методичка. Методичка Ана тил 4 кл. Методика болушлукъ ана тил. 4 кл. Ангылатыу сёз
 Скачать 183.83 Kb.
|
|
Къаракетланы Заурбекни джашы Исса 1900 джыл Джёгетей элде туугъанды. Фахмулу поэтни биринчи назмусу 1922 джыл басмаланнганды.1924 джыл «Джангы шигирле» деб, биринчи китабын Москвада чыгъаргъанды. Поэт Ата джурт къазауатда 1942 джыл джигитча ёлгенди. Ана тилим (Къаракетланы Исса) Эй, ана тилим, кирмей тергеуге, Минг-минг джылланы къайда сакъландынг? Ишин-муратын биреу биреуге Джазалмай туруб, не кеч джокъландынг! Къарачай, малкъар,къабарты,ногъай, Ууакъ миллетле дагъыда талай, Ненча ёмюрню атладыла санаб, Ана тил хариф кёрмейин къараб? Ууакъ халкъладан не къадар джанла, Фахмулу, закий – къаллай инсанла, Сен джокъ себебли, саналмай саннга, Кирдиле джерге, ушаб хайуаннга!.. Тур энди, тур, бирден барайыкъ, Тот кирпиклени ачыб къарайыкъ. Ким да аямасын ишин, кючюн, Ана тилин джарытыр ючюн! Ана тилинде кёз джарыкъ кёреди, Ана тилинде адам сый береди. Сагъыш этеди кечем-кюнюм, Ана тилимди джюрегим, тиним!.. Ана тилими татыун билсе, Ким да, менича, ёсерин сюйсе, Бузлагъан кёб сёз джюрюучю болур, Джюрекле къаныб джазарча болур. Ана тилим (Боташланы Абидат) Ана тилим, Джаным-тиним, Сенсе, дейме, Джарыкъ кюнюм. Сени бла, тизиб, анам Меннге белляу айтыучанед. Озуб баргъан джолоучу да, Муну эшитиб, къайтыучанед. Джаным-тиним, Ана тилим! Уллуд сеннге сюймеклигим. Тил дегенинг адам Дуниягъа джаратылгъанлы эм кючлю сауутду, эм къудуретли амалды шохлукъну тутууда, джарыкълыкъны джайгъанда… Пять братьев (Семенланы Азамат) По одной тропинке узкой Шли мы сквозь дремучий лес – Карачаевец, русский, Абазинец и черкес. Рядом с нами шел ногаец, Наш меньшой, наш пятый брат. Вместе шли изнемогая, В тщетных поисках добра. Сколько б шли мы так, не знаю, Чтоб на новый мир взглянуть. Если б Родина родная Нам не указала путь. И, рассеяв сумрак ночи, Мы воспрянули душой. Загорелись наши очи Светом радости большой. Одолели и нужду мы, И наследье темноты. Веселее стали думы, Дерзновеннее – мечты. Стали общими навеки Наши пашни и коши, Несмолкающие реки, Песни сердца и души. Имена у нас не схожи, Но друг другу мы сродни. Разный цвет у глаз, а все же Взгляды общие – одни. Языки у нас различны, Но одна у всех нас речь. Есть один закон отличный – Крепко Родину беречь. Дружно, как родные братья, Мы живем семьей одной; Вместе добываем счастье На земле своей родной. Устаз: Ким айтыр нарт сёзле? – Тилсиз миллет джокъ болур. – Окъугъан – асыу, окъумагъан – джарсыу. – Тили джокъну сыйы джокъ. – Окъумагъан сокъурду, сокъур ташха абыныр. – Билиб насыб берир, билим джолну керир. – Билим сатылмайды – окъуб табылады. – Билим тауланы тешер. – Ана тилин сюймеген – анасын да сюймез. – Адам сёзюнден белгили. – Айтылгъан сёз ызына къайтмаз. Устаз: Мен сизге джомакъланы айтайым, сиз джууаб этигиз. Джазаргъа уста - окъургъа тилсиз. (Къалам) Таууш этмей сёлешген, Халкъгъа акъыл юлешген. (Китаб) Джарыкъ юйге барыучу, Акъыл-билим алыучу. (Окъуучу) Эл ичинде бир ана Кёб сабийни сюеди, Анга келиб киргеннге Акъыл-билим береди. (Школ) Не къолу джокъ, не аягъы джокъ, Дунияны юсюнде джетмеген джери джокъ. (Сёз) Акъыл айтад соргъаннга, Анга нёгер болгъаннга. Хар бир сёзю бек табды,- Бу не затды? (Китабды). Багъасына багъа джетмеген, Ёмюрюнде сыйы кетмеген. (Акъыл) Сокканы сёзлюгю (Бир суратлы инсценировка. Сылпагъарланы Рамазанны чамларына кёре джарашдырылгъанды.) Къошулгъанла: Устаз Сурат Аслановна, Сокка, талай сохта. Сурат Аслановна: - Сабийле, ол джол дерсде биз алан (къарачай-малкъар) тилде сыфатны билдирген сёзлени, къыйдыргъан магъанасы болгъан сёзтутушланы юслеринден сёлешген эдик. Сёзлени тюз магъаналары бла къыйдыргъан магъаналары болады, магъаналары бир-бирлерине джууукъ неда къаршчы сёзле боладыла.Ол затланы ангылаб, сёзлени магъаналарын кесгин билиб, аланы тюз хайырлана билирге юренирге керек болады. Устаз: - Къайда, Сокка, сен къарачай тилни айырыб иги билесе, юйге берилген дерсни къалай тындыргъанынгдан бир хапар айт. Сокка: (дефтерин ачыб, окъуб башлайды). Къарачай-орус сёзлюк: сенек аууз – вилы рот; бизге башсыз тиширыу келди – к нам пришла женщина без головы; къара суу – чёрная вода; къара халатны кийдим – одел чёрную ошибку; Сарыбий Гитчекъызны джашыды – жёлтый князь – сын маленькой девушки; иги окъугъан сохтаны хар ким да сюеди – колбасу, которая хорошо учится, все любят. дунияны къуяргъа – мир наливать; Сурат Аслановна: - Нек тохтадынг, Сокка? Сокка: Бир кюннге мындан кёб эталмадым. Устаз: Ана тил - адамны ата-анасы, ата-бабалары, миллети сёлешген тилди. Адам талай тилни билирге болады, билалгъан да этеди. Билирге да керекди. Алай а эм багъалы, адамны кесини энчи тили - ана тилиди. Анга «ана тил» деб да бош айтылмайды. Адам сагъыш, оюм ана тилинде этеди. Ана тилни макъамы адамгъа джылыу, кюч-къарыу, саулукъ береди. Ана тилинде джырлаучуланы, тынгылаучуланы да кёллери джарыкъ, джашаулары узакъ болуучусу эртде эсленнгенди. Аланы адеблиликлери, намыслылыкълары да уллу болады. Ала ата-бабаларыны сыйларын мийикде тутадыла, аланы тин байлыкъларын «сата» айланмайдыла. Адам къайсы тилде сёлеширге ёч эсе, ол миллетни адамыды деб, бош айтылмайды. Сабийлигинден башлаб, сёлешген тилни юсю бла адамгъа ол миллетни миллет ангысы сингиб, тини, къылыгъы да анга кёре къуралады. Миллет да тилини юсю бла сакъланады. Тили унутула барса, ол миллетни адамлары башха тилледе сёлеше турсала, ол миллет седиреб, тил тас болса, миллет да тас болады. Миллети болмагъанны уа тюз, таза халиси да, сыйы да болмайды. Ол себебден, ана тилин билмеген, сюймеген адам - ол миллетин, ата-бабаларын, ата-анасын, кесин да учуз, сыйсыз этеди (анга сатлыкъ халили дерге боллукъду). Бизни белгили джырчыбыз, Семенланы джырчы Сымайыл да былай джазгъанды: Ана тилим (Семенланы Сымайыл) Тил дегенинг адам джанны башха джандан Сыйлы этген, Тил дегенинг хар инсанны, билим бериб, Алгъа элтген, Тили болгъан бу дунияны патчахыды, Тёрюндеди. Болмагъан а - баш баулуду, хайуанны Кеминдеди. Мамчуланы Дина да быллай тизгинле атагъанды ана тилибизге, ол аны багъалыгъын былай билдиреди: Ана тилим (Мамчуланы Дина) Ана тилим - тауларымы къадау ташы, Намысымы, насыбымы сыйлы башы, Ана тилим - джюрегими булбул джыры, Миллетими нюр чырагъы, сыйы, сыры. Ана тилим да, Ата джуртум да бирдиле меннге. Устаз: Къайда джашайбыз, кимлебиз биз, ким айтыр? Бир къызчыкъ быллай джууаб бергенди, бир тынгылагъыз. «Биз Къарачай-Черкес респуликада джашайбыз. Бизни республикабыз Россияны эм ариу джерлерини бириди. Мен джай атам бла Бийчесыннга чыкъгъанымда, бир сейир болгъан эдим. Кече джулдузла, къолунг бла узалыб джетерча, алай чууакъ кёрюне эдиле. Кюндюз мийик къаяланы тюбюнде къарасанг, джашил талада, аланы ичлери бла кюмюшча джылтырагъан суула, суу секиртмеле, алача джылтырагъан акъ къанджалбаш юйле. Мен къууанама быллай джуртда туугъаныма, кесими да бу табигъатха ушарым келеди. Ариу да, къарыулу да, билимли да, намыслы да болсам, табигъатны ариулугъуна келиширик эдим... Бизни республиканы адамлары мамырлыкъны сюйген адамладыла. Ала бир-бирине болушадыла, къууанчны, къайгъыны, да бирге этедиле, байрамланы бирге бардырадыла». Устаз: Ата Джуртубузгъа аталгъан къаллай назмула, чыгъармала билесиз, эсигизге бир тюшюрюгюз? Джуртум, десем, сабий болуб, къучакълайма анамы, солдат болуб, чегибизни сакълайма, ана болуб, унутама джукъуму... Джуртум десем, тауча болуб терен кёлюм, хар джарсыудан сакълайд мени деу халкъым. Джуртум десем, ненча тилде, ненча джыргъа сейирсиниб тынглайма... Нюр тюрсюнлю, татлы тилли Ата джуртум, Кёкюрегингде ёсдюргенсе сен мени. Ышан меннге, Джуртум-джаным, Джаным-сенденд! Джаным-сендед! Адам джерни сюйген адет эсе, сюеме сени, адам джерни сюйген борч эсе, сюеме сени, адам джерни сюйген дерт эсе, сюеме сени… Адам джерни сюйген бедиш эсе да, ыйлыкъмайма кишиден - сюеме сени, кёк наратланы, кёк булутланы, туугъан джуртум! Устаз: Тил дегенинг - ол адамны эм уллу къадамасыды, эм кючлю сауутуду. Тилсиз бу дунияны байлыгъын, билимин эсге алыргъа да бек кючдю, бек табсызды. Тил болмаса, хар затны не боллугъун а кёзге тюшюрюу да адамгъа бек уллу джарсыуду, бек уллу къыйынлыкъды. Тил дегенининг дунияны башында эм кючлю къылычыды. Орусда былай айтылады: Любой язык по-своему велик, Бесценное наследство вековое. Так берегите свой родной язык, Как самое на свете дорогое. Устаз: Поэтле ана тилни юсюнден джазаргъа, тилни терен джашау магьанасын чертерге, уюргъа къоймай, джашауну алгъа элтгени ючюн кюрешедиле. Аман тил барды дерге джарамаз, хар тилде да кесича бир игилик болур, алай а, хар кимге да кесини тили ариу кёрюнюучюсю хакъды. Бизни тилибиз а, къарачай-малкъар (алан) тил, дунияда бек эртделеден огъуна бек кенг джайылыб тургъан тюрк тиллени эм эртдегили бутагъыды. Бек эртдегили, бай, сейир, таза тилди. Аны алимле эртде ачыкъ этгендиле. Бизни хар бирибиз бу сейир тилибизни иги билирге, сакъларгъа, кесибизден гитчелеге билдирирге борчлубуз. II. Оюм чыгъарыу. Тамамлау. (Рефлексия). 16-чы дерс. БАЧХА САЛГЪАН КЮН КЪЫЗЧЫКЪГЪА. Семенланы С. Дерсни муратлары:Семенланы Сымайылны назмусу бла шагъырей этиу; назмуну тинтиу; ана литературабызны хазнасыны байлыгъын ачыкълау; адам-инсанлыкъ муратлары (личностные): ишде джалкъаулукъну заранын белгилеу; зарлыкъ адамны осал шарты болгъанын сюзюу; адамлыкъны асыл шартларын ёсдюрюу ишлени бардырыу; талпымакълыкъ муратлары (регулятивные): дерсни муратлау; окъугъанларыны магъанасына эс ийдириу; келишимлик муратлары (коммуникативные): этер ишни терк этерге кереклисин ангылатыу эмда ишни не къадар созсанг, аллай бир ол ишни хайыры татыусуз, джараусуз, кем болгъанын ачыкълау; Дерсни ахыргъы мураты: сабийлени мийик дараджалы муратлагъа учундуруу. Дерсде окъуу керекле: дерсге эпиграф: «Ашхыгъа эл ышаныр, джауумгъа джер ышаныр», сёзлюк, Семенланы Сымайылны сураты… Дерсни барыуу I. Дерсге хазырланыу. (Организационный момент). Эслерин дерсге буруу. Джангы дерсни кереклисин айыртыуэмда окъуу магъанасын айыртыу. II. Сёзлюк иш. Тишлемез, къыт болур, джут болур, кёзю зар болур, билек кючю аз болур, инджилир, термилир, бизни кёлтюрген, сабанла, бал къауузла ашатхан, ишге саны сууутма, ишлемеген – тишлемез… III. Устазны окъууу, назмуну къыйын джерлерин тинтиу. 1. «Ишлемеген тишлемез, Муратына джетелмез, Юй байлыгъы къыт болур, юйдегиси джут болур» деб, нек айтылады? (Кеси къыйыны бла ишлеген, ишни эте билир, билмегенине юренир, ишини хакъын табар, аны багъасын билир, башха адамны къыйынын сыйлар…Ишни сыйлагъан, таб ишлей билир. Таб ишлеген мийик дараджагъа джетер… Аны ючюн къууаныр, байрам тепсиге олтурур, байрам хантла бла сыйланыр, тишлик бла да… Ишлемеген а аллай ашхылыкъладан къуру къалыр, ол себебден юйдегисине азыкъ табалмаз, аны къууандыралмаз, сыйлы да болмаз. Юйю берекетсиз болур, къыт болур хар заты. Джугъу болмаса, юйдегиси да джут болады. Зат юйде болмаса, кёзюнг къууанмайды, ол себебден джюреги асыры бек къоркъуб, ач болама деб, хар затны джашырыучу, кесине кёб джыртыучу, затдан тоймаучу болады сабий. Сабийлиги алай ётген адам, ёмюрде да токъ болмайды. Къарачайда сёз барды: …) 2. «Аны кёзю зар болур» дегенни уа къалай ангыладыгъыз? Нек болургъа керекди зар? (Кесинде болмагъан затха, кеси кёрмеген затха адам сукъланыучу болады. Аман адам а зар болады, менде джокъду, анда нек барды деб, аман акъыл келеди эсине. Ол акъыл джангылыч акъылды. Ол хар кюнде анга къыйналыб турады, джаны да аны ючюн инджилген этеди, токъ болуру келеди. «Токъ» деген «тойгъан деген магъанады. Ол себебден аллай аман сагъышла эте турмай, адам, кюрешиб, кесин ишлетирге керекди… Ол заманда кимден да бек кеси къууанныкъды…) 3. «Ишди бизни ёсдюрген, сабанланы ёсдюрген, бал къауузла ашатхан, тоюндуруб джашатхан» - къалай ангылайсыз бу тизгинлени? 4. «Ишге санны сууутма» дегенни магъанасы уа неди? (Адам джашаууну узунуна сюйген иши бла кюрешгенлей ашырса, олду тюзге саналгъан) IV. Назмуда хар тизгинни эм магъаналы сёзюн табыб, ол сёзню, ауаз бла къатыракъ этиб, белгили этерге (логика басым салыргъа), ауузны мийик неда тунакы эте, назмуну карандаш бла партитурасын этерге. Ичлеринден окъутуу.  Керилиу такъыйкъа. Макъамгъа тынгылатыу эмда анга кёре санларын къымылдатыу. (Музыкальная физминутка). VI. Назмугъа келишген нарт сёзлени эсге тюшюрюу. Эринчек ашаса да джатыб ашайды. Эринчек ауруу табар, ишлеген саулукъ табар. Эринчек бир аягъын алгъынчы, бир аягъын ит алыр. Эринчек ишде уялыр. Эринчек муратына джетмез. Эринчек ёретин джукълар, джатыб ишлер. Эринчекге бюгюнден тамбла тынч. Эринчекге кюн узун. Эринчекге от этдирме, мухаргъа хант этдирме. Эринчекге от этдирсенг, юйюнге от салыр. Эринчекни "эртдеси" битмез. Эринчекни аурууу кёб болур. Эринчекни эр алмаз, эр алса да кёл салмаз. Эринчекни эрни къургъакъ. Эринчекни хар кюню да байрам. Эринчекни отуннга ийсенг, чымырта келтирир. Эринчекни сылтауу таусулмаз. Эринчекни тамбласы кёб болады. VIII. Бегитиу ишле. IX. Оюм чыгъарыу. (Обобщение). 2 мин X. Тамамлау. (Рефлексия). 2 мин Вариант дерс. НАСИХАТЛА. САБЫРЛЫКЪ. Мечиланы К. Дерсни муратлары:сабийлени Хубийланы Османны «Атмаз» деген назмусу бла шагъырей этиу; назмуну анализ этерге юретиу; сёз чемерликлерин ёсдюрюу; тил байлыкъны сакъларгъа кереклисин билдириу. адам-инсанлыкъ муратлары (личностные): заманларын зыраф этмей, кеслерин къураргъа юретиу; хар кюнде адамлыкъны шартларын ёсдюрюу джанына бурдуруу; талпымакълыкъ муратлары (регулятивные): дерсни муратлау; окъугъанларыны магъанасын терени бла ангылатыу; келишимлик муратлары (коммуникативные): устаз бла, сабийле бла тийишли ишлерге хазырлатыу эмда ишни толу баджарыргъа тырмашдырыу. Дерсни ахыргъы мураты: сабийлеге мийик дараджалы муратла салыргъа учундуруу. Дерсде окъуу керекле: Россияны картасы, шемшер, къоз, наз, эмен, нарат, нызы, къайын тереклени, джюзюм кёкенлени суратлары, Къарачай-Черкес республика Россияны картасында, КЧР-ни юсюнден презентация неда киносу Дерсни барыуу Дерсге хазырланыу. (Организационный момент). Эслерин дерсге буруу. Джангы дерсни кереклисин айыртыуэмда окъуу магъанасын айыртыу. Сёзлюк иш. (Словарная работа).2 мин Дерсни къыйын джерлерин тинтиу. (Выявление затруднения). 3мин Ичлеринден окъутуу. (Чтение рассказа про себя). 5мин Макъамгъа тынгылатыу эмда анга кёре санларын къымылдатыу. (Музыкальная физминутка). 3мин Группалада ишлетиу. Цитаталадан план салдырыу. (Работа в группах (составление цитатного плана). 5 мин Хапарны планнга кёре окъуу. (Чтение рассказа по частям составленного плана). 6 мин Бегитиу ишле. Экем-экем ишлеу. (Первичное закрепление, составление синквейна (работа в парах). 3 мин Оюм чыгъарыу. (Обобщение). 2 мин Тамамлау. (Рефлексия). 2 мин 17-чи дерс. САФИЯТ. (поэмадан юзюк) Ёртенланы А. Дерсни муратлары:сабийлени Хубийланы Османны «Атмаз» деген назмусу бла шагъырей этиу; назмуну анализ этерге юретиу; сёз чемерликлерин ёсдюрюу; тил байлыкъны сакъларгъа кереклисин билдириу. адам-инсанлыкъ муратлары (личностные): заманларын зыраф этмей, кеслерин къураргъа юретиу; хар кюнде адамлыкъны шартларын ёсдюрюу джанына бурдуруу; талпымакълыкъ муратлары (регулятивные): дерсни муратлау; окъугъанларыны магъанасын терени бла ангылатыу; келишимлик муратлары (коммуникативные): устаз бла, сабийле бла тийишли ишлерге хазырлатыу эмда ишни толу баджарыргъа тырмашдырыу. Дерсни ахыргъы мураты: сабийлеге мийик дараджалы муратла салыргъа учундуруу. Дерсде окъуу керекле: Россияны картасы, шемшер, къоз, наз, эмен, нарат, нызы, къайын тереклени, джюзюм кёкенлени суратлары, Къарачай-Черкес республика Россияны картасында, КЧР-ни юсюнден презентация неда киносу |