Аяпбергенова гульсум сагындыковна
 Скачать 4.5 Mb.
|
|
Зерттеу нысаны: жоғары оқу орнында болашақ бастауыш сынып мұғалімдерін даярлау процесі. Зерттеу пәні: болашақ бастауыш сынып мұғалімдерінің арнайы құзыреттілігін қалыптастыру. Зерттеу жұмысының мақсаты: болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың құрылымдық-мазмұндық моделі мен педагогикалық шарттарын теориялық тұрғыдан негіздеу және эксперименталдық тұрғыдан сынақтан өткізу. Зерттеудің ғылыми болжамы: егер жоғары оқу орнының білім беру процесіне болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың әзірленген құрылымдық-мазмұндық моделі мен анықталған педагогикалық шарттары енгізілсе, онда жалпы болашақ бастауыш сынып мұғалімдерін даярлау сапасы артады, өйткені болашақ бастауыш сынып мұғалімдерінің пәндік, әдістемелік, жобалық компоненттердің жиынтығымен сипатталатын арнайы құзыреттілігі қалыптасады. Зерттеудің қойылған мақсаты мен болжамына сәйкес зерттеудің міндеттері анықталды: 1. Болашақ бастауыш сынып мұғалімдерінің арнайы құзыреттілігі қалыптасуының мәндік сипаттамасын талдау; болашақ бастауыш сынып мұғалімдерінің арнайы құзыреттілігінің мазмұнын ашу. 2. Болашақ бастауыш сынып мұғалімдерінің арнайы құзыреттілігін қалыптастырудағы жобалар әдісінің мүмкіндіктерін анықтау. 3. Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың құрылымдық-мазмұндық моделін теориялық негіздеу және өңдемелеу. 4. Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың педагогикалық шарттарын анықтау. 5. Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың әзірленген құрылымдық-мазмұндық моделі мен анықталған педагогикалық шарттарының тиімділігін тәжірибелік-эксперименттік жолмен тексеру. Зерттеудің жетекші идеясы: пәндік, әдістемелік, жобалық компоненттердің жиынтығымен сипатталатын арнайы құзыреттілігін қалыптастыру жалпы болашақ бастауыш сынып мұғалімдерін даярлаудың сапасын арттырады. Зерттеудің әдіснамалық және теориялық негіздері: - философиялық деңгейде: тұтас педагогикалық үдерісті дамыту тұжырымдамасы ретіндегі білім берудегі диалектикалық-материалистік тәсілдеме (В.И. Загвязинский, В.С. Ильин, В.В. Краевский, А.М. Новиков және т. б.); тұлғаның іс-әрекеттегі тұтас даму процесінің тұжырымдамасы (Б.Г. Ананьев, Ю.К. Бабанский, П.Я. Гальперин, А.Н. Леонтьев, С. Л. Рубинштейн, Н. Ф. Талызина, Э. Г. Юдин және т. б.); адам тұлғасын жоғары құндылық ретінде анықтайтын және адамның әлеуметтік даму процесін өзіндік мақсат ретінде қарайтын аксиологиялық тұғыр (М. С. Каган, Д. С. Лихачев, В. А. Сластенин, Е. Н. Шиянов және т. б.); - жалпы ғылыми деңгейде: білім беру процесі мен әрекет құбылыстары арасындағы өзара байланысты зерттеудегі жүйелі-құрылымдық тұғыр (С.И. Архангельский, В.П. Беспалько, Н.М. Борытко, М.С. Каган, В.В. Краевский, Н.В. Кузьмина, Н.К. Сергеев және т. б.); білім беру процесінде тұлғаның дамуына іс-әрекеттік тәсілдеме (В.П. Беспалько, А.А. Вербицкий, Л. С. Выготский, П. Я. Гальперин, В. В. Загвязинский, И. П. Иванов, А. Н. Леонтьев, С. Л. Рубинштейн және т. б.); - нақты-ғылыми деңгейде: тұлғалық-бағдарланған білім беру парадигмасымен шартталатын ізгілендіру және білім беруді ізгілендіру идеялары (И.В. Бестужев-Лада, А.А. Бодалев, Е.В. Бондаревская, Б.С. Гершунский, Б.М. Неменский, В.В. Сериков, В.А. Сластенин және т. б.); оқу іс-әрекеті теориясы (П. Я. Гальперин, В.В. Давыдов, М.В. Кларин, А.Н. Леонтьев, И.Я. Лернер және т. б.); білім берудегі құзыреттілік тұғыр идеялары (В.И. Байденко, Т.Ю. Базаров, А.Г. Бермус, В. Гутмахер, Г.Е. Исаева, Э.Ф. Зеер, И.А. Зимняя және т. б.). - технологиялық деңгейде: жобалық оқыту саласындағы теориялық идеялар (П.П. Блонский, П.Ф. Вахтерова, П.Ф. Каптерева, А.С. Макаренко, С.Т. Шацкий және т. б.), жоғары мектептегі студенттердің жобалық іс-әрекеті бойынша құзыреттілік тұғырлар (В.И. Загвязинский, В.П. Ларина, В. А. Пупков, И. Э. Смирнованың және т. б.) құрайды. Қойылған міндеттерді орындау үшін зерттеу әдістері қолданылды: теориялық: зерттелетін мәселенің әзірленуінің жай-күйін және дәрежесін анықтау үшін зерттеу мәселесі бойынша отандық және шетелдік авторлардың философиялық, психологиялық-педагогикалық дереккөздерін талдау және жалпылау, нормативтік-құқықтық құжаттарды талдау, жобалар әдісін пайдалану бойынша бастауыш сынып мұғалімдерінің құжаттарын оқып үйрену; эмпирикалық: студенттермен, педагог-практиктермен, жоғары оқу орны оқытушыларымен сауалнама жүргізу, бақылау, әңгімелесу; болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыру бойынша құрылымдық-мазмұндық модель мен педагогикалық шарттардың тиімділігін тәжірибелік-эксперименттік тексеру; мәліметтерді математикалық тұрғыдан өндеу және т.б. Зерттеу көздері: «Білім туралы» Қазақстан Республикасының Заңы, Қазақстан Республикасы Үкіметінің білім беру саласындағы қаулылары, білім беруді дамытудың Мемлекеттік бағдарламалары, Қазақстан Республикасы Білім және ғылым министрлігінің салалық бағдарламалары мен білім беру тұжырымдамалары, Мемлекеттік жалпыға міндетті бастауыш білім беру стандарты, жобалар, отандық және шетелдік ғалымдардың ғылыми, оқу және әдістемелік еңбектері, халықаралық және республикалық конференциялар мен мерзімдік басылымдар материалдары, сондай-ақ автордың педагогикалық, зерттеу тәжірибесі. Зерттеудің негізгі кезеңдері: Бірінші кезең (2017-2018 жж.) – Бұл кезең зерттеу мәселесін қою және пайымдаумен, жалпы және арнайы ғылыми әдебиеттерді, оның әдіснамасын анықтау мақсатында зерттеу мәселесі бойынша нормативтік-құқықтық және ведомстволық актілер базасын кешенді зерттеу және талдаумен, жобалар әдісін қолдану негізінде болашақ бастауыш сынып мұғалімдерінің арнайы құзыреттілігін қалыптастырудың қолданыстағы практикасын зерттеумен, жобалар әдісін қолдану негізінде болашақ бастауыш сынып мұғалімдерінің арнайы құзыреттілігін қалыптастыруды педагогикалық және нормативтік қамсыздандыруды анықтаумен байланысты. Бұл зерттеудің теориялық негіздерін анықтауға және диссертацияның ғылыми аппаратын жасауға мүмкіндік берді. Екінші кезең (2018-2019 жж.) зерттеудің эмпирикалық негіздерін зерттеуге, жобалар әдісі негізінде болашақ бастауыш сынып мұғалімдерінің арнайы құзыреттілігін қалыптастырудың құрылымдық-мазмұндық моделін әзірлеуге және педагогикалық шарттарын анықтауға, студенттер мен оқытушылар арасында сауалнама жүргізуге, алынған мәліметтерді өңдеу және талдауға арналған. Үшінші кезең (2019-2020 жж.) жобалар әдісі негізінде болашақ бастауыш сынып мұғалімдерінің арнайы құзыреттілігін қалыптастырудың құрылымдық-мазмұндық моделі мен педагогикалық шарттарын апробациялауға және олардың тиімділігін эксперименттік тексеруге бағытталған. Бұл кезеңде тәжірибелік-эксперименттік жұмыстың қорытындылары жасалды, алынған нәтижелер талданып, зерттеу болжамы мен міндеттерімен сәйкестігі салыстырылды. Бұл кезең сонымен қатар зерттеу нәтижелерін жалпылаумен және диссертациялық жұмысты рәсімдеумен байланысты. Зерттеу базасы: Е. А. Бөкетов атындағы Қарағанды университеті, Павлодар педагогикалық университеті. Зерттеудің ғылыми жаңалығы мен теориялық маңыздылығы: 1. Болашақ бастауыш сынып мұғалімдерінің арнайы құзыреттілігін қалыптастырудың мәндік сипаттамасы талданды; болашақ бастауыш сынып мұғалімдерінің арнайы құзіреттілігінің мазмұны, сондай-ақ «арнайы құзыреттілік», «болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыру» ұғымдары нақтыланды. 2. Болашақ бастауыш сынып мұғалімдерінің арнайы құзыреттілігін қалыптастырудағы жобалар әдісінің мүмкіндіктері анықталды. 3. Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың құрылымдық-мазмұндық моделі жасалды. 4. Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың педагогикалық шарттары анықталды. 5. Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың құрылымдық-мазмұндық моделі мен педагогикалық шарттарының тиімділігі тәжірибелік-эксперименттік жолмен тексерілді. Зерттеудің практикалық маңыздылығы: Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыруды әдістемелік қамтамасыз ету мақсатында оқу процесіне мыналар енгізілді: - 5В010200 – «Бастауыш оқыту педагогикасы мен әдістемесі» мамандығы бойынша оқу жоспарына сәйкес пәндер бағдарламаларына (базалық пәндер (БП) циклындағы «Бастауыш мектептегі тәрбие жұмысының теориясы мен әдістемесі»; кәсіптендеру циклындағы (КП) («Бастауыш мектепте математиканы оқыту әдістемесі», «Бастауыш мектепте дүниетануды оқыту әдістемесі», «Бастауыш мектепте жаратылыстануды оқыту әдістемесі» (ТК) қосымшалар; - оқу құралы: Бастауыш мектепте жобалар әдісін пайдалану. - электрондық оқу құралы: Білім беруде жобалар әдісін қолдану. -әдістемелік ұсынымдар: Болашақ бастауыш сынып мұғалімдеріне арналған «Оқу пәндері мазмұнын жобалау» атты әдістемелік ұсыным. - элективті курс: Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыру. - семинарлар және дөңгелек үстелдер: 1. Болашақ бастауыш сынып мұғалімдерінің арнайы құзыреттілігін қалыптастырудың маңыздылығы. 2. Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыру әдістемесі. Зерттеу нәтижелері мен қорытындылары, «Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыру» атты элективтік курстың оқу-әдістемелік кешені болашақ бастауыш сынып мұғалімдерін кәсіби даярлау жүйесінде қолданыс таба алады. Қорғауға ұсынылатын негізгі қағидалар: 1. Тұлғалық, ерекшелік және жалпы философиялық категориялардың ұқсастық теориясын (жеке, ерекше және жалпы) ерекшелеуге сәйкес «құзыреттілік» ұғымы - кәсіби міндеттердің орындалуын, мақсаттар мен нәтижелерге қол жеткізуді қамтамасыз ететін әрекетті сапалы жүзеге асыру қабілеттерінің жиынтығы (жалпы): «кәсіби құзыреттілік» – қоғамда қабылданған нормаларға, стандарттар мен талаптарға сәйкес кәсіби функцияларды орындау қабілеті мен дайындығын анықтайтын тұтас кәсіби және тұлғалық сипаттама (ерекше); «арнайы құзыреттілік» - кәсіби қызметтің нақты пәндік немесе пәннен тыс саласының ерекшелігін көрсететін өз жұмысының нәтижелерін дербес іске асыру, басқару, сыни бағалай алуының көрініс табуы (жеке). 2. «Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыру» ұғымын пәндік, әдістемелік, жобалау компоненттерінің жиынтығымен сипатталатын кәсіби іс-әрекеттер саласындағы нақты пәндік немесе пәннен тыс саласының ерекшелігін көрсететін оқу пәні мен кәсіби іс-әрекетті өз бетінше жүзеге асыруға, басқаруға, өз еңбегінің нәтижелерін сын тұрғысынан бағалауға даярлығы ретінде қарастырамыз. 3. Арнайы құзыреттілігін қалыптастыруда жобалар әдісін қолдану болашақ бастауыш сынып мұғалімдерінде оқытудың прогрессивті әдістемесін одан әрі дамыту негізінде шығармашылық іс-әрекетінің алгоритмін құруға да ықпал етеді, кәсіби біліктілігінің көрсеткіші ретінде де көрініс береді. 4. Өзара байланысты компоненттердің жиынтығы болып табылатын жобалар әдісі негізінде болашақ бастауыш сынып мұғалімдерінің мотивациялық, когнитивтік, іс-әрекеттік және рефлексивті компонеттерінің, сонымен қатар ұйымдасқан, мақсатты бағытталған, педагогикалық ықпал ету үшін қажетті тұғырлардың, функциялардың, принциптердің, шарттардың жиынтығымен сипатталатын арнайы құзыреттілігін қалыптастырудың құрылымдық-мазмұндық моделі. 5. Болашақ бастауыш сынып мұғалімдерінің арнайы құзіреттілігінің қалыптасуын қамтамасыз ететін олардың арнайы құзыреттілікке ие болу алғышарттары және педагогикалық процестің сыртқы жағдайларының жиынтығы ретіндегі педагогикалық шарттар: - бастауыш сынып мұғалімдерінің жобалар әдісі негізінде арнайы құзыреттілігін қалыптастыруға деген ішкі мотивациясын дамыту; - болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыруды ғылыми-әдістемелік қамтамасыз ету; - болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыру бойынша жұмыстың (оқу және оқудан тыс) әртүрлі нысандары мен әдістерін қолдану; - бастауыш сынып мұғалімдерін арнайы құзыреттілігін жобалар әдісі негізінде қалыптастыру бойынша практикалық дағдыларды игеруді қамтамасыз ететін бірлескен жобалық іс-әрекетке жұмылдыру; - болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыруда профессор-оқытушылар құрамының, біліктілікті арттыру институттарының, қоғамдық ұйымдардың әрекетін үйлестіру және желілік өзара әрекеттестікті қамтамасыз ету. 6. Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың құрылымдық-мазмұндық моделі мен педагогикалық шарттарының тиімділігін тәжірибелік-эксперименттік тексеру нәтижелері. Зерттеу нәтижелерін сынақтан өткізу және тәжірибеге ендірілуі: Халықаралық ғылыми - практикалық конференцияларға қатысу: Қоғамдық сананы жаңғырту жағдайында білім беру мазмұнын жаңарту: Халықаралық ғылыми-практикалық конференция материалдары ( Қарағанды 2018ж); «XIX Сәтбаев оқулары». Халықаралық ғылыми конференциясының материалдары (Павлодар, 2019); «Ғылым және білім – қазіргі жағдайдағы қоғам дамуының маңызды факторы»: VI халықаралық ғылыми-практикалық конференция материалдары (Қарағанды, 2019); Алыс шетелдердің ғылыми журналдарында мақаланы жариялау: Ad Alta: journal of interdisciplinary research (Чехия, 2019); Science for Education Today (Россия,2020), Modalități conceptuale de dezvoltare a științei moderne (România 2020), Педагогическо списание на Великотърновския университет. «Св. Кирил и Методий» (Болгария, 2021), Халықаралық ғылыми журнал инновациялық ғылым (Башкирия, 2019 ж), Ғылым хабаршысы (Тольятти, 2020); ҚР БҒМ БҒСБК ұсынған ғылыми журналдарда мақаланы жариялау: ЕГИ хабаршысы (Нұрсұлтан 2018 ж), Абай атындағы ҚазҰПУ хабаршысы. (Алматы, 2018), ПМУ Хабаршысы (Павлодар, 2018), ПМУ Хабаршысы (Павлодар 2019), Торайғыров университеті хабаршысы (Павлодар 2020); Scopus базасындаиндекстелетінжурналдардамақалажариялау: Journal of Siberian Federal University - Humanities and Social Sciences (2021, 14 (9); X 1 оқу құралы, 1электрондық оқулық, 1 әдістемелік ұсыным жарық көрді. Зерттеу нәтижелері мен қорытындылардың дәлелділігі мен негізділігі зерттеушінің бастапқы теориялық ұстанымдарымен, жұмыстың жеткілікті ұзақтығымен және жоспарлылығымен, зерттеудің ғылыми аппаратының қисындылығымен, ғылыми-педагогикалық зерттеу әдістерінің кешенін іске асырумен, эксперименттік деректердің сапалық және сандық талдауымен, экспериментке қатысқан студенттер арасында арнайы құзыреттілігін қалыптастыру деңгейлеріндегі оң өзгерістермен, тәжірибелік-эксперименттік жұмыс мазмұнының ғылыми аппаратқа сәйкестігімен қамтамасыз етіледі. Диссертацияның құрылымы: диссертация кіріспеден, екі тараудан, қорытындыдан, пайдаланылған әдебиеттер тізімінен, қосымшалардан тұрады. Диссертацияның жалпы көлемі 138 бет. Кіріспеде зерттеудің тақырыбын таңдау, оның көкейкестілігі негізделеді, зерттеу объектісі мен пәні анықталады. Зерттеудің мақсаты, міндеттері, болжамы, жетекші идеясы тұжырымдалады. Ғылыми жаңалығы, теориялық және практикалық маңыздылығы анықталады, қорғауға шығарылатын негізгі ережелер ұсынылады, жүргізілетін жұмыстардың кезеңдері, зерттеу нәтижелерін сынақтан өткізу және енгізу туралы мәліметтер беріледі. «Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың теориялық-әдіснамалық негіздері» атты бірінші тарауда «құзыр», «құзыреттілік», «кәсіби құзыреттілік», «арнайы құзыреттілік», «болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыру» ұғымдарының мағыналық сипаттамасы, болашақ бастауыш сынып мұғалімдерінің арнайы құзыреттіліктерін жобалар әдісі негізінде қалыптастырудыңдың құрылымдық-мазмұндық моделі ұсынылады және болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың тиімділігін қамтамасыз ететін педагогикалық шарттар негізделді. «Болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастыру бойынша тәжірибелік-эксперименттік жұмысының нәтижелері» атты екінші тарауында зерттеуді ұйымдастыру және оның әдістері; болашақ бастауыш сынып мұғалімдерінің арнайы құзыреттілігін жобалар әдісі негізінде қалыптастырудың құрылымдық-мазмұндық моделі мен педагогикалық шарттарының тиімділігін дәлелдейтін тәжірибелік -эксперименттік жұмыстың мазмұны ұсынылған Қорытындыда зерттеу жұмысының нәтижесіне негізделген тұжырым мен ұсыныстар берілген, мәселелерінің даму болашағы көрсетілген. Қосымшаларда диссертацияның негізгі мәтінін толықтыратын материалдар ұсынылды. 1 БОЛАШАҚ БАСТАУЫШ СЫНЫП МҰҒАЛІМДЕРІНІҢ АРНАЙЫ ҚҰЗЫРЕТТІЛІГІН ЖОБАЛАР ӘДІСІ НЕГІЗІНДЕ ҚАЛЫПТАСТЫРУДЫҢ ТЕОРИЯЛЫҚ-ӘДІСНАМАЛЫҚ НЕГІЗДЕРІ 1.1 Болашақ бастауыш сынып мұғалімінің арнайы құзыреттілігін қалыптастырудың мәндік сипаттамасы Болашақ бастауыш сынып мұғалімінің арнайы құзыреттілігін қалыптастыруды оның негізгі бағыттарын анықтауға мүмкіндік беретін құзыреттілік көзқарас тұрғысынан қарастыру қажет. Болашақ бастауыш сынып мұғалімінің арнайы құзыреттіліuін қалыптастыру мәселесі әртүрлі ұстанымдар тұрғысынан зерттелген. Бұл өз кезегінде «білім берудегі құзыреттілік тұғыр», «құзыреттілік», «кәсіби құзыреттілік» және «арнайы құзыреттілік», «болашақ бастауыш сынып мұғалімінің арнайы құзыреттілігі» сияқты негізгі ұғымдарды ашу қажеттілігін туындатады. Ғылыми әдебиеттерде осы ұғымдарға берілген көптеген пайымдаулар бар. Құзыреттілік тұғырдың негізгі ұғымдары «құзыреттілік» (компетентность) және «құзырлық» (компетенции) ұғымдары болып табылады. Құзыреттілік (лат. competens-тиісті, қабілетті) – кәсіби сауатты пікір, бағалау, пікір айтуға мүмкіндік беретін білім мен іскерлікті меңгеру. Атап өтілгендей, құзыреттілік тұғыр білім беру практикасына МЖМБС-ны енгізу және жоғары кәсіби білім берудің екі деңгейлі жүйесіне көшу арқылы кәсіптік білім беруде басымдыққа ие болуда, қазіргі уақытта теориялық тұрғыда құзыреттілік тұғыр жеткілікті түрде толық әзірленген, алайда кәсіби білім беру практикасы оның көптеген қағидалары әлі де болса жете ескерілмегендігін көрсетеді [70]. Құзыреттілікке бағытталған білім беруге көшу нормативтері бекітілген Мемлекеттік жалпыға білім беру стандартында «Болон декларациясына сәйкес білім беру нәтижесіне құзыреттілік тұғыр айқындаушы болып табылады, бұл еңбек нарығында мамандардың бәсекеге қабілеттілігін арттыруға ықпал етуі тиіс». Білім берудегі құзыреттілік тұғыр - білім алу, өзін-өзі анықтау (өзін-өзі басқару), өзін-өзі белсендіру, әлеуметтендіру және даралылықты дамыту мақсатына басым бағдарлауды көздейтін білім беру векторларын шамалайды. Бұл мақсатқа жетудің инструменталды құралдары ретінде жаңа метабіліммен қаруландырушы құзыреттілік, құзыреттілік және метасапа сияқты жаңа конструкторлар әрекет етеді. Қазіргі күні құзыреттілік тұғырдың таралуының бірқатар алғышарттарын зерттеушілер шетелдік және қазақстандық білім беру теориясы мен практикасында ерекшеленіп отыр. Осы уақытқа дейін білім берудегі құзыреттілік тұғыр тиісті проблематиканың жарияланымдарының ұлғаюына қарамастан, жеткілікті зерттелмеген және теориялық тұрғыдан пысықталмаған күрделі және қарама-қайшылыққа толы тақырып болып тұр. Осыған байланысты құзыреттілік тұғырға қатысты негізгі ұғымдарының жалпы қабылданған анықтамаларының болмауы, оның бастапқы қалыптасу кезеңінің аяқталмауына байланысты осы тұғырдың дамуының толыққанды тарихи-педагогикалық талдауының мүмкін еместігі бізді қолда бар жұмыс анықтамаларын пайдалануға мәжбүр етеді. Сонымен қатар, әлемдік және отандық білім беру тәжірибесінде құзыреттілік (модульдік-құзыреттілік) тұғырдың дамуы аталған проблеманы теориялық пайымдаудан әлдеқашан ілгерілеп отыр. Құзыреттілік білім беру («білім берудегі құзыреттілік тұғыр») – күрделі және қарама-қайшы тақырып. Ол қазіргі таңда тиісті проблематиканың жарияланымдарының ұлғаюына қарамастан жеткілікті зерттелмеген. Ұғымның өзі АҚШ-та көрнекті мұғалімдердің жұмыс тәжірибесін талдап, тұжырымдамалық негізді әзірлеудің көптеген әрекеттерінің нәтижесін зерттеу барысында пайда болды. Осылайша, құзыреттілік білім беру теориясы үздік тәжірибеден туындайтын практикаға негізделген. Алайда, құзыреттілік тұғыр бұрынғысынша педагогикалық білім беруде біркелкі мағынада, ал оны өз жұмысының тәжірибесінде пайдаланғанымен, бірқатар педагогикалық білім беру мекемелері үлкен сақтықпен жүзеге асырады. ММПУ ректоры В.Л. Матросов мұның себептерін былайша белгілейді: «Соңғы уақытта педагогикалық білім берудегі ғылымилық пен іргелілікті құзыреттілік тұғырға ауыстыру туралы ұсыну жиі көрініс беріп жүр. Мен математик ретінде дәл анықтамалармен жұмыс істеуге үйренгем. Жақында Ресей Білім Академиясының төралқасында құзыреттілік тұғыр мәселесі талқыланды және әлі күнге дейін «құзыреттілік», «құзыреттілік тұғыр» ұғымдарының нақты анықтамалары жоқ екендігі атап өтілді. Практикалық дайындықты, іргелі білім берудің белгілі бір функцияларына қарсы қоюға болмайды. Тез өзгеретін әлеуметтік-мәдени орта жағдайында тек негізгі ғылыми дайындық қана педагогтың кәсіби ұтқырлығын қамтамасыз ете алады [71]. Аталған ғылыми алаңда кезінде ПМПУ-дің бірінші проректоры болған В.Л. Матросовтың оппоненті ретінде пікір айтушы РМПУ-нің бірінші проректоры В.А. Козырев: «...құзыреттілік тұғыр туралы айтатын кезде мұғалімді дайындау кезінде іргелі қағидатын жою туралы ешкім ойламайды. Құзыреттілік адамның іргелі білімі бар және әртүрлі кәсіби міндеттерді шешуде оларды тәжірибеде қолдана алатын кезде ғана көрініс береді. Кәсіби құзыреттіліктің тіліндегі мақсаттар мен нәтижелерді тұжырымдау маңыздылықпен ерекшеленеді, өйткені бүгінгі таңда біз академиялық дайындыққа, білімді бағалауға көбірек бағдар аламыз. Педагогикалық мамандық – бұл ең алдымен практикалық іс-әрекет», – деген автордың пікірі маман дайындаудың практикалық бағытына мән беретіндігін көрсетеді [72]. Қазіргі зерттеушілер шетелдік және қазақстандық білім беру теориясы мен практикасында құзыреттілік тұғырдың таралуының бірқатар алғышарттарын ерекшелеп отыр. О.Е. Лебедев бойынша, білім берудегі құзыреттілік тұғыр – бұл «білім беру мақсаттарын анықтаудың, білім беру мазмұнын іріктеудің, білім беру процесін ұйымдастырудың және білім беру нәтижелерін бағалаудың жалпы қағидаттарының жиынтығы» [73]. Белгіленген ережелерге сүйене отырып, құзыреттілік тұғыр дәстүрлі практикалық бағыты бар педагогикалық білім беруде неғұрлым сұранысқа ие болып отырғандығын атап өтеміз. Бұл біз әзірлеген бастауыш сынып мұғалімдерінің арнайы құзыреттіліктерін қалыптастыру моделінің тұжырымдамалық негізі ретінде осы тұғырды қолдануға мүмкіндік бере алады. «Құзыреттілік» ұғымын оқыту практикасына енгізу А.В. Хуторский айтқандай, білім алушылар теориялық білім жинақтаумен қатар, нақты міндеттерді немесе проблемалық жағдайларды шешу кезінде оларды іске асыруда айтарлықтай қиындықтарды бастан кешіріп отырған мектеп үшін типтік проблеманы шешуге мүмкіндік береді. Сонымен қатар адам өмірінің тым жиі өзгеріп отыратын жағдайларына бейімделу қажеттілігінен пайда болатын, жаңа экономиканың және адам ресурстарына жаңа тұғырдың нәтижесі болып табылады [74]. Е.И. Огаревтің пікірінше, құзыреттілік – бағалау санаты, ол жеке тұлғаны мамандандырылған іс-әрекеттің субъектісі ретінде сипаттайды. Қабілеттіліктің дамытылуы білікті жұмысты орындауға, проблемалық жағдайларда жауапты шешімдер қабылдауға, қойылған мақсаттарға ұтымды сонымен бірге табысты қол жеткізуге әкелетін іс-әрекеттерді жоспарлауға және жетілдіруге мүмкіндік береді [75]. В. А. Сластениннің [76], А. М. Новиковтың [77], Н. В. Кузьминаның [78], С.Н. Чистякованың [79] пікірінше маманның «құзыреттілігі» – бұл қандай да бір саладағы табысты іс-әрекетті жүзеге асыру үшін қажетті жеке тұлғаның қабілеттері, сапалары мен қасиеттерінің жиынтығы. Э.Ф. Зеер «жалпыланған, әмбебап білімдерге қарағанда құзыреттілік пәрменді, практикалық-бағдарлы сипатқа ие» болатын ерекше белгілеріне назар аударады. Ғалымның түйіндеуінше, олар теориялық және қолданбалы білім жүйесімен қатар когнитивті және операциялық-технологиялық құрамдастарды да қамтиды. Яғни құзыреттілік-іс-әрекеттегі білім жиынтығы, жүйесі [80]. И.А. Зимняя құзыреттілік деп тұлғаның қасиеттерінің интегративті сипаттамасын, белгілі бір салаларда (құзыреттер) іс-әрекетті орындау үшін жоғары оқу орнын бітірушінің дайындық нәтижесі ретінде түсінеді. Құзыреттілік-бұл жағдаяттық санат, өйткені нақты кәсіби (проблемалық) жағдайларда қандай да бір іс-әрекетті жүзеге асыруға дайындықтан көрінетіндігіне мән бере отырып, құндылық-мағыналық, жобалау, азаматтық, интеграциялық, іс-әрекет, ақпараттық-технологиялық, өзін-өзі жетілдіру, өзін-өзі дамыту, өзін-өзі реттеу, қарым-қатынас, әлеуметтік өзара іс-қимыл сияқты құзырларды бөліп көрсетеді. Сондай-ақ адам қызметіне қатысты танымдық іс-әрекет құзыреттіліктеріне (танымдық есептер, проблемалық жағдайлар, өнімді әрі репродуктивті таным, зияткерлік қызмет, зерттеу) және іс-әрекет құзыреттіліктеріне (ойын, оқу, еңбек, болжау, жобалау, жоспарлау, моделдеу, зерттеу қызметі, әртүрлі іс-әрекет түрлерінен хабардар болу) сипаттама береді [81, с. 33]. В.В. Мозолин бойынша, құзыреттілік ұғымын күрделі, көп қырлы және көпаспектілі ретінде жинақтай отырып, оған барынша толық сипаттама береді. Құзыреттілік білім берудің зияткерлік және дағдылы құраушыларын біріктіреді. Құзыреттілік ұғымына когнитивті және операциялық-технологиялық құрамдастар ғана емес, сонымен қатар мотивациялық, этикалық, әлеуметтік және мінез-құлықтық құрамдастар да кіреді. Ол білім, білік және дағды, құндылықтық бағдарлар жүйесін, оқыту нәтижелерін қамтиды. Құзыреттілік нақты іс-әрекет түрі жағдайында алған білімін, іскерлігін, тәжірибесін және жүріс-тұрыс тәсілдерін жұмылдыру қабілетін білдіреді. Құзыреттілік ұғымына «нәтижеден» (бастапқы стандарттан) қалыптасатын білім беру мазмұнын интерпретациялану идеологиясын құрайды. Құзыреттілік білім беру мекемесінде ғана емес, сонымен қатар қоршаған ортаның әсерінен де, яғни формальды және формальды емес білім беру шеңберінде де қалыптасады [82]. Құзыреттілік тұғырдың негізгі тірек ұғымдарының әр түрлі қырларын сипаттай отырып, Ресей және шетелдік ғалымдар келесі пайымдауларды жасайды: – құзыреттілік – белгілі бір әлеуметтік – кәсіби мәртебедегі адамдардың білімі, іскерлігі мен тәжірибесінің өздері орындайтын міндеттер мен шешілетін мәселелердің нақты күрделілік деңгейіне сәйкес келу өлшемі; – құзыреттілік нақты экономикалық тиімділікке (кәсіби іс-әрекеттің нәтижесі) қол жеткізу қабілетін қамтамасыз ететін қызметкердің жеке қасиеттерін қамтиды; – «құзыреттілік» термині маманның тек қана кәсіби білімі мен іскерлігін сипаттайтын оған жақын «біліктілік» терминінен ерекшеленеді; – «құзыреттілік – бұл маманның кәсіби сауатты пайымдауларын, бағалаулары мен пікірлерін айтуға мүмкіндік беретін білімді, іскерлікті және дағдыларды игеруі»; – құзыреттілік - білім мен білімділікті іс-әрекеттермен байланыстырушы, яғни нақты жағдайдағы икемділікті жұмылдыра алатын білім алудың ерекше нәтижесі; – құзыреттілік іс-әрекеттің субъективті жаңа формаларын, түрлерін, функцияларын меңгеруде (иеленуде) көрініс табады; – құзыреттілік – бұл мамандарға жаңа технологиялар мен рөлдерді меңгеру және алгоритмденбеген іс-әрекеттерді орындау және осыған байланысты олар қоғамда қарқынды дамып келе жатқан технологияларды меңгеру қажеттігінен туындайтын білім беру нәтижесі ретінде белгісіздік жағдайында әрекет ету қабілеті болып табылады. Демек, И.В. Гандрабураның пікіріне сәйкес құзыреттілік, бір жағынан, заманауи маман тұлғасының сапалы интеративті сипаттамасы, яғни «істі білуімен» сипатталатын қызметіне қабілеттілік, екінші жағынан – білім мазмұнымен, оның әдіснамалық және педагогикалық жобалаумен қол жеткізуі жоспарланатын мақсат [83]. Ғалымдардың пікірі бойынша құзыретті маманның білікті маманнан айырмашылығы, алғашқылардың белгілі бір білім, білік, дағды деңгейі ғана емес, оларды жұмыста жүзеге асырудағы қабілеттілігінде. Құзыреттілік индивидтің өзінің кәсіби қызметін сапалы жүзеге асыруға ішкі мотивациясының, кәсіби құндылықтардың болуын және өз кәсібіне құндылық ретінде көзқарасын болжайды. Құзыретті маман өз мамандығының пәнінен тыс шығуға қабілетті, ол өзін-өзі дамытудың шығармашылық әлеуетіне ие. Демек, құзыреттілік-осы қоғамдастық үшін маңызды міндеттердің белгілі бір шеңберін шешуге бағытталған іс-әрекеттердің тиімділігін бағалау нәтижесінде берілетін жеке мінездеме [84]. Құзыреттілікті тиісті құзыреттер жинағын меңгерудің белгілі бір деңгейін куәландыратын тұлғаның субъектілік сипаттамасы ретінде қарастыратын ғалымдар (С.Я. Батышев [85], Б.С. Гершунский [86], Э.Ф. Зеер [80], И.А. Зимняя [81], А.К. Маркова [87], Л.М. Митина [88] және т.б. болды. Біздің зерттеуіміздің контекстінде Э.К. Хеннердің шет елдердің, ең алдымен Еуропалық Одақ мемлекеттерінің тәжірибесіне ден қойған еңбектеріне жүгіну орынды деп ойлаймыз. Өйткені олардың жоғары білімге деген құзыретті-бағыттылық көзқарасы қазақстандық білім беру реформаларының бастамасы ретінде қабылданды. Э.К. Хеннер Еуропалық Одақтағы жоғары білімге деген құзыреттілікке негізделген тәсілдің эволюциясын екі кезеңге бөлуге болады деп есептейді: талқыланатын мәселенің қазіргі жағдайына шешуші үлес қосқан Tuning жобасы басталғанға дейін және оның жетілген кезеңі [89]. «Tuning of educational structures» (Білім беру құрылымдарын баптау) – 2000 жылы басталған еуропалық жоғары білім беру жүйесін реформалау аясындағы ең ірі еуропалық жоба. Біздің зерттеу тақырыбымызға сәйкес ХХ ғасырдың 90-шы жылдары жазған ғылыми және білім беру қоғамында екі түрлі идеялар болды: – «құзыреттілік» ұғымы («competence»), іс-әрекет сипаты ретінде (“competency” қарағанда - тұлға сипаттамалары) білім, білік және дағдылар олардың құрамдас элементтері кіргізеді; – құзыреттілік - бұл, ең алдымен кәсіби немесе өмірлік жағдайлардағы тиімді және табысты іс-әрекет критерийлерімен байланысты мінез-құлық сипаттамасы. Сондай-ақ, «құзыреттілік» ұғымын біліммен және табысты кәсіби қызметпен байланыстыратын және белгілі бір саладағы білімдер тобы ұғымын, кәсіби іс-әрекеттің маңызды бөлігіне әсер ететін дағдылар мен көзқарастар ретінде түсіндіретін тәсіл. Tuning жобасы бойынша құжаттар мен жарияланымдарды талдау негізінде А. Demchuk, Y. Karavaeva, Y. Kovtun, S. Rodionova еңбектерінде атап өткендей, «Еуропалық білім беру тәжірибесінде соңғы жылдары құзыреттілік - категория деген пікірлер айтылуда, бұл түсінік жұмыс берушіге және оқуды бітіргеннен кейін тікелей жұмыс орнындағы түлектің кәсіби қызметін сипаттайды. Білім беру бағдарламаларын меңгеру барысында мұғалім құзыреттіліктерді қалыптастырумен емес, оқу жоспарының жекелеген компоненттері бойынша оқытудың нақты нәтижелеріне қол жеткізуді жоспарлау және бақылау мәселелерімен айналысады» [90]. Орыс тілі сөздіктеріндегі құзыр ұғымы (лат. competere-сәйкес келу, жақындау; қол жеткізу) 1) қандай да бір тұлғаның, органның өкілеттілік шеңбері; 2) осы адамның білімі, тәжірибесі жеткілікті мәселелер шеңбері» мағанасында ашылады. Ал «құзыретті» деген ұғым қандай да бір салада қомақты білімі бар, білетін және екінші мағынасы - құзыреттіліктерге ие (лат. copetens, competentis-сәйкес келетін, қабілетті). Құзыр «кімде-кім жақсы хабардар мәселелер саласы», ал құзыреттілік «құзыреттіліктің мәнін анықтаушы қасиет» [91]. Қазіргі ресейлік педагогикадағы құзырлардың неғұрлым кең және қолданылатын анықтамаларын келесі жолдарда бердік. – оқытудың нәтижесінде сапалы өнімді іс-әрекет етует үшін қажетті білім, білік, дағды және қызмет тәсілдерінің жиынтығы (А.В. Хуторский); – кәсіби және әлеуметтік талаптарға, сондай-ақ күтілетін жеке талаптарға сәйкес қызметті жүзеге асыруға мүмкіндік беретін тұлғаның қасиеттерінің интеграцияланған сипаттамасы (И.А. Зимняя); – белгілі бір сатыда білім алуды аяқтаған, оның негізінде оның әлеуметтік маңыздылығын ескере отырып, табысты (нәтижелі) және тиімді іс-әрекетке дайындығында (қабілеттілігінде) көрінетін адамның сапасы (Ю.Г. Татур); – оқыту процесінде немесе аяқталғаннан кейін нақты ықтимал жағдайларда қандай да бір қызметті жүзеге асыруға дайындықта байқалатын білім алушыларды даярлаудың интегралды сипаттамалары (В.И. Звонников). Жүргізілетін зерттеу контексінде «құзыреттілік» және «құзырлық» сияқты екі ұғымының аражігін ажырату қажет. Құзыреттіліктер ұғымын анықтаудың қиындығы, өзгелерден басқа, атап айтқанда семантикада. Жалпы сипатқа ие құзыреттілік ұғымының символдық мәні туралы нұсқалары өте көп және салыстырмалы болып келеді. Мәселен, «құзыреттілік» (лат. кең мағынада білім, тәжірибе, қандай да бір салада хабардарлық, белгілі бір органның немесе лауазымды тұлғаның өкілеттік шеңбері ретінде түсініледі. «Құзырлық» (лат. competentis қабілетті)-құзыреттілікке, яғни белгілі бір мәселелерді шешуде қандай да бір нәрсе туралы айтуға немесе өкілеттілікке ие болуға мүмкіндік беретін білімге, тәжірибеге ие болуды көрсетеді. Құзыреттіліктер, И.А. Зимняя бойынша, қайсыбір ішкі, әлеуетті, жасырын психологиялық жаңа түзілімдер (білім, түсінік, іс-әрекеттер жоспарлары (алгоритмдерді), құндылықтар мен қатынастар жүйесі) ретінде адамның құзыреттілігінде анықталады [81, с. 30]. С.Е. Шишовтың пікірінше: Құзырлық - маманның кәсіби қызметінде өз білімін, іскерлігін жұмылдыруға жалпы қабілеті, сондай-ақ іс-әрекеттерді орындаудың жалпылама тәсілдері. Маман өз құзыреттіліктерін нақты жағдайда, қызметте ғана көрсетеді [92]. А.В. Хуторский құзырлық ретінде өнімді қызмет үшін қажетті процестер мен заттардың белгілі бір шеңберіне жауап беретін жеке тұлғаның (білім, білік, дағды, қызмет тәсілдері) өзара байланысты қасиеттерінің жиынтығы деп түсіндіреді. А.В. Хуторский бойынша құзыреттіліктерді қалыптастыру білім беру мазмұнының құралдарымен жүзеге асады, бұл білім алуда нақты проблемаларды қарапайым өмірде шешу қабілеті мен мүмкіндігін дамытады және құндылық-мағыналық, жалпы мәдени, тұлғалық, коммуникативтік, оқу-танымдық, ақпараттық, әлеуметтік-еңбектік сияқты кілттік құзыреттіліктерді ерекшелейді [74, с. 58]. Болашақ бастауыш сынып мұғалімдерін дайындауда кәсіби құзыреттілікті зерттеу аса қызығушылық тудырады. Маманның кәсіби құзыреттілігін қалыптастыруға педагогтік мәселе ретінде зерттеушілер негізінен ХХ ғасырдың 80-90-ші жылдары жүгіне бастады. Белгілі ғалымдар педагогтің кәсіби құзыреттілігін зерттеумен ХХ ғасырдың 90-шы жылдарда белсенді айналысқанына қарамастан (Г.Н. Стайнов [93], Б.С. Гершунский [86], С.М. Вишнякова [94], А.А. Деркач [95], Е.Н. Герасименко [96], Ю.В. Койнова [97], К.А. Киричек [98] және т.б.) кәсіби білім беруден туындай келе түрліше түсіндіреді. Біздің зерттеуіміздің контекстінде «кәсіби құзыреттілік» ұғымын алдымен жалпы түсінік ретінде, содан кейін кәсіби-педагогикалық қызмет тұрғысынан, яғни кәсіби-педагогикалық құзыреттілік тұрғысынан қарастыру орынды деп санаймыз. Зерттеушілердің еңбектерінде кәсіби құзыреттілік әртүрлі ұстанымдар тұрғысынан қарастырылады: 1) сапа, білік жүйесі (Т.Г. Браже [99], Н. И. Запрудский [100] және т.б.); 2) білім мен дағдылар жүйесін, типтік тапсырмалардың шешімін табудың жалпыланған амалдарын қосып алғандағы маманның жеке тұлғалық интегративті сапа-қасиеті (Э.Ф. Зеер); 3) қалыптасқан тұлғалық сапа (И.А. Зимняя, А.В. Хуторский); 4) танымдық және практикалық қызметтің теориялық құралдарымен сипатталатын тұлғаның білімділігі мен жалпы мәдениетінің деңгейі (Б.С. Гершунский, А.Д. Щекатунова және т.б.); 5) адамның дербес жауапты әрекет ете алуына мүмкіндік беретін психикалық ерекшеліктер, адам еңбегінің нәтижесінен тұратын белгілі бір еңбек функцияларын орындау қабілетінің болуы (А.К. Маркова); 6) білім, білік және дағдылардың, сондай-ақ кәсіби іс-әрекетті орындау тәсілдерінің үйлесімділігі (Л.М. Митина) [88]; 7) кәсіби-лауазымдық талаптарды белгілі бір деңгейде жүзеге асыру қабілеті (С.Г. Молчанов) [101]; 8) маманның жеке басының жай-күйі мен қасиеттерінің ішкі психикалық күрделі жеке жүйесі, кәсіби қызметті жүзеге асыруға дайын болу және осы әрекет үшін қажетті іс-қимыл жасау қабілеті (Ю.В. Варданян) [102]; 9) оқытудың арқасында алынған білім мен тәжірибеге негізделген тұлғаның оқу-танымдық үдеріске өз бетімен қатысуына бағытталған және оны еңбек қызметіне табысты енгізуге бағытталған жалпы қабілеті мен қызметке дайындығы (С.Е. Шишов) [92, с. 30]. Диссертациялық зерттеулер мен педагогикалық әдебиеттерді талдауда зерттеушілер негізінен кәсіби құзыреттілік кәсіби қызметтің қандай да бір саласында білімді, іскерлікті және дағдыларды игеру дәрежесін, сондай-ақ қоғамда тиімді әрекет ету іскерлігін, сонымен қатар жеке қасиеттерінің жиынтығын көрсететін қызметкердің (маманның) жеке тұлғасының интегралдық сипаттамасы ретінде пайымдайтыны анықталды. Кәсіби құзыреттілікті қалыптастырудың негізгі көздері оқыту және субъективті тәжірибе болып табылады. Кәсіби құзыреттілік тұлғаның әр түрлі қасиеттеріне байланысты және барлық жаңа білім мен іскерлікті жетілдіруге, игеруге, қызметті байытуға тұрақты ұмтылысымен сипатталады. Мамандардың өз біліктілігін үнемі арттыруға, кәсіби дамуға дайындық құзыреттіліктің психологиялық негізі болып табылады. Кәсіби құзыреттілікті қалыптастыру қандай да бір стандартты болжай алу мен стандарттың белгілі бір деңгейіне қол жеткізуді білдіретін процесс. Кәсіби құзыреттілікті қалыптастыру-кәсіпқойлықты басқарылатын процесі, яғни бұл маманның өздігінен білім алуы [103]. Маманның кәсіби құзыреттілігін қалыптастыру процесі күрделі және қарама-қайшы. Бірқатар тиісті ғылыми жұмыстардың жарық көргендігіне қарамастан (Т.Г. Браже, Э.Ф. Зеер, Е.А. Климов [104], А.К. Маркова, Л.М. Митина, Е.М. Павлютенков [105] және т.б.) осы мәселе бойынша осы уақытқа дейін біркелкі пікірлер жоқ. Мамандардың кәсіби құзыреттілігін қалыптастыруға тұғырды іздеуде қазіргі уақытта көптеген зерттеушілер (С.А. Беличева [106], В.Г. Бочарова [107], А.А. Вербицкий [108], Ю.М. Жуков [109], И.А. Зимняя, Н.Б. Шмелев [110] және басқалар) үлес қосты. Алайда, маманның кәсіби құзыреттілігін қалыптастырудың педагогикалық негіздеріне, біздің ойымызша, әлі де жеткіліксіз көңіл бөлінуде. Бұл көбінесе «құзыреттілік» ұғымына кәсіби, әлеуметтік-педагогикалық, әлеуметтік-психологиялық, құқықтық және басқа да сипаттамаларды біріктіретін күрделі, ауқымды мазмұнды қарастыратындықтарына көз жеткізеді. «Кәсіби құзыреттілік» санатына Б.С. Гершунский тәжірибе мен жеке қабілеттерді, жеке кәсіби білім деңгейін, өздігінен білім алуын жетілдіру мен дайындығын, іске деген жауаптылық пен шығармашылықтағы көзқарастарын жатқызады [86, с. 43]. С.М. Вишнякова біліктілігін анықтайтын кәсіби білім мен іскерлікпен қатар, құзыреттілік ұғымына коммуникативтік қабілеттерді, бастамашылықты, қисынды ойлауды, ақпаратты алу және қайта өңдеу сияқты қасиеттерді жатқызады. Ғалымның пайымдауынша, құзыреттілік табысты кәсіби қызмет үшін қажетті білімі, шеберлігі мен жеке қасиеттерін қамтитын, еңбек субъектісінің интегративті сипаттамасы ретінде әрекет етеді, ал кәсіби құзыреттілігін белгілі бір кәсіп, мамандық контексінде қарастыру қажет [94, с. 132]. Ғылыми әдебиеттерді талдау кәсіби құзыреттілікті қалыптастырудың теориялық және практикалық аспектілерін Т.А. Матвеева [111], Б.Т. Кенжебеков [112], Н.В. Мираза, С.И. Ферхо [113], К.О. Оразбаева [114] Б.А. Тұрғамбаева [115], Г.А. Колесникова [116], (болашақ мамандардың кәсіби құзыреттілігі), студенттердің (Ж.Ж. Тұрсынова [117], М.К. Джандильдина [118]), Г.Ж. Меңлібекова [119], Б.Т. Барсай [120], Б.Ж. Нұрбекова, (кәсіби біліктілікті жоғарылату және қашықтан оқыту, қосымша білім бер жүйесінде) және т.б. ғалымдар зерттеген. Б.Т. Кенжебековтің «Жоғары оқу орны жүйесінде болашақ мамандардың кәсіби құзыреттілігін қалыптастыру» атты диссертациялық жұмысында В.А. Сластениннің дидаскологиялық ғылыми мектебінің теориялық идеяларына сүйене отырып, жоғары білімді кәсіби құзыретті маманның қалыптасуы жөнінде «кәсіби құзыреттілікке жеке тұлғаның кәсіби қызметін жүзеге асыруға деген теориялық жене практикалық даярлықтарының бірлігі ретінде қарау маманның кәсіпқойлығына сипаттама беруге мүмкіндік жасайды; кәсіби міндеттерді шешуде кәсіби құзыреттілікті ic-әрекеттің нәтижелерін мөлшерімен бағалау, бұл құбылыстың (құзыреттілігінің) көпдеңгейлі белгілеріне сипаттама беруге жол салады; кәсіби білім беру үдерісінде кәсіби ic-әрекетті моделдеуші, имитациялаушы немесе нақты алуан түрлі міндеттерді орындау жолымен кәсіби іскерліктерін қалыптастыруға бағдар ұстау болашақ маманның кәсіби құзыреттілігін жоғарғы оқу орнында қалыптастырып, дамытуға болатынын көрсетеді»,-деген тұжырым жасайды. Б.Т. Кенжебеков кәсіби құзыреттілік құрамына субъектік, нысандық және пәндік компоненттерді кіргізеді. Автордың анықтауынша субъектілік компонент болашақ маманның мақсатта болушылық және дамытушылық негізде өзіндік диагностиканы, өзіндік өзгерулерді, өзіндік бағалауды жене өзіндік талдауды, сонымен қатар кәсіби ic-әрекеттегі диагностиканы, өзгерісті, бағалауды жене талдауды іске асыру шеберлгі ретінде маманның өзіндік сапасын сипаттайды; нысандық компонент кәсіби ic-әрекет жүйесінің және оның әрекеттеріндегі міндеттерден нәтижеге дейін жасалу қозғалыстарының барлық кезеңдерін қамтамасыз етуді маманмен жасалу үдерісін сипаттайды; пәндік компонент топ адамдардан, олардан алынатын кәсіби көмек пен қызмет көрсетуде немесе гуманитарлық-маман мен адамның қызметінде бірлесе бөлісу табыстарды құрайды [112, б. 35.]. Б.Т. Барсайдың бастауыш сыныптың болашақ мұғалімдерін дайындауда кәсіби-дидактикалық құзыреттілігін қалыптастыру жүйесін құрудың теориялық негіздері, тұлғалық - бағдарлы білім беру теориясы болашақ бастауыш сынып мұғалімінің кәсіби-дидактикалық құзыреттілігін қалыптастырудың басты бағдары ретінде, педагогикалық үдеріс теориясы - болашақ мұғалімнің кәсіби - дидактикалық құзыреттілігін қалыптастырудың объектісі ретінде, іс-әрекет теориясы болашақ бастауыш сынып мұғалімінің кәсіби-дидактикалық құзыреттілігін қалыптастырудың әдіснамалық тұғыры ретінде және пәндердің интеграциясы туралы теориялар - болашақ бастауыш сынып мұғалімінің кәсіби-дидактикалық құзыреттілігін қалыптастырудың негізі ретінде тұжырымдайды. Зерттеуші «Болашақ бастауыш сынып мұғалімінің дидактикалық құзыреттілігі - оның бастауышта оқытылатын барлық пәннің ғылыми негіздерін, мазмұнын, оларды оқытудың ортақ және кейбір пәндердің жеке ерекшелігіне байланысты әдістемелерін, оқытуда қолданылатын технологияларды толық меңгеруімен, сабақ үдерісінде дидактикалық талаптарды (оқытудың ұстанымдары мен заңдылықтарын, оқыту формаларын, құралдарын, нәтижені бағалау әдістерін т.б.) жүзеге асыруға қажетті білім, білік, қабілет, дағдысы және тәжірибесінің болуымен анықталатын кәсіби сапасы», |