фоиз камни (12 118 минг сўм) ташкил этади, ва тегишинча, солиқ солинадиган фойдани тўлиқ ҳажмда камайтиради. Камайтирилган солиқ солинадиган фойда суммаси Фойда солиғи ҳисоб-китобининг 090-сатрида ва Ҳисоб-китобга 2-сон илованинг тегишли сатрларида кўрсатилади. Шундай қилиб, корхонанинг ҳисобот йили учун солиқ солинадиган базаси 116 880 минг сўмни (121 180 – 500 - 3 800) ташкил этади. Фойда солиғи суммаси чорак учун 14 025,6 минг сўмни (116 880 х 12%) ташкил этади.  |